កីឡា

នេះម្ចាស់មេដាយមាស៧រូបរបស់កម្ពុជាពីជើងឯកគុនខ្មែរអាស៊ាន២០២២

បានផុស

២ years មុន

នៅ

ថ្ងៃចន្ទ ១២ ធ្នូ ២០២២

ដោយ

ការប្រកួតជើងឯកគុនខ្មែរអាស៊ីអាគ្នេយ៍ ឆ្នាំ២០២២ (Pre-Sea Games) បានបញ្ចប់កាលពីថ្ងៃម្សិលមិញ បន្ទាប់ពីធ្វើការប្រកួតរយៈពេល៣ថ្ងៃនៅខេត្តព្រះសីហនុ ក្នុងពិធីបុណ្យសមុទ្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្ពុជាបានបញ្ជូនកីឡាករ កីឡាការិនីប្រដាល់គុនខ្មែរ១២រូបក្នុងនាមជាម្ចាស់ផ្ទះ ហើយជាលទ្ធផល កម្ពុជាឈ្នះបានមេដាយមាសចំនួន៧គ្រឿង។ ទាំងនេះជាកម្លាំងចិត្តដ៏សំខាន់សម្រាប់កីឡាស៊ីហ្គេម ឆ្នាំ២០២៣ ដែលនឹងមានកីឡាប្រដាល់គុនខ្មែរត្រូវបានដាក់ឲ្យប្រកួតដណ្តើមមេដាយដែរ។

ខាងក្រោមជាម្ចាស់មេដាយមាសទាំង៧រូបរបស់កម្ពុជាមានដូចខាងក្រោម៖

កីឡាករ ឃុន បូរ៉ា ឈ្នះមេដាយមាស ទម្ងន់៦០គីឡូក្រាម ក្រោយឈ្នះកីឡាករមីយ៉ាន់ម៉ា Saw Mya Moe នៅវគ្គផ្តាច់ព្រ័ត្រ។
កីឡាការិនី ទួច ចាន់វត្តី ឈ្នះមេដាយមាស ទម្ងន់៥៤គីឡូក្រាម ក្រោយឈ្នះកីឡាការិនីវៀតណាម Nguyen Thanh Hang វគ្គផ្តាច់ព្រ័ត្រ។
កីឡាករ ខាំ ខ្លានាង ឈ្នះមេដាយមាស ទម្ងន់៥១គីឡូក្រាម ក្រោយឈ្នះកីឡាករវៀតណាម Le Dieu Phuoc នៅវគ្គផ្តាច់ព្រ័ត្រ។
កីឡាករ ផុន ពិសិដ្ឋ ឈ្នះមេដាយមាស ទម្ងន់៤៨គីឡូក្រាម ក្រោយឈ្នះកីឡាករវៀតណាម Ma Thanh Dang នៅវគ្គផ្តាច់ព្រ័ត្រ។
កីឡាករ ឡៅ ចិត្រា ឈ្នះមេដាយមាស ទម្ងន់៦៧គីឡូក្រាម ក្រោយឈ្នះកីឡាករហ្វីលីពីន Brioso Archie Mansera នៅវគ្គផ្តាច់ព្រ័ត្រ។
កីឡាករ ហ៊ឹម គឹមរៀង ឈ្នះមេដាយមាស ទម្ងន់៥៤គីឡូក្រាម ក្រោយឈ្នះកីឡាករវៀតណាម Duong Hoang Taun នៅវគ្គផ្តាច់ព្រ័ត្រ។
កីឡាការិនី ម៉ើយ ស៊ឹង ឈ្នះមេដាយមាស ទម្ងន់៥១គីឡក្រាម ក្រោយឈ្នះកីឡាការិនីវៀតណាម Le Ngoc Thu នៅវគ្គផ្តាច់ព្រ័ត្រ។