កីឡាករអង់គ្លេសមួយរូប សម្រេចចិត្តបោះបង់ចោល World Cup វិលត្រលប់ទៅប្រទេសវិញ យ៉ាងតក់ក្រហល់

ខ្សែការពារក្លិបកាំភ្លើងធំ Arsenal កីឡាករ Ben White បានចាកចេញពីក្រុមជម្រើសជាតិអង់គ្លេស ក្នុងព្រឹត្តិការណ៍ World Cup នៅប្រទេសកាតា ដើម្បីត្រឡប់ទៅផ្ទះវិញយ៉ាងតក់ក្រហល់ ដោយសារហេតុផលផ្ទាល់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

White បានចាកចេញពីជំរំហ្វឹកហាត់អង់គ្លេសនៅ Al Wakrah ហើយមិនត្រូវបានគេរំពឹងថា នឹងត្រលប់មកវិញទេសម្រាប់ការប្រកួតដែលនៅសេសសល់។

កីឡាករ​វ័យ២៥ឆ្នាំ​រូបនេះ ​មិនទាន់បាន​បង្ហាញ​ខ្លួនមួយប្រកួតឡើយសម្រាប់វគ្គចែកពូលពានរង្វាន់បាល់ទាត់ពិភពលោក ឲ្យក្រុមរបស់លោក Gareth Southgate។

White បានបង្ហាញខ្លួនឲ្យ​ក្រុម​ជម្រើស​ជាតិ​អង់គ្លេស ៤លើក​ក្នុង​កម្រិត​អន្តរជាតិ ប៉ុន្តែ​មិន​បានចូលលេងឲ្យក្រុម​របស់លោក Southgate សោះចាប់តាំង​ពី​ខែ​មីនា​មក។

កីឡាកររូបនេះ បានលេងពេញ៩០នាទី ក្នុងជ័យជម្នះរបស់អង់គ្លេសលើស្វីស ហើយត្រូវបានប្តូរចេញនៅតង់ទីមួយ ទល់នឹងក្រុម កូតឌីវ័រ៕

ប្រែសម្រួល៖ Vann Vann

ប្រភព៖ Mirror

ចុចអាន៖ បុរសអ៊ីរ៉ង់ ត្រូវបាញ់សម្លាប់ ដោយសារអបអរ ពេលក្រុមជម្រើសជាតិ ធ្លាក់ចេញពី World Cup