Messi មិនបានហ្វឹកហាត់ជាមួយ អាហ្សង់ទីន ទេ មុនការប្រកួតផ្ដាច់ព្រ័ត្រ ដោយសាររបួស

កីឡាករ Lionel Messi បានខកខានការហ្វឹកហាត់ជាមួយនឹងអាហ្សង់ទីនកាលពីថ្ងៃព្រហស្បតិ៍ ដោយបង្កើនការព្រួយបារម្ភអំពីពេលវេលានៃការជាសះស្បើយ មុនការប្រកួត FIFA World Cup ទល់នឹងក្រុមការពារជើងឯកបារាំង ។

Messi បានរងរបួសគៀបសរសៃពួរ ក្នុងអំឡុងពេលនាទីចុងក្រោយនៃការប្រកួតវគ្គពាក់កណ្តាលផ្តាច់ព្រ័ត្រជាមួយនឹងក្រុមក្រូអាតកាលពីថ្ងៃអង្គារ ។

យោងតាមទីភ្នាក់ងារសារព័ត៌មានអាហ្សង់ទីន Clarin បានឲ្យដឹងថា Messi រួមជាមួយនឹងកីឡាករ Papu Gomez, ខ្សែប្រយុទ្ធ Lautaro Martinez និងកីឡាករផ្សេងទៀតដែលបានលេងវគ្គពាក់កណ្តាលផ្តាច់ព្រ័ត្រ សុទ្ធតែរងរបួស ។

បច្ចុប្បន្នកីឡាករវ័យ ៣៥ ឆ្នាំរូបនេះក៏កំពុងជាបេក្ខភាពមួយរូបសម្រាប់ការដណ្ដើមស្បែកជើងមាសក្នុងព្រឹត្តិការណ៍ World Cup ឆ្នាំ ២០២២ នេះ ដោយមាន ៥ គ្រាប់ស្មើនឹង Kylian Mbappe របស់បារាំង ។ តារាបាល់ទាត់របស់ក្លឹប PSG រូបនេះក៏មានការបញ្ជូនបាល់ចំនួន ៣ ដងផងដែរ ក្នងការបង្ហាញខ្លួន ៦ ដងឲ្យអាហ្សង់ទីន។

កាលពីដើមសប្តាហ៍នេះ Messi ក៏បានបញ្ជាក់ដែរថា នេះគឺជាការប្រកួត World Cup ចុងក្រោយរបស់គាត់ហើយ ។ Messi បានប្រាប់ប្រព័ន្ធផ្សព្វផ្សាយអាហ្សង់ទីន Diario Deportivo Ole ថា “ខ្ញុំមានអារម្មណ៍សប្បាយរីករាយណាស់ដែលអាចសម្រេចវាបាន ជាពិសេសការបញ្ចប់អាជីពជាមួយអាហ្សង់ទីន ដោយលេងការចុងក្រោយក្នុងវគ្គផ្ដាច់ព្រ័ត្រ” ៕

ប្រែសម្រួលដោយ ៖ ជីវ័ន្ត

ប្រភព ៖ Sport Star

ចុចអាន ៖ អណ្ដើកមួយក្បាលទស្សន៍ទាយពី ក្រូអាត និងម៉ារុក ទទួលចំណាត់ថ្នាក់លេខ ៣ (មានវីដេអូ)