ចាញ់ អារ៉ាប៊ីសាអូឌីត មែន តែ Messi បង្កើតកំណត់ត្រាបានមួយ កាលពីយប់មិញ

កីឡាករ Lionel Messi បានបង្កើតកំណត់ត្រាមួយ ដោយក្លាយជាកីឡាករអាហ្សង់ទីនដំបូងគេ ដែលស៊ុតបញ្ចូលទីក្នុងការប្រកួត World Cup បួនលើកផ្សេងគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Messi បានស៊ុតបាល់ពិន័យ១១ម៉ែត្របញ្ចូលទី ក្នុងជំនួបដែលតុងហ្គោអាហ្សង់ទីន ប្រកួតចាញ់ស្ទាំងបៃតង អារ៉ាប៊ីសាអូឌីត ២-១ នៅកីឡដ្ឋាន Lusail កាលពីយប់មិញ។

ខ្សែប្រយុទ្ធរបស់ក្លិបមហាសេដ្ឋី Paris Saint-Germain រូបនេះ ធ្លាប់បានស៊ុតបញ្ចូលទីកាលពី World Cup ឆ្នាំ២០០៦, ២០១៤និង២០១៨។

កំណត់ត្រានេះបានធ្វើឲ្យ Messi យកឈ្នះ Gabriel Batistuta ដែលស៊ុតបញ្ចូលទីក្នុងការប្រកួត World Cup ៣លើកនៅឆ្នាំ ១៩៩៤, ១៩៩៨, និង២០២២ និង Diego Maradona ដែលស៊ុតបញ្ចូលទីក្នុងការប្រកួត World Cup ឆ្នាំ១៩៨២, ១៩៨៦និង១៩៩៤។

ឯតទគ្គកម្មនេះធ្វើឲ្យ Messi តាមទាន់វីរបុរសប្រេស៊ីល Pele, កំពូលតារាបាល់ទាត់ព័រទុយហ្គាល់ Cristiano Ronaldo និងកីឡាករអាល្លឺម៉ង់ Uwe Seeler និង Miroslav Klose ដែលជាកីឡាករ អាចរកគ្រាប់បាល់បានក្នុងការប្រកួត World Cup បួនសម័យផ្សេងៗគ្នា៕

ប្រែសម្រួល៖ Vann Vann

ប្រភព៖ VOI

ចុចអាន៖ ស្តេចអារ៉ាប៊ីសាអូឌីត ប្រកាសឱ្យឈប់សម្រាកជាសាធារណៈ ១ថ្ងៃ បន្ទាប់ពីឈ្នះការប្រកួត World Cup លើអាហ្សង់ទីន