កីឡា

ចែកផ្លូវជាមួយនឹងបិសាចក្រហម Man United ភ្លាម Ronaldo បញ្ចេញនាឡិកាដៃ ២ គ្រឿង អត្ថន័យមិនធម្មតា

បានផុស

២ years មុន

នៅ

ថ្ងៃពុធ ២៣ វិច្ឆិកា ២០២២

ដោយ

Cristiano Ronaldo ទើបតែបង្ហោះនាឡិកាដៃស៊េរីទំនើប២គ្រឿងលើ Instagram ផ្ទាល់ខ្លួន តែប៉ុន្មានម៉ោងមុនពេលក្លឹបអង់គ្លេសបានប្រកាសថា កិច្ចសន្យារបស់តារាបាល់ទាត់រូបនេះត្រូវបានបញ្ចប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញនៅប៉ុន្មានម៉ោងមុនការប្រកាសនេះ លោកបានបង្ហោះសានៅលើ Instagram ថា “ខ្ញុំរំភើបចិត្តក្នុងការប្រកាសពីភាពជាដៃគូរបស់ខ្ញុំជាមួយ jacobandco ដែលជាម៉ាកនាឡិកាឈានមុខគេមួយក្នុងពិភពលោក។ ថ្ងៃនេះ យើងបង្ហាញពីបណ្តុំនាឡិកាដំបូងរបស់យើង ដែលខ្ញុំបានរចនាជាមួយមិត្តជាទីស្រឡាញ់របស់ខ្ញុំ jacobarabo”។

ជាការពិតណាស់ នាឡិកាដៃនេះមិនមែនមានតែអ្នកគាំទ្របាល់ទាត់ម៉្យាងនោះទេ សូម្បីតែអ្នកនិយមលេងអ៊ីនធឺណិតក៏ចាប់អារម្មណ៍នៅយីហោមួយនេះដូចគ្នា ស្របពេលនាឡិកាប្រណិតនេះមាន២ពណ៌គឺក្រហមនិងបៃតង។ ប៉ុន្តែនាឡិកាមានពណ៌ក្រហម អ្នកគាំទ្របាល់ទាត់បានកត់សម្គាល់ឃើញពីអត្ថន័យនាឡិកានោះគឺជាគ្រាប់បាល់លោតរបស់ Ronaldo នៅពេលដែលគាត់លេងឲ្យ Real Madrid ទល់នឹង Manchester United ក្នុងការប្រកួត UEFA Champions League វគ្គ ១៦ ក្រុមកាលពីឆ្នាំ ២០១៣។

គួរបញ្ជាក់ថា បច្ចុប្បន្ន Ronaldo កំពុងបំពេញកាតព្វកិច្ចឲ្យក្រុមជម្រើសជាតិព័រទុយហ្គាល់ក្នុងព្រឹត្តិការណ៍ World Cup នៅប្រទេសកាតា ខណៈព័រទុយហ្គាល់ នឹងត្រូវតតាំងជាមួយប្រទេសហ្គាណានៅថ្ងៃព្រហស្បតិ៍នេះ ៕

ប្រែសម្រួល៖ សាង ស្រីល័ក្ខ

ចុចអាន៖Man United ប្រកាសចែកផ្លូវជាផ្លូវការជាមួយ Ronaldo នៅក្នុងសេចក្តីថ្លែងការណ៍ ៦៧ពាក្យ