កីឡា

បាល់ទាត់កីឡាជាតិ កៀកទៅកាន់ការរកឃើញម្ចាស់មេដាយមាស ទាំងបុរស-នារី

បានផុស

២ years មុន

នៅ

ថ្ងៃចន្ទ ២៨ វិច្ឆិកា ២០២២

ដោយ

ការប្រកួតកីឡាជាតិ លើកទី ៣ លើប្រភេទកីឡាបាល់ទាត់ វិញ្ញាសាបុរស-នារី បានរកឃើញក្រុមឡើងវគ្គផ្ដាច់ព្រ័ត្រជាផ្លូវការហើយ បន្ទាប់ពីប្រកួតស្វិតស្វាញក្នុងវគ្គពាក់កណ្ដាលផ្ដាច់ព្រ័ត្ររួចមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតក្នុងវគ្គពាក់កណ្ដាលផ្ដាច់ព្រ័ត្របាល់ទាត់នារី ស្វាយរៀង បានយកឈ្នះ បាត់ដំបង លទ្ធផល ៤-០ ខណៈ កំពង់ស្ពឺ បានចាញ់ សៀមរាប ក្នុងលទ្ធផល ០-២។ ចំពោះបាល់ទាត់បុរស ក្រសួងការពារជាតិ បានចាញ់ ព្រៃវែង លទ្ធផល ២-៤ ដោយឡែក កោះកុង យកឈ្នះ កំពង់ឆ្នាំង លទ្ធផល ៤-២។

ដូច្នេះជាលទ្ធផល បាល់ទាត់នារី ដែលបានឡើងវគ្គផ្ដាច់ព្រ័ត្រ (ដណ្ដើមមេដាយមាស) គឺខេត្តស្វាយរៀង ត្រូវជួប ខេត្តសៀមរាប។ ដោយឡែកបាល់ទាត់បុរស ខេត្តព្រៃវែង នឹងជួប ខេត្តកោះកុង ដែលនឹងធ្វើឡើងនៅថ្ងៃទី ២៩ ស្អែកនេះ។ ចំពោះការប្រកួតយកមេដាយសំរឹទ្ធ គឺធ្វើឡើងនៅថ្ងៃនេះ។

គួរបញ្ជាក់ថា បាល់ទាត់កីឡាជាតិ មានក្រុមចំនួន ២២ ចូលរួមប្រកួត (បុរស ១១ ក្រុម, នារី ១១ ក្រុម) ហើយបែងចែកចេញជា ៣ ពូល ពូល A, B មាន ៤ ក្រុម ខណៈពូល C មាន ៣ ក្រុម ដូចៗគ្នា។ គេប្រកួតវិលជុំសន្សំពិន្ទុ យកតែ ១ ក្រុមប៉ុណ្ណោះ ពីពូលនីមួយៗ បូកនឹងក្រុមលេខ ២ ល្អមួយក្រុម ដើម្បីឡើងទៅវគ្គពាក់កណ្ដាលផ្ដាច់ព្រ័ត្រ៕

អត្ថបទ ៖ មន្នីរ័ត្ន