តើ World Cup ឆ្នាំនេះអាចជាន់ដានចាស់ដូច ២០១៨ ដែរឬទេ គឺ បារាំង ជាអ្នកលើកពាន?

ការប្រកួតបាល់ទាត់ពិភពលោក FIFA World Cup ឆ្នាំ ២០២២ វគ្គពាក់កណ្ដាលផ្ដាច់ព្រ័ត្រ នៅប្រទេសកាតា​ នឹងចាប់ផ្ដើមប្រកួតនៅថ្ងៃទី១៣ ខែធ្នូ ឆ្នាំ២០២២ នេះហើយ ដោយនៅរាត្រីនេះមានការប្រកួតចំនួន ១ គូគឺ អាហ្សង់ទីន ប៉ះ ក្រូអាត ម៉ោង ២ រំលងអធ្រាត្រ ។

ចំណែកនៅរាត្រីថ្ងៃទី១៤ ខែធ្នូ ក៏មានការប្រកួតចំនួន ១ គូផងដែរគឺជំនួបរវាងក្រុមការពារតំណែងជើងឯក មាន់គកបារាំង ប៉ះជាមួយក្រុមកំពុងឡើងជើង ម៉ារ៉ុក នៅម៉ោង ២ រំលងអធ្រាត្រដូចគ្នា ។

បើត្រឡប់ទៅវគ្គពាក់កណ្ដាលផ្ដាច់ព្រ័ត្រ World Cup ឆ្នាំ ២០១៨ ដែលរុស្ស៊ីធ្វើជាម្ចាស់ផ្ទះ, បារាំង និងក្រូអាតក៏បានឈានជ្រៅចូលមកដល់វគ្គនេះផងដែរ ហើយក្រូអាតថែមបានយកឈ្នះលើអង់គ្លេសក្នុងលទ្ធផល ២-១ ខណៈបារាំងរកបានជ័យជម្នះលើជើងខ្លាំង ប៊ែលហ្ស៊ិក ដោយលទ្ធផលប្រផិតប្រផោយ ១-០ ។

ឆ្លងកាត់ជ័យជម្នះនេះនាំឲ្យ ក្រូអាត ឡើងទៅវគ្គផ្ដាច់ព្រ័ត្រជួបជាមួយ បារាំង ប៉ុន្តែបានរងបរាជ័យក្រោមថ្វីជើងក្រុមមាន់គកក្នុងលទ្ធផល ៤-២ ធ្វើឲ្យក្រុមដឹកនាំដោយលោកគ្រូបង្វឹក Didier Deschamps ក្លាយជាជើងឯក World Cup ឆ្នាំ ២០១៨ ។

ដូច្នេះតើ World Cup ឆ្នាំនេះ អាចជាន់ដានចាស់ដែរឬយ៉ាងណា គឺ ក្រូអាត ប៉ះ បារាំង នៅវគ្គផ្ដាច់ព្រ័ត្រ ហើយបារាំងជាអ្នកលើកពាន?

ដោយ ៖ ជីវ័ន្ត

ចុចអាន ៖ ផ្ទុះការបាញ់ប្រហារសម្លាប់មនុស្ស ក្រោយ ប្រេស៊ីល ប្រកួតចាញ់ ក្រូអាត