កាតា ដាច់ចិត្តបង្ហើបតួលេខ ពលករចំណាកស្រុក ដែលស្លាប់ ពាក់ព័ន្ធនឹងគម្រោងរៀបចំ World Cup (មានវីដេអូ)

ប្រធាន​គណៈកម្មការ​រៀប​ចំ​ព្រឹត្តិការណ៍ World Cup កាតា 2022 លោក Hassan Al-Thawadi និយាយថា ពលករចំណាកស្រុកចន្លោះពី ៤០០ទៅ៥០០ បានស្លាប់ក្នុងគម្រោងដែលទាក់ទងនឹងការប្រកួតបាល់ទាត់ពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុន និងអំឡុងពេលការប្រកួតបាល់ទាត់ពិភពលោក, ទង្វើរបស់ប្រទេសកាតា ចំពោះពលករចំណាកស្រុក ដែលបានចូលរួមក្នុងការកសាងកីឡដ្ឋាន និងហេដ្ឋារចនាសម្ព័ន្ធសម្រាប់ការប្រកួត គឺជាចំណុចសំខាន់ដែលពិភពលោក ផ្តោតការយកចិត្តទុកដាក់ជាទីបំផុត ដោយរបាយការណ៍របស់កាសែត Guardian កាលពីខែកុម្ភៈឆ្នាំ២០២១ បានបញ្ជាក់ថា មានអ្នកស្លាប់ជាង ៦៥០០នាក់រួចទៅហើយ គិតត្រឹមពេលនោះ។

ទោះបីជាយ៉ាងណាក៏ដោយ ប្រទេសកាតាបានប្រកែកចំពោះតួលេខនោះ ដោយអះអាងថា តួលេខទាបជាងគួរនោះឆ្ងាយណាស់ ប៉ុន្តែឥឡូវលោក Al-Thawadi បានដាច់ចិត្តទម្លាយថា តួលេខគឺមានខ្ទង់រយ។

ថ្លែងក្នុងទូរទស្សន៍ TalkTV លោក Al-Thawadi បានថា “ការប៉ាន់ប្រមាណគឺប្រហែល៤០០ អាចចន្លោះពី៤០០ទៅ៥០០នាក់។ ខ្ញុំមិនដឹងចំនួនពិតប្រាកដទេ តែនោះគឺជាអ្វីដែលកំពុងត្រូវបានពិភាក្សា”។

លោកនិយាយថា “ជារៀងរាល់ឆ្នាំ ស្តង់ដារសុខភាព និងសុវត្ថិភាពនៅតាមទីតាំង គឺមានភាពប្រសើរឡើង។ ជាការពិត នៅកន្លែងរៀបចំព្រឹត្តិការណ៍កីឡាបាល់ទាត់ពិភពលោក ដែលយើងមានទំនួលខុសត្រូវបំផុត។ នេះ​ជា​អ្វី​ដែល​ត្រូវ​បាន​ទទួល​ស្គាល់​ មុន​ពេល​យើង​ដេញ​ថ្លៃធ្វើជាម្ចាស់ផ្ទះ។ ហើយការកែលម្អដែលបានកើតឡើង មិនមែនដោយសារតែ World Cup នោះទេ។ ទាំងនេះគឺជាភាពប្រសើរឡើងដែលយើងដឹងថា យើងត្រូវធ្វើដោយសារតែតម្លៃរបស់យើងផ្ទាល់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Eurosport

ចុចអាន៖ ក្រៅពីបាល់ទាត់ ព្រះចៅកាតា សព្វព្រះរាជហឫទ័យខ្លាំង ទៅលើកីឡាមួយប្រភេទទៀត