កីឡា
កម្ពុជា ឈ្នះមេដាយមាស៣គ្រឿង ពីការប្រកួតកីឡាចំបាប់ ជើងឯកអាស៊ីអាគ្នេយ៍
នៅទីបំផុតកម្ពុជា បានឈ្នះមេដាយមាស ៣គ្រឿងក្នុងចំណោម មេដាយសរុប១៩គ្រឿងពីការប្រកួតកីឡា ចំបាប់ជើងឯកអាស៊ីអាគ្នេយ៍ដែលមានប្រទេសចូលរួមចំនួន៧ លើទឹកដីប្រទេសកម្ពុជា។

ការប្រកួតដែលបានចាប់ផ្តើមថ្ងៃទី១ លើវិញ្ញាសាចំបាប់ក្រិចកូរ៉ូមាំង កម្ពុជាធ្វើបានយ៉ាងល្អ និងទទួលបានមេដាយ៦គ្រឿង មាស១ និងសំរិទ្ធិ៦គ្រឿង។
ថ្ងៃទី២ កម្ពុជាបានបន្តកើនឡើងនៃចំនួនមេដាយ ដោយក្នុងនោះមាសរក្សាចំនួន១ដដែល បន្ថែមដោយមេដាយប្រាក់ ២គ្រឿង និងមេដាយសំរិទ្ធិ៤គ្រឿងទៀត។
ឈានមកដល់ថ្ងៃទី៣នៃការប្រកួត ពោលគឺមកដល់ថ្ងៃបញ្ចប់កម្ពុជារកបានមេដាយសរុបរហូតដល់ទៅ១៩គ្រឿង ដោយមាស៣ ប្រាក់ ៣ និង សំរិទ្ធិ១៣គ្រឿង។

មេដាយមាសទាំង៣ ដែលកម្ពុជារកបាននោះគឺ កីឡាករ ស៊ូ បាលី រកបាន២គ្រឿង លើវិញ្ញាសាចំបាប់សេរី (ទម្ងន់ ១២៥គីឡូក្រាម) និង១គ្រឿងទៀត លើវិញ្ញាសាក្រិចកូរ៉ូមាំង ទម្ងន់១៣០ គីឡូក្រាម ខណៈមាស១គ្រឿងទៀតគឺរកបានដោយ កីឡាករ ម៉ូ សារី លើវិញ្ញាសាចំបាប់សេរី (ទម្ងន់ ៩៧គីឡូក្រាម) ។

បន្ថែមពីនោះមេដាយប្រាក់៣ គ្រឿង គឺរកបានដោយកីឡាការិនី ជា កញ្ញា លើទម្ងន់ ៦៥គីឡូក្រាម , កីឡាការិនី ជ័យ ចន្ទរស្មី ទម្ងន់ ៧២គីឡូក្រាម និង កីឡាករ ហេង រត្តថា ទម្ងន់ ៩២គីឡូក្រាម ។
រីឯមេដាយសំរឹទ្ធិ១៣គ្រឿងទៀត គឺរកបានដោយកីឡាករ ងួន មករា លើវិញ្ញាសាក្រិចកូ ទម្ងន់ ៧២គីឡូក្រាម , កីឡាករ អេង ផានិត លើប្រភេទទម្ងន់ ៦៧គីឡូក្រាម , កីឡាករ កែវ សុភ័ក្ត លើប្រភេទទម្ងន់ ៨២គីឡូក្រាម, កីឡាករ លឹម សុខលាង លើប្រភេទទម្ងន់ ៧៧គីឡូក្រាម , កីឡាករ ឈឿង វាសានា ទម្ងន់ ៩២គីឡូក្រាម និងកីឡាករ ឌន សៅ លើប្រភេទ ទម្ងន់ ៩៧គីឡួក្រាម និង កីឡាករ ហេង វុទ្ធី លើប្រភេទទម្ងន់ ៨៦គីឡូក្រាម។
ចំពោះមេដាយសំរឹទ្ធផ្នែកនារី រកបានដោយកីឡាការិនី ឌន ស្រស់ , កីឡាការិនី វណ្ណ ហ៊យ , កីឡាការិនី យុន ដាណេ ,កីឡាការិនី សឿន នឿន និងកីឡាការិនី និ សំណាង ។

ជារួមសម្រាប់ព្រឹត្តការណ៍ប្រកួតកីឡាចំបាប់ជើងឯកអាស៊ីអាគ្នេយ៍ដែលកម្ពុជាធ្វើជាម្ចាស់ផ្ទះនេះ ទទួលបានភាព ជោគជ័យទាំងការរៀបចំ និង លទ្ធផលរបស់អត្តពលិក។ខណៈការប្រកួតនេះគឺ ដើម្បីត្រៀមឆ្ពោះទៅកាន់ព្រឹត្តការណ៍ កីឡាស៊ីហ្គេមលើកទី៣២នាឆ្នាំ២០២៣ ដែលកម្ពុជាធ្វើជាម្ចាស់ផ្ទះ។

គួរបញ្ជាក់ដែរថាការប្រកួតកីឡាចំបាប់ជើងឯកអាស៊ីអាគ្នេយ៍នេះ ធ្វើឡើងរយៈពេល៣ថ្ងៃ គិតចាប់ពីថ្ងៃទី១៦-១៨ធ្នូឆ្នាំ២០២២ ដោយមានអត្តពលិកចំនួន១១៥នាក់មកពី៧ប្រទេស ប្រកួតលើ៣វិញ្ញាសា៕


-
ព័ត៌មានអន្ដរជាតិ១៧ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?