ប្រធានក្លិប Real Madrid ផ្តល់ភ្លើងខៀវដល់ Ronaldo ដើម្បីហ្វឹកហាត់នៅទីលានហ្វឹកហាត់របស់ក្លិប

Cristiano Ronaldo បានត្រឡប់មកទីលានហ្វឹកហាត់ Valdebebas របស់ក្លិប Real Madrid វិញហើយក្នុងរយៈពេល៤ឆ្នាំ ក្រោយពីការចាកចេញបន្ទាប់ពីមានភាពល្បីល្បាញនៅក្លិបយក្សអេស្ប៉ាញមួយនេះ។

តារាឆ្នើមសញ្ជាតិព័រទុយហ្គាល់រូបនេះបានហ្វឹកហាត់តែម្នាក់ឯងនៅឯទីលានហ្វឹកហាត់ នេះដោយយោងទៅតាមសារព័ត៌មានរបស់អេស្ប៉ាញ Relevo បង្ហោះ ខណៈដែលគេចង់រក្សារាងកាយឱ្យនៅរឹងមាំ ខណៈដែលកំពុងស្វែងរកក្លិបថ្មីបន្ទាប់ពីការធ្លាក់ចេញពី World Cup។

Ronaldo បានក្លាយជាកីឡាករគ្មានតម្លៃខ្លួនចាប់តាំងពីការបញ្ចប់កិច្ចសន្យារបស់គេជាមួយក្លិប Manchester United កាលពីខែមុន បន្ទាប់ពីរឿងរ៉ាវបទសម្ភាសន៍ដ៏ផ្ទុះរបស់ខ្លួន ជាមួយ លោក Piers Morgan ។

វាត្រូវបានគេរាយការណ៍ថាកីឡាករវ័យ ៣៧ឆ្នាំរូបនេះបានសួរប្រធានក្លិប Real Madrid លោក Florentino Perez ថាតើគេអាចហ្វឹកហាត់នៅ Valdebebas ប៉ុន្មានថ្ងៃ បន្ទាប់ពីប្រទេសរបស់ខ្លួនចាញ់ម៉ារ៉ុក ក្នុងវគ្គ ៨ក្រុមចុងក្រោយ នៃព្រឹត្តិការណ៍ World Cup នៅប្រទេសកាតា។

Perez បានផ្តល់ភ្លើងខៀវឱ្យ Ronaldo ប្រើប្រាស់ទីលាន និងសម្ភារៈរបស់ក្លិប ដោយគេរាយការណ៍ប្រាប់តារាសញ្ជាតិព័រទុយហ្គាល់ថា៖ ‘ពិតណាស់ នេះជាផ្ទះរបស់អ្នក។’

វាជាការរំជួលចិត្តសម្រាប់ Ronaldo ក្នុងការត្រលប់ទៅកន្លែងហ្វឹកហាត់របស់ក្លឹបវិញ បន្ទាប់ពីអ្វីដែលមានភាពច្របូកច្របល់សម្រាប់ខ្សែប្រយុទ្ធសញ្ជាតិព័រទុយហ្គាល់ ចាប់តាំងពីបានផ្លាស់ចេញពី Real ទៅចូលរួមជាមួយ Juventus កាលពីឆ្នាំ២០១៨។ ប៉ុន្តែគេក៏ត្រូវហ្វឹកហាត់នៅឆ្ងាយពីក្រុម នៃកីឡាករបច្ចុប្បន្នរបស់ក្លិប ដែលត្រូវបានដឹកនាំដោយអតីតអ្នកចាត់ការរបស់ខ្លួន គឺលោក Carlo Ancelotti។

Ronaldo មានទំនាក់ទំនងល្អជាមួយប្រធានក្លិប Madrid លោក Perez ដែលបាននិយាយកាលពីឆ្នាំ២០១៩ នៅលើ Onda Cero ថា៖ “Cristiano Ronaldo មិនដែលបង្កើតបញ្ហានៅ Madrid ទេ។ គាត់ជាគំរូមួយ ហើយខ្ញុំនឹងចងចាំគាត់ថាជាកីឡាករល្អបំផុតដែលយើងបានចុះហត្ថលេខា។”

ទោះជាយ៉ាងណាក៏ដោយ Ronaldo បាននិយាយថាអាកប្បកិរិយារបស់ Perez ចំពោះគេបានផ្លាស់ប្តូរមុនពេលចាកចេញពី Bernabeu ។

Ronaldo បានប្រាប់ France Football ក្នុងបទសម្ភាសន៍មួយកាលពីឆ្នាំ២០១៨ ថា “ខ្ញុំមានអារម្មណ៍ថានៅក្នុងក្លិប ជាពិសេសពីប្រធាន ដែលពួកគេលែងចាត់ទុកខ្ញុំដូចអ្វីដែលពួកគេបានធ្វើកាលពីដើម”។

ក្នុងរយៈពេល ៤ ឬ ៥ ឆ្នាំដំបូងនៅទីនោះ ខ្ញុំមានអារម្មណ៍ដូចជា ‘Cristiano Ronaldo’ ។ តិចជាងក្រោយ។ លោកប្រធានមើលមកខ្ញុំតាមកែវភ្នែកដែលមិនចង់និយាយដដែលៗ ហាក់ដូចជាខ្ញុំលែងមិនអាចខ្វះបានសម្រាប់ពួកគេទៀតហើយ ប្រសិនបើអ្នកយល់ពីអ្វីដែលខ្ញុំនិយាយ។”

វាជាការត្រលប់មកវិញយ៉ាងឆាប់រហ័សសម្រាប់ Ronaldo ដោយកីឡាករភាគច្រើនត្រូវបានផ្តល់ពេលមួយសប្តាហ៍ដើម្បីសម្រាក និងប្រមូលកម្លាំងឡើងវិញបន្ទាប់ពីការធ្លាក់ចេញពី World Cup រៀងៗខ្លួន។ Ronaldo មិនបានខ្ជះខ្ជាយពេលវេលាត្រឡប់ទៅហ្វឹកហាត់វិញឡើយ ដោយការស្វែងរកក្លិបថ្មីទំនងជាកត្តាធំនៅពីក្រោយនោះ៕

ប្រភព៖ dailymail.co.uk

អត្ថបទ៖ មន្នីរ័ត្ន