កីឡា

មុនប៉ះកម្ពុជាថ្ងៃទី២០នេះ ហ្វីលីពីន ចាញ់ វៀតណាម ចុងម៉ោងល្ងាចមិញ

បានផុស

២ years មុន

នៅ

ថ្ងៃព្រហស្បតិ៍ ១៥ ធ្នូ ២០២២

ដោយ

ក្រុមបាល់ទាត់ជម្រើសជាតិហ្វីលីពីនបានចាញ់ជម្រើសជាតិ វៀតណាម ១-០ ប៉ុណ្ណោះក្នុងជំនួបមិត្តភាពអន្តរជាតិកាលពីល្ងាចថ្ងៃទី១៤ ខែធ្នូ នេះដើម្បីជាការត្រៀមខ្លួនប្រកួតជើងឯកអាស៊ាន AFF Championship ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតស្ទើរតែបញ្ចប់ដោយលទ្ធផលស្មើគ្នាទៅហើយ ប៉ុន្តែកីឡាករវៀតណាម Van Quyet បានរកគ្រាប់បាល់ជ័យជម្នះនៅនាទី ៩០+២ ដើម្បីបង្កើនទំនុកចិត្តក្នុងការត្រៀមខ្លួនប្រជែងជើងឯក AFF Cup ដែលនឹងចាប់ផ្តើមនាថ្ងៃទី២០ ខែធ្នូ ខាងមុខនេះ។

ចំពោះការប្រកួតមិត្តភាពផ្សេងទៀតនៅតំបន់អាស៊ាន ជម្រើសជាតិម៉ាឡេស៊ី បានយកឈ្នះ ម៉ាឌីវ ដោយលទ្ធផល ៣-០ បន្ទាប់ពីកាលពីថ្ងៃទី៩ ខែធ្នូ បានយកឈ្នះកម្ពុជាដោយលទ្ធផល ៤-០។ ចំណែកថៃមិនបានបន្តជ័យជម្នះទេ ដោយសារល្ងាចមិញចាញ់ ឆៃនីយតៃប៊ិ ១-០ បន្ទាប់ពីកាលពីថ្ងៃទី១១ ខែធ្នូ បានលត់ មីយ៉ាន់ម៉ា ៦-០។

ផ្ទុយទៅវិញ ល្ងាចមិញ ក្រុមត្រៀមស៊ីហ្គេមរបស់ថៃគឺ U23 បានលត់ជម្រើសជាតិឡាវ ៥-០ បន្ទាប់ពីជួបគ្នាម្តងហើយកាលពីថ្ងៃទី១១ យុវជនថៃចាញ់ឡាវ ១-០។

ទាំងនេះជាការត្រៀមខ្លួនរបស់ក្រុមប្រចាំតំបន់អាស៊ាន ខណៈថ្ងៃទី២០ ខែធ្នូ ក្រុមខ្លាំង ហ្វីលីពីន ត្រូវធ្វើដំណើរមកប្រកួតជាមួយម្ចាស់ផ្ទះកម្ពុជា វេលាម៉ោង៥ល្ងាច នៅពហុកីឡដ្ឋានជាតិមរតកតេជោ បើកឆាកពូល A ពានរង្វាន់ AFF Championship។ ពូលជាមួយគ្នា ក្នុងថ្ងៃដដែល ថៃ ធ្វើដំណើរទៅប្រកួតជាមួយ ព្រុយណេ វេលាម៉ោង៨:៣០នាទីយប់ នៅទឹកដីប្រទេសម៉ាឡេស៊ី។

ចំណែក នៅពូល B ថ្ងៃទី២១ ខែធ្នូ ម្ចាស់ផ្ទះមីយ៉ាន់ម៉ា ទទួល ម៉ាឡេស៊ី វេលាម៉ោង៤:៣០នាទីល្ងាច ខណៈ ឡាវ ទទួល វៀតណាម វេលាម៉ោង៩:៣០នាទីយប់៕