កីឡា
គ្រូហ្វីលីពីន និយាយអ្វីខ្លះ ក្រោយដឹកនាំប្រកួតដំបូងចាញ់ កម្ពុជា
លោក Josep Ferre គ្រូបង្វឹក នៃក្រុមជម្រើសជាតិហ្វីលីពីន បានដឹកនាំក្រុមទទួលបរាជ័យលើកដំបូងក្នុងពានរង្វាន់ជើងឯកប្រចាំតំបន់អាស៊ីអាគ្នេយ៍ (AFF Championship) ក្រោមថ្វីជើងកម្ពុជា ដោយលទ្ធផល ៣-២ នាពហុកីឡដ្ឋានជាតិមរតកតេជោ កាលពីម្សិលមិញ ខណៈវាក៏ត្រូវបានចាត់ទុកថាជាបរាជ័យលើកដំបូងសម្រាប់លោក ចាប់តាំងពីចូលមកដឹកនាំបាន ៣ សប្ដាហ៍។
នៅក្នុងការប្រកួតនេះ កម្ពុជា បានបើកការនាំមុខមុនដល់ទៅ ២ គ្រាប់ ក្នុងរយៈពេលត្រឹម ៤ នាទី ពោលគឺដោយកីឡាករ រ៊ឹង ប៊ុនហៀង នៅនាទី ១៦ បន្ទាប់មកដោយកីឡាករ អ៊ន ចាន់ប៉ូលីន នៅនាទី ២០។ យ៉ាងណាមិញនៅជិតចប់វគ្គទី ១ ហ្វីលីពីន តាមពីក្រោយបាន ១ គ្រាប់ ដោយកីឡាករ Kenshiro Michael Lontok Daniels នៅនាទី ៤១។ ខណៈគ្រាប់បាល់នៅវគ្គទី ២ កីឡាករ Kenshiro Michael Lontok Daniels ដដែល តាមស្មើឲ្យ ហ្វីលីពីន មុននឹង រ៊ឹង ប៊ុនហៀង ទាត់ចូលគ្រាប់ជ័យជម្នះនៅនាទី ៥៩។
ក្រោយចប់ការប្រកួត លោក Josep Ferre គ្រូបង្វឹក នៃក្រុមជម្រើសជាតិហ្វីលីពីន ក៏បានលើកឡើងពីការប្រកួតក្នុងសន្និសីទសារព័ត៌មាន ដោយលោកបានសោកស្ដាយចំពោះបរាជ័យ ដ្បិតហាក់ធ្វើបានល្អនៅតង់ទី ២ ហើយក៏បានសរសើរកម្ពុជា ផងដែរ។
លោក Josep Ferre បាននិយាយថា «ជាដំបូងសូមអបអរសាទរដល់កម្ពុជា សម្រាប់ការទទួលបានជ័យជម្នះ។ នៅ ២០ នាទីដំបូង យើងមិនបានធ្វើតាមអ្វីដែលយើងរំពឹង បន្ទាប់ពីរបូត ២ គ្រាប់ ហើយយើងវាយបកតាមពីក្រោយវិញ យើងចាប់ផ្ដើមបង្កើតឱកាសដើម្បីរកគ្រាប់បាល់ ក៏ដូចជាគ្រប់គ្រងបាល់ ហើយនៅវគ្គទី ២ យើងគ្រប់គ្រងការប្រកួត យើងបង្កើតឱកាសកាន់តែច្រើនជាងមុន ប៉ុន្តែវាមិនបានមកនៅខាងយើង ដូច្នេះយើងខកចិត្តចំពោះរឿងនេះ ហើយខ្ញុំគិតថា យើងគួរតែរកគ្រាប់បាល់បានច្រើនជាងនេះ»។
ពេលនិយាយពីកម្ពុជា គ្រូបង្វឹកសញ្ជាតិអ៉េស្បាញរូបនេះបានសរសើរពីតំបន់ប្រយុទ្ធ និងលើសពីអ្វីដែលលោករំពឹងទុក។
«ខ្ញុំគិតថា នៅប៉ុន្មាននាទីដំបូង ពួកគេបានដាក់សម្ពាធខ្លាំងមកលើយើង ពិតណាស់ខ្ញុំត្រូវតែអបអរដល់ក្រុមកម្ពុជា ខ្ញុំគិតថា យើងមិនបានធ្វើឲ្យមានភាពស៊ីសង្វាក់ដូចដែលយើងបានលេងជាមួយវៀតណាម ដោយរបូតគ្រាប់បាល់យ៉ាងងាយស្រួល។ យើងដឹងថា កម្ពុជា មានកីឡាករប្រយុទ្ធដ៏ល្អ ខ្ញុំចូលចិត្តកីឡាករ ៣ នាក់ខាងលើ ដែលពួកគេប្រើ ក៏ដូចជាកីឡាករស្លាបទាំងសងខាង ពួកគេបង្ហាញបានយ៉ាងល្អ ខ្ញុំគិតថា ទម្រង់លេងរបស់កម្ពុជា គឺលើសពីអ្វីដែលយើងរំពឹងទុក»។ ការលើកឡើងរបស់លោក Josep Ferre។
គួរបញ្ជាក់ថា ហ្វីលីពីន នៅសល់ការប្រកួតបន្តទៀត ពោលគឺត្រូវជួបព្រុយណេ នៅថ្ងៃទី ២៣ ខែធ្នូ ខាងមុខ នៅលើទឹកដីរបស់ខ្លួន៕
អត្ថបទ ៖ មន្នីរ័ត្ន
លោក ហេង សួរ ប្រគល់កុំព្យូទ័រជាអំណោយសម្តេចបវរធិបតី ១៣៩គ្រឿង ជូនមន្ទីរ អង្គភាព គ្រឹះស្ថានអប់រំ
សម្ដេចតេជោ ស្ដាយដែលអ្នកសារព័ត៌មានចាត់ទុកថាថៃជោគជ័យលើការបង្ក្រាបបទល្មើសឆបោកតាមអនឡាញ តែថាកម្ពុជាបរាជ័យ
បណ្ឌិត សូ ណារ៉ូ ៖ ពលរដ្ឋកុំធ្វើតាមទណ្ឌិត សម រង្ស៊ី ព្រោះជាការញុះញង់ផ្តួលរំលំរដ្ឋាភិបាល និងជាបទល្មើសព្រហ្មទណ្ឌកម្រិតធ្ងន់
បុណ្យកោងកាងសន្តិភាពឆ្នាំនេះ÷ កូនកោងកាង៥ពាន់ដើម ត្រូវបានដាំនៅក្នុងសហគមន៍កោះកាពិ ខេត្តកោះកុង
លោកស្រី ដោ សម្ផស្ស៖ សមាគមកាយឫទ្ធិនារី ត្រូវយកចំណេះដឹងទៅផ្សព្វផ្សាយ ក្នុងសហគមន៍ ដើម្បីទីក្រុងយើងមានបរិស្ថានល្អ
Trump ដាក់លក្ខខណ្ឌបើ Zelensky ចង់មកចរចាម្តងទៀត
Trump និង Zelensky ឈ្លោះគ្នានៅសេតវិមាន ផ្អើលពិភពលោក
ជម្លោះ Trump-Zelensky ធ្វើឲ្យអឺរ៉ុបធ្លាក់ចូលវិបត្តិជ្រៅ, តើណាតូនិងអ៊ុយក្រែន ទៅជាយ៉ាងណា?
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ៧ ថ្ងៃ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៣ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម១ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៤ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