ជម្រើសជាតិអ៊ីរ៉ង់ ជួបរឿងចម្រូងចម្រាស មុនប៉ះអង់គ្លេស 

នៅយប់ថ្ងៃចន្ទទី២១ខែវិច្ឆិកានេះ ក្រុមបាល់ទាត់ជម្រើសជាតិអ៊ីរ៉ង់ ​នឹង​ត្រូវ​បង្ហាញ​ខ្លួន​ជា​លើក​ទី​៦ ​ក្នុងព្រឹត្តិការណ៍​ប្រកួតបាល់ទាត់ពិភពលោក ដោយ​ពួក​គេ​ត្រូវ​ជួប​ក្រុមតោកំណាច​អង់គ្លេស ​ក្នុង​ការ​ប្រកួតបើកឆាកពូល B។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងចម្រូងចម្រាសមួយបានកើតឡើងកាលពីថ្ងៃអាទិត្យទី២០ខែវិច្ឆិកា នៅពេលខ្សែការពារ Ehsan Hajsafi បានក្លាយជាកីឡាករដំបូងគេក្នុងក្រុមជម្រើសជាតិ ដែលហ៊ាននិយាយប្រឆាំងនឹងបាតុកម្មដែលកំពុងបន្តនៅក្នុងប្រទេសខ្លួន ដោយលើកឡើងថា “យើងត្រូវទទួលយកថា លក្ខខណ្ឌនៅក្នុងប្រទេសរបស់យើងគឺមិនត្រឹមត្រូវ ហើយប្រជាជនរបស់យើងមិនសប្បាយចិត្តទេ”។

កាលពីខែតុលា បុគ្គលិកកីឡាមួយចំនួនរបស់អ៊ីរ៉ង់ ក៏បានចាត់វិធានការផ្លូវច្បាប់ផងដែរ ដើម្បីស្វែងរកការហាមឃាត់សហព័ន្ធកីឡាបាល់ទាត់អ៊ីរ៉ង់ពីការប្រកួត ដោយលើកឡើងពីការរើសអើងប្រឆាំងនឹងស្ត្រី ដែលព្យាយាមចូលរួមក្នុងការប្រកួតនៅក្នុងប្រទេស៕

ប្រែសម្រួល៖ Vann Vann

ប្រភព៖ Aljazeera

ចុចអាន៖ អង់គ្លេស ​នឹងលត់​ជង្គង់​មុន​ការ​ប្រកួត​បើក​ឆាក World Cup ទល់​នឹង​អ៊ីរ៉ង់ យប់នេះ