កីឡា
ប្រតិបត្តិផ្នែកវាយសីអភិវឌ្ឍអាស៊ីគ្រោងអញ្ចើញអត្តពលិកជនមានពិការភាពកីឡាវាយសីកម្ពុជា ហ្វឹកហាត់នៅក្រៅប្រទេស
ក្រោយពីទទួលបានភាពជោគជ័យក្នុងព្រឹត្តការណ៍កីឡាជាតិជនពិការលើកទី១ និង មើលឃើញពីសមត្ថភាព របស់អត្តពលិកជនមានពិការភាពល្អ ប៉ុន្តែនៅមានកម្រិត សហព័ន្ធកីឡាវាយសីកម្ពុជា គ្រោងបញ្ចូន កីឡាករ – កីឡាការិនី មានពិការភាព ទៅហ្វឹកហាត់នៅក្រៅប្រទេស ដើម្បីបង្កើនគុណភាពសមត្ថភាពបន្ថែមទៀត។
លោក ព្រំ សារ៉ាវុធ គ្រូបង្វឹកកីឡាជនមានពិការភាព បានឲ្យដឹងថា កីឡាជាតិជនមានពិការភាព លើកទី១ កន្លងទៅនេះ សហព័ន្ធកីឡាវាយសីកម្ពុជា បានសហការជាមួយគណៈកម្មាធិការជាតិប៉ារ៉ាឡាំពិកកម្ពុជា រៀបចំការប្រកួត៤ថ្ងៃ ដោយមានកីឡាករ-កីឡាការិនីជនមានពិការភាព ៨នាក់ មកពី៤រាជធានី-ខេត្ត គឺរាជធានីភ្នំពេញ ខេត្តកណ្តាល ស្វាយរៀង និងខេត្តសៀមរាប។
គ្រូបង្វឹករូបនេះ បន្ថែមថា បើនិយាយពីកីឡាករ គឺមានគុណផលខ្ពស់ ពីព្រោះធ្លាប់ហ្វឹកហាត់ និងធ្លាប់ឆ្លងកាត់ការប្រកួត អន្តរជាតិ ដូចជា អាស៊ានប៉ារ៉ាហ្គេម លើកទី១១ នៅទីក្រុងសូឡូ ប្រទេសឥណ្ឌូនេស៊ី ឆ្នាំ២០២២ ។ដផយឡែកសម្រាប់កីឡាការិនីវិញនៅមានកម្រិត ដោយសារតែទើបជ្រើសរើសយកមកហ្វឹកហាត់ ដូច្នេះបទពិសោធន៍ និងបច្ចេកទេសមានតិចតួច។
យ៉ាងណាក៍ដោយក្រោមការយកចិត្តទុកដាក់របស់ប្រធានសហព័ន្ធ នៅដើមឆ្នាំ២០២៣ខាងមុខនេះ សហព័ន្ធកីឡា វាយសីកម្ពុជា គ្រោងនឹងបញ្ជូនអត្តពលិក ជនមានពិការភាព ទៅហ្វឹកហាត់នៅប្រទេសថៃរយៈពេលវែង ឬឯម៉ាឡេស៊ី តាមរយៈការសម្របសម្រួលពីលោក Sambenthan Sivaperumal នាយកប្រតិបត្តិផ្នែកវាយសីអភិវឌ្ឍអាស៊ី ដែលមកពីសហព័ន្ធកីឡាវាយសីអាស៊ី។
សូមបញ្ជាក់ថា ព្រឹត្តិការណ៍អាស៊ានប៉ារ៉ាហ្គេម លើកទី១២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ គណៈកម្មាធិការជាតិប៉ារ៉ាឡាំពិកកម្ពុជា បានដាក់កីឡាចំនួន១៣ប្រភេទ ស្មើរជាង៤០០វិញ្ញាសា ឲ្យអត្តពលិកប្រកួតប្រជែង។ ក្នុងនោះសម្រាប់កីឡាវាយសី កម្ពុជាបានត្រៀមកីឡាករ – កីឡាការិនី កីឡាវាយសីជនមានពិការភាព ៨នាក់ ផងដែរ៕
-
ជីវិតកម្សាន្ដ៦ ថ្ងៃ ago
ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
ព័ត៌មានអន្ដរជាតិ១ ថ្ងៃ ago
វៀតណាម មានមនុស្សស្លាប់និងរបួសសរុប ៨២នាក់ ដោយឥទ្ធិពលព្យុះ យ៉ាកជី
-
ចរាចរណ៍៤ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
ព័ត៌មានអន្ដរជាតិ៦ ម៉ោង ago
វៀតណាមជួបគ្រោះផ្ទួនៗ ព្យុះទីហ្វុងផងនិងរញ្ជួយដីផង
-
សន្តិសុខសង្គម២ ថ្ងៃ ago
អ្នកលក់អនឡាញ Madam da ត្រូវមហាជនរិះគន់យ៉ាងខ្លាំង ក្រោយជិះម៉ូតូមិនពាក់មួក ប្រសេចប្រសាចពេញទីក្រុង
-
សេចក្ដីជូនដំណឹង៦ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ព័ត៌មានអន្ដរជាតិ២ ម៉ោង ago
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ចរាចរណ៍៥ ម៉ោង ago
រថយន្តដឹកអ្នកដំណើរ បុករះម៉ូតូ-រថយន្ត ចំនួន ៤ គ្រឿង ស្លាប់មនុស្ស ៣ នាក់