អាហ្សង់ទីន ចេញវីដេអូបុណ្យណូអែលពិសេសបំផុត អរគុណ Messi

ប្រទេសអាហ្សង់ទីន បានចេញវីដេអូបុណ្យណូអែលដ៏ពិសេស ដែលបង្ហាញក្មេងប្រុសម្នាក់រកឃើញពានរង្វាន់ World Cup នៅក្រោមដើមឈើរបស់គាត់ ខណៈពួកគេអះអាងថាជា “អំណោយដ៏មានតម្លៃបំផុត”។

កីឡាករ Lionel Messi បានជួយឲ្យក្រុមបាល់ទាត់ជម្រើសជាតិអាហ្សង់ទីន គ្រងតំណែងជើងឯកពិភពលោកជាលើកទីបី ក្នុងប្រវត្តិសាស្ត្ររបស់ពួកគេ។

បន្ទាប់ពីយកឈ្នះបារាំង នៅប្រទេសកាតា ក្រុមជម្រើសជាតិអាហ្សង់ទីន បានវិលត្រឡប់មកជួបអ្នកគាំទ្រដ៏រីករាយក្នុងទីក្រុង ប៊ុយណូសែ ដើម្បីដង្ហែពានរង្វាន់ បើទោះបីជាការអបអរ ត្រូវបានកាត់បន្ថយដោយសារឈុតឆាកហិង្សាដ៏អាក្រក់ក៏ដោយ។

គេជឿថា កីឡាករ Messi វ័យ៣៥ឆ្នាំ នឹងទៅលេងផ្ទះ Rosario របស់គាត់សម្រាប់ថ្ងៃបុណ្យណូអែល ហើយឥឡូវ ដើម្បីប្រារព្ធពិធីនេះ វីដេអូដ៏កក់ក្តៅមួយត្រូវបានចេញផ្សាយ ដែលបង្ហាញពីកុមារា បើកប្រអប់ពានរង្វាន់។

ទន្ទឹម​នឹង​វីដេអូ​ដែល​​បង្ហោះ​លើ​បណ្ដាញ​សង្គមនេះ​ មាន Caption សរសេរ​ថា “សូម​អរគុណ ប៉ាប៉ា Lionel។ អំណោយដ៏មានតម្លៃបំផុតគឺបានមកដល់ផ្ទះហើយ។ សូមអបអរសាទរដល់ប្រជាជនអាហ្សង់ទីនទាំងអស់!”។

នៅប្រទេសអាហ្សង់ទីន សាន់តាក្លូស ត្រូវបានគេស្គាល់ថាជា ប៉ាប៉ា ណូអែល ប៉ុន្តែឈ្មោះត្រូវបានគេផ្លាស់ប្តូរ ដើម្បីបង្ហាញជាការគោរពចំពោះកីឡាករឈ្នះពានរង្វាន់ Ballon d’Or ប្រាំពីរសម័យ។

ចង់ដឹងថាវីដេអូនេះពិសេសប៉ុនណា តោះទៅទស្សនាទាំងអស់គ្នា!

ប្រែសម្រួល៖ Vann Vann

ប្រភព៖ Daily Mail

ចុចអាន៖ ឈ្នះពានច្រើនបុណ្ណឹងហើយ តែ Messi នៅចាញ់កីឡាករមួយរូប