យប់មិញ ខ្សែប្រយុទ្ធម៉ារ៉ុក បន្សល់ទុកកំណត់ត្រាដ៏ចម្លែកមួយនៅ World Cup

វីរបុរសបាល់ទាត់របស់ក្រុមជម្រើសជាតិម៉ារ៉ុក កីឡាករ Youssef En-Nesyri បានបញ្ចប់យុទ្ធនាការ World Cup ជាមួយនឹងកំណត់ត្រាដែលគ្មាននរណាម្នាក់ចង់បាន។ កំណត់ត្រានោះគឺ​ គាត់អាចប៉ះបាល់បានតែបីដងប៉ុណ្ណោះ ក្នុងការប្រកួតដែលម៉ារ៉ុក ចាញ់បារាំង ២-០ ក្នុងវគ្គពាក់កណ្តាលផ្តាច់ព្រ័ត្រពានរង្វាន់ពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនពេលប៉ះបារាំង ខ្សែប្រយុទ្ធម៉ារ៉ុករូបនេះបានបង្ហាញទម្រង់លេងដ៏អស្ចារ្យរហូតដល់វគ្គពាក់កណ្តាលផ្តាច់ព្រ័ត្រកាលពីយប់ថ្ងៃពុធ។ នៅវគ្គ ១/៤ ផ្តាច់ព្រ័ត្រជាមួយព័រទុយហ្គាល់, En-Nesyri រកបានមួយគ្រាប់ ជួយឲ្យម៉ារ៉ុក ក្លាយជាប្រទេសអាហ្រ្វិក និងអារ៉ាប់ដំបូងគេដែលឈានដល់វគ្គ ៤ ក្រុមចុងក្រោយនៃព្រឹត្តិការណ៍ប្រកួតបាល់ទាត់ពិភពលោក។

ទោះបីជាយ៉ាងណាក៏ដោយ En-Nesyri មិនអាចបង្ហាញឥទ្ធិពលដូចមុនឡើយពេលប៉ះក្រុមការពារតំណែងម្ចាស់ជើងឯកពិភពលោកនៅកីឡដ្ឋាន Al-Bayt ហើយឥឡូវនេះ ឈ្មោះរបស់គាត់បានចារនៅក្នុងសៀវភៅប្រវត្តិសាស្រ្តបាល់ទាត់ពិភពលោករួចទៅហើយ។

ពេលចាប់ផ្តើមការប្រកួត កីឡាករវ័យ២៥ឆ្នាំរូបនេះ អាចប៉ះបាល់បានតែ៣ដងប៉ុណ្ណោះ មុនពេលគាត់ត្រូវបានអ្នកចាត់ការ Walid Regragui ប្តូរចេញនៅនាទីទី៦៦។

En-Nesyri បានក្លាយជាកីឡាករលេងបានលើស៤៥នាទី ដែលប៉ះបាល់បានតិចបំផុតក្នុងប្រវត្តិសាស្រ្ត World Cup៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ យីអ៊ុនដាក់ អារក្សជាន់! Ronaldo ល្វីងមុខ ជួបរឿងអាក្រក់ផ្ទួនៗ នៅប៉ុន្មានខែចុងក្រោយ