Connect with us

កីឡា

Page ហ្វេ​ស​ប៊ុ​ក​ផ្លូវការ​របស់​កីឡាករ​អេ​ស្ប៉ា​ញ ១​រូប ត្រូវគេ​យកមក Live លក់​អន​ឡាញ​នៅ​ខ្មែរ​

បានផុស

នៅ

​ជាង​១​ខែ​មក ហើយ ទំព័រ​ហ្វេ​ស​ប៊ុ​ក (Page) ផ្លូវការ​របស់​កីឡាករ​ជម្រើស​ជាតិ​អេ​ស្ប៉ា​ញ Álvaro Odriozola ដែល​កំពុង​ប្រកប​អាជីព​នៅ​ក្លឹប​យក្ស Real Madrid ក្នុងស្រុក​កំណើត ត្រូវបាន​គេ​យកមក Live លក់​ផលិតផល​តាម​អន​ឡាញនៅ​ប្រទេស​កម្ពុជា ពោលគឺ​ចាប់ផ្តើម​ប្តូរ​រូប Profile ពីថ្ងៃ​ទី​១ ខែធ្នូ ឆ្នាំ​២០២០ កន្លងទៅ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​តាម​លេខ​ទូរស័ព្ទ​ដែល​ដាក់​នៅលើ Page អំឡុង​ពេល Live សម្រាប់​អ្នកទិញ​ទាក់ទង បាន​ប្រាប់​មក​វិ​ប​សាយ​កម្ពុ​ជាថ្មី​យើង​ថា​៖«Page ហ្នឹង​ខ្ញុំ​ប្រើ​យូរ​ក្រែល​ដែរ​ហើយ​។ ប្អូន​ខ្ញុំ​គាត់​ទិញ​ឲ្យ (​មិនដឹង​តម្លៃ​ប៉ុន្មាន​) តែ​មិនបាន​ដឹង​ថា ​ទិញ​ពី​ណា​មក​នោះ​ទេ ហើយ​ខ្ញុំ​មិនសូវ​ដឹង​រឿង​បច្ចេកទេស​នេះនោះ​ដែរ​»​។ យ៉ាង​ណាក្តី Instagram និង Twitter របស់ Álvaro Odriozola នៅ​ដំណើរការ​បង្ហោះ​រូបថត​ខ្លួន​ដដែល​។​

​កីឡាករ​ដែល​មាន​ឈ្មោះ​ពេញ Álvaro Odriozola Arzalluz មាន​វ័យ​២៥​ឆ្នាំ លេង​ក្នុង​តំបន់​ការពារ​ខាងស្តាំ និង​ជា​ម្ចាស់​អាវ​លេខ​១៩ នៅ​ក្លឹប​យក្ស Real Madrid ខណៈ​រូបគេ​ជា​យុវជន​ថ្នាល​របស់​ក្លឹប Real Sociedad ចន្លោះ​ឆ្នាំ​២០០៦ ដល់​២០១៤​។ នៅ​ចន្លោះ​ឆ្នាំ​២០១២ ដល់​២០១៧ រូបគេ​ត្រូវបាន​ក្លឹប Real Sociedad ដំឡើង​ឲ្យ​ចូល​លេង​ក្នុង​ក្រុម Real Sociedad B និង​នៅ​ឆ្នាំ​២០១៧ ដល់​២០១៨ មានឈ្មោះ​ចូល​លេង​នៅ​ក្រុម​ធំ ក្នុង​លី​គ​កំពូល​ប្រទេស​អេ​ស្ប៉ា​ញ LaLiga​។ ចាប់ពី​ឆ្នាំ​២០១៨ ដល់​បច្ចុប្បន្ន រូបគេ​ត្រូវ​បាន​ក្លឹប Real Madrid ទិញយក​ក្នុងតម្លៃ​ខ្លួន​៣៥​លាន​អឺរ៉ូ​។ យ៉ាង​ក្តី​នៅ​ឆ្នាំ​២០២០ ថ្មីៗ​នេះ Álvaro Odriozola ត្រូវបាន​ក្លឹប Bayern Munich នៅ​អាល្លឺម៉ង់ ខ្ចី​ជើង​ពី Real Madrid ហើយ​បាន​ឈ្នះ​ពានរង្វាន់​លី​គ​កំពូល​ទ្វីបអឺរ៉ុប 2019–20 UEFA Champions League ជាមួយ​ក្លិប​ថ្មី​ផង​ដរ​។​

