កីឡា

លឹម ពិសុទ្ធ ឈ្នះពានកីឡាករឆ្នើមអាយុ២២ឆ្នាំប្រចាំលីគកំពូលកម្ពុជា២០២២

បានផុស

២ years មុន

នៅ

ថ្ងៃពុធ ៧ ធ្នូ ២០២២

ដោយ

ខ្សែបម្រើប្រយុទ្ធវ័យក្មេង លឹម ពិសុទ្ធ បានក្លាយជាកីឡាករឆ្នើមអាយុក្រោម២២ឆ្នាំប្រចាំព្រឹត្តិការណ៍ជម្រើសជើងឯកខេមបូឌានព្រីមៀរលីគ រដូវកាល២០២២ បន្ទាប់រួមចំណែកដ៏សំខាន់ជួយក្លឹបភ្នំពេញក្រោនឈ្នះជើងឯក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីរដូវកាលមុន ក៏ដូចជាដើមរដូវកាល លឹម ពិសុទ្ធ មិនបានបង្ហាញខ្លួនបានទៀងទាត់ទេទាំងក្លឹបភ្នំពេញក្រោន និងជម្រើសជាតិកម្ពុជា ដោយសារមានបញ្ហារបួស។ ទោះបីជាយ៉ាងណា បន្ទាប់ពីជាសះស្បើយពីរបួសរូបគេត្រូវបានគ្រូបង្វឹកដាក់ឲ្យលេងជាប្រចាំក្នុងរយៈពេលចុងក្រោយនេះ ហើយក៏រកបានគ្រាប់បាល់ជាបន្តបន្ទាប់រហូតបានក្លាយជាកីឡាករក្នុងស្រុកដែលរកបានគ្រាប់បាល់ច្រើនជាងគេ (១១គ្រាប់)។

ឥឡូវនេះ លឹម ពិសុទ្ធ បានជាប់ជម្រើសជាតិឈុតធំដែលកំពុងហ្វឹកហាត់ និងត្រៀមខ្លួនសម្រាប់ការប្រកួតបាល់ទាត់ជើងឯកអាស៊ានលំដាប់ទី១គឺ AFF Cup ដែលគ្រោងនឹងចាប់ផ្តើមនាថ្ងៃទី២០ ខែធ្នូ ឆ្នាំ២០២២ ខាងមុខនេះ។

លឹម ពិសុទ្ធ និងក្រុមជម្រើសជាតិនឹងធ្វើដំណើរទៅប្រទេសម៉ាឡេស៊ី យប់ថ្ងៃទី៧ ខែធ្នូ នេះដើម្បីប្រកួតមិត្តភាពអន្តរជាតិជាមួយម្ចាស់ផ្ទះម៉ាឡេស៊ី នាថ្ងៃទី៩ ខែធ្នូ ខាងមុខ។