មួយដៃរបស់ de Jong ធ្វើឲ្យខ្សែបម្រើសេណេហ្គាល់ ត្រូវប្តូរចេញពីទីលាន ដោយភាពឈឺចាប់

អាចនិយាយបានថា នេះមិនមែនជាការចាប់ផ្តើមដ៏ល្អទេសម្រាប់កីឡាករ Cheikhou Kouyate ក្នុងព្រឹត្តិការណ៍ World Cup ឆ្នាំ២០២២ ដោយសារតែខ្សែបម្រើសញ្ជាតិសេណេហ្គាល់រូបនេះ ត្រូវបង្ខំចិត្តប្តូរចេញពីទីលាន បន្ទាប់ពីឧប្បត្តិហេតុដ៏គួរឲ្យភ្ញាក់ផ្អើលជាមួយកីឡាករ Frenkie de Jong របស់ហូឡង់។

ពេលដែលកីឡាករទាំងពីរ ប្រជែងគ្នាយកបាល់, De Jong យកដៃទៅប៉ះចំតំបន់ពិសេសរបស់ Kouyate។

Kouyate ត្រូវ​បាន​គេមើលឃើញ ស្រែកដោយភាពឈឺចាប់ ហើយត្រូវក្រុមគ្រូពេទ្យសែងចេញពីទីលាន នៅនាទីទី៧០។

អ្វីដែលកាន់តែអាក្រក់នោះគឺ ក្រុមសេណេហ្គាល់បានប្រកួតចាញ់ហូឡង់ ដោយលទ្ធផល ២-០។

២គ្រាប់របស់ហូឡង់ រកបាននៅតង់ទី២ ដោយកីឡាករ Gakpo នៅនាទីទី៨៤ និងកីឡាករ Klaassen នៅនាទីទី៩០+៨៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ មានរឿងអ្វី បានជាកីឡាករអ៊ីរ៉ង់ មិនច្រៀងចម្រៀងជាតិ ពេលប៉ះអង់គ្លេស យប់មិញ?