​បើ​និយាយ​ពី​ក្នុង​ជម្រើសជាតិ​អេ​ស្ប៉ា​ញ វិញ​រូបគេ​ត្រូវ​បាន​កោះហៅ​ចូល​ក្រុម​គោ​ជល់​អេ​ស្ប៉ា​ញ តាំងពី​ឆ្នាំ​២០១៧ ក្នុង​ក្រុម​យុវជន​ក្រោម​អាយុ​២១​ឆ្នាំ​(U21) ក្រោម​ការដឹកនាំ​របស់​លោក Albert Celades នៅ​គ្រានោះ​។ នៅ​ឆ្នាំ​ជាមួយគ្នា​នោះដែរ ក្រុម​ជម្រើសជាតិ​អេ​ស្ប៉ា​ញ បាន​កោះហៅ Álvaro Odriozola ឲ្យ​ជួយ​ក្រុម​ឈុត​ធំ​ជា​លើកដំបូង នៅ​ថ្ងៃទី​៦ ខែតុលា ឆ្នាំ​២០១៧ គ្រា​ដែល​អេ​ស្ប៉ា​ញ ឈ្នះ​លើ​ក្រុម​ជម្រើសជាតិ​អាល់​បា​នី ក្នុង​វគ្គ​ជម្រុះ​ជើងឯក​បាល់ទាត់​ពិភពលោក 2018 FIFA World Cup និង​មានឈ្មោះ​បន្ត​ទៅ​ប្រកួត​វគ្គ​៣២​ក្រុម​ចុងក្រោយ នៅ​រុស្សី ផង​ដែរ​៕

អត្ថបទ៖ ម៉េង ហួរ

សូមចុចអាន៖ ​ស​.​ប​.​ក សម្រេច​ប្រើ​ពេល​មិន​ដល់​២០​ថ្ងៃ នឹង​បញ្ចប់​ពានរង្វាន់​លី​គ​លំដាប់​ទី​២ រដូវ​កាល​ឆ្នាំ​២០២០

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៦ វិនាទី មុន

រដ្ឋបាលរាជធានី រៀបចំរថយន្ដ៥គ្រឿងសម្រាប់ដឹកជញ្ជូនកម្មករកម្មការិនីរោងចក្រ Y & W ដើម្បីងាយស្រួលក្នុងការមកបើកប្រាក់ឈ្នួល

ជីវិតកម្សាន្ដ១១ នាទី មុន

ចាប់ខ្លួនមន្ត្រីជាន់ខ្ពស់មួយរូប ក្រោមការសង្ស័យលេចធ្លាយព័ត៌មានស៊ើបអង្កេតសព Lee Sun Kyun

ព័ត៌មានអន្ដរជាតិ១១ នាទី មុន

ឡាវ ត្រៀមដំឡើងអាករលើតម្លៃបន្ថែមដល់ ១០ ភាគរយ

ព័ត៌មានជាតិ២៥ នាទី មុន

អង្គការ​អន្តរ​ជាតិ​ហ្វ្រង់កូហ្វូនី ចង់ពង្រឹងពង្រីកកិច្ចសហប្រតិបត្តិការជាមួយ កម្ពុជា

ព័ត៌មានអន្ដរជាតិ៥៥ នាទី មុន

ការផ្គត់ផ្គង់ស្ករលើពិភពលោកនឹងឡើងលើសតម្រូវការ ដោយសារកំណើន​ផលិតនៅ ថៃ និងឥណ្ឌា

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៧ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម