Connect with us

កីឡា

Man United ប្រកាសចែកផ្លូវជាផ្លូវការជាមួយ Ronaldo នៅក្នុងសេចក្តីថ្លែងការណ៍ ៦៧ពាក្យ

បានផុស

នៅ

ក្លិបបិសាចក្រហម Manchester United បានប្រកាសជាផ្លូវការកាលពីយប់មិញ (ម៉ោងនៅកម្ពុជា) ថា Cristiano Ronaldo បានចាកចេញពីក្លិបជាបន្ទាន់ ប៉ុន្តែមិនបាននិយាយពាក់ព័ន្ធអំពីបទសម្ភាសជាមួយនឹងលោក Piers Morgan ឡើយ។

ការប្រកាសនេះធ្វើឡើងជាលទ្ធផលនៃការសម្ភាស ២ផ្នែករបស់បុរសវ័យ៣៧ឆ្នាំរូបនេះ ជាមួយ​លោក Morgan​ នៅលើ​TalkTV កាលពីសប្តាហ៍មុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីថ្លែងការណ៍ ៦៧ពាក្យពី Manchester United បានសរសេរថា ‘Cristiano Ronaldo គឺត្រូវចាកចេញពី​Manchester United ដោយកិច្ចព្រមព្រៀងទៅវិញទៅមក ដោយមានប្រសិទ្ធិភាពភ្លាមៗ។ ក្លិបសូមអរគុណសម្រាប់ការរួមចំណែកដ៏ធំធេងរបស់គាត់ក្នុងការចូលរួមចំនួន ២ដងនៅ Old Trafford ដោយស៊ុតបញ្ចូលទីបាន១៤៥គ្រាប់ក្នុងការបង្ហាញខ្លួន ៣៤៦ប្រកួត ហើយសូមជូនពរគាត់ និងក្រុមគ្រួសាររបស់គាត់ឱ្យមានសុខភាពល្អសម្រាប់អនាគត។ គ្រប់គ្នានៅ Manchester United នៅតែផ្តោតលើការបន្តការរីកចំរើនរបស់ក្រុមក្រោមការដឹកនាំរបស់ Erik ten Hag​និងធ្វើការជាមួយគ្នាដើម្បីផ្តល់ភាពជោគជ័យនៅលើទីលាន”។

Ronaldo ក៏បានចេញសេចក្តីថ្លែងការណ៍ផ្ទាល់ខ្លួនរបស់គេបន្ទាប់ពីព័ត៌មាននេះដោយសរសេរថា “បន្ទាប់ពីការសន្ទនាជាមួយ Manchester United យើងបានយល់ព្រមគ្នាទៅវិញទៅមកដើម្បីបញ្ចប់កិច្ចសន្យារបស់យើងឱ្យបានឆាប់។ ខ្ញុំស្រលាញ់ Manchester United ហើយខ្ញុំស្រលាញ់អ្នកគាំទ្រ វាមិនដែលផ្លាស់ប្តូរឡើយ។ ទោះយ៉ាងណាក៏ដោយ​វាហាក់ដូចជាពេលវេលាដ៏ត្រឹមត្រូវសម្រាប់ខ្ញុំក្នុងការស្វែងរកការប្រកួតប្រជែងថ្មីមួយ។ ខ្ញុំសូមជូនពរឱ្យក្រុមទទួលបានជោគជ័យសម្រាប់រដូវកាលដែលនៅសល់ និងសម្រាប់អនាគត”។

កិច្ចសម្ភាសរបស់ Ronaldo ជាមួយលោក Morgan បានឃើញបិសាចក្រហមស្វែងយល់ពីលទ្ធភាពនៃការបញ្ចប់កិច្ចសន្យារបស់ Ronaldo រយៈពេល៧ខែមុនកាលកំណត់ដោយមិនបង់ប្រាក់១៦លានផោនដែល Ronaldo ត្រូវបានគេព្យាករណ៍ថានឹងទទួលបាននៅខែមិថុនា ឆ្នាំ២០២៣។

United ជឿជាក់ថា Ronaldo បានរំលោភលើលក្ខខណ្ឌការងាររបស់ខ្លួន ជាមួយនឹងការរិះគន់របស់គេចំពោះម្ចាស់ក្លិបនៅសហរដ្ឋអាមេរិក, អ្នកចាត់ការ Erik ten Hag, កន្លែងហ្វឹកហាត់របស់ក្លិប, មិត្តរួមក្រុម និងអតីតកីឡាករបិសាចក្រហម​រួមទាំង Wayne Rooney និង Gary Neville។

ការប្រកាសនេះកើតមានតែពីរថ្ងៃប៉ុណ្ណោះមុនពេល Ronaldo ចាប់ផ្តើមយុទ្ធនាការ World Cup វគ្គផ្តាច់ព្រ័ត្ររបស់​ព័រទុយហ្គាល់ ទល់នឹង ហ្គាណា៕

ប្រភព៖ dailymail.co.uk

អត្ថបទ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៨ ម៉ោង មុន

កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក

ក្រុងប៉ោយប៉ែត
សន្តិសុខសង្គម១៧ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

ព័ត៌មានអន្ដរជាតិ១៨ ម៉ោង មុន

ការ​ខូចខាត​បឋម ព្រោះ​គ្រោះរញ្ជួយដីដ៏ខ្លាំងក្លា​ដែល​វាយប្រហារអាស៊ីអាគ្នេយ៍

ព័ត៌មានអន្ដរជាតិ១៨ ម៉ោង មុន

នាយករដ្ឋមន្ត្រី​ថៃ ដាក់​ចេញ​បទបញ្ជា​​បន្ទាន់ដើម្បី​គ្រប់គ្រង់​គ្រោះរញ្ជួយដី​

ព័ត៌មានអន្ដរជាតិ១៩ ម៉ោង មុន

អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ 

Sokha Hotels

ព័ត៌មានពេញនិយម