កីឡា
FIFA គិតរបៀបម៉េច ទើបអាហ្សង់ទីន ឈ្នះពាន World Cup ហើយ នៅតែមិនជាប់លេខ១ ក្នុងតារាង Ranking?
ក្រុមបាល់ទាត់ជម្រើសជាតិអាហ្សង់ទីន បានឈ្នះពានរង្វាន់ World Cup ឆ្នាំ២០២២ នៅប្រទេសកាតា ប៉ុន្តែពួកគេនៅតែតាមពីក្រោយគូប្រជែងគឺប្រេស៊ីល នៅក្នុងតារាងចំណាត់ថ្នាក់ពិភពលោកចុងក្រោយរបស់ FIFA។
![](https://www.kampucheathmey.com/wp-content/uploads/2022/12/image-1852.png)
ហេតុអ្វីបានជាប្រទេសប្រេស៊ីលជាប់លេខ១ មិនមែនជាអាហ្សង់ទីនទៅវិញ?
នៅឆ្នាំ២០២១, FIFA បានបង្ហាញថា ក្បួនច្បាប់ថ្មី នឹងត្រូវប្រើនៅពេលកំណត់ចំណាត់ថ្នាក់ពិភពលោក។ វិធីសាស្ត្រ Elo ធ្វើឲ្យក្រុមនានាទទួលបានពិន្ទុ ក្នុងរាល់ការប្រកួត ដែលទទួលស្គាល់ដោយ FIFA ជាជាងមធ្យមភាគ ដែលស្រង់ចេញពីការប្រកួត។ នេះមានន័យថា ការប្រកួតលក្ខណៈមិត្តភាព លែងសូវទទួលបានពិន្ទុដូចមុនហើយ ខណៈការប្រកួតក្នុងពានរង្វាន់ណាមួយដែលមានការទទួលស្គាល់ត្រឹមត្រូវ គឺកាន់តែមានសារសំខាន់។
![](https://www.kampucheathmey.com/wp-content/uploads/2022/12/image-1853-1024x576.png)
ច្បាប់របស់ FIFA ក៏កំណត់ដែរថា ការយកឈ្នះក្នុងរយៈពេល៩០នាទី គឺទទួលបានពិន្ទុច្រើនជាងការប្រកួតដែលអូសបន្លាយដល់ម៉ោងបន្ថែម និងបាល់ប៉េណាល់ទី តួយ៉ាងដូចជាក្រុមអាហ្សង់ទីន ទោះពួកគេឈ្នះ World Cup មែន តែអាហ្សង់ទីន ឆ្លងកាត់ការទាត់បាល់ប៉េណាល់ទីកាត់សេចក្តីចំនួន២លើក មុនពេលបានពាន។
អាហ្សង់ទីន ក៏រងបរាជ័យដ៏គួរឲ្យភ្ញាក់ផ្អើលផងដែរ ដោយថ្វីជើងអារ៉ាប៊ីសាអូឌីត ក្នុងការប្រកួតបើកឆាកក្នុងពូលរបស់ពួកគេ។ ការប្រកួតចាញ់ក្រុមដែលមានចំណាត់ថ្នាក់ទាប ធ្វើឲ្យពួកគេ បាត់បង់ពិន្ទុយ៉ាងច្រើន។
![](https://www.kampucheathmey.com/wp-content/uploads/2022/12/image-1851.png)
តាមការកំណត់របស់ FIFA, ពិន្ទុរកបានរបស់ក្រុមនានាគឺអាស្រ័យលើចំណាត់ថ្នាក់របស់គូប្រជែង។ មានន័យថា បើក្រុមមានចំណាត់ថ្នាក់ខ្ពស់ យកឈ្នះក្រុមដែលមានចំណាត់ថ្នាក់ទាប ពួកគេក៏បានទទួលពិន្ទុតិចទៅតាមនោះ។ ប៉ុន្តែបើពួកគេចាញ់វិញ ពួកគេក៏បាត់បង់ពិន្ទុច្រើនទៅតាមនោះដូចគ្នា។
ប្រហែលជាពិបាកយល់ខ្លាំងចំពោះរូបមន្តរបស់ FIFA ប៉ុន្តែខាងក្រោមនេះគឺជាការសម្រាយអំពីការឲ្យពិន្ទុដើម្បីឆាប់យល់៖
- ៥ពិន្ទុ- ការប្រកួតមិត្តភាពលេងនៅខាងក្រៅប្រតិទិនប្រកួតអន្តរជាតិ
- ១០ពិន្ទុ- ការប្រកួតមិត្តភាពលេងក្នុងប្រតិទិនប្រកួតអន្តរជាតិ
- ១៥ពិន្ទុ – ការប្រកួត UEFA Nations League (វគ្គចែកពូល)
- ២៥ពិន្ទុ- ការប្រកួត UEFA Nations League (វគ្គចាញ់ធ្លាក់ និងវគ្គផ្តាច់ព្រ័ត្រ), ការប្រកួតវគ្គជម្រុះចុងក្រោយរបស់សហព័ន្ធ, វគ្គជម្រុះ FIFA World Cup
- ៣៥ពិន្ទុ- ការប្រកួតរបស់សហព័ន្ធ (មុនវគ្គពាក់កណ្តាលផ្តាច់ព្រ័ត្រ)
- ៤០ពិន្ទុ- ការប្រកួតចុងក្រោយរបស់សហព័ន្ធ (វគ្គពាក់កណ្តាលផ្តាច់ព្រ័ត្រ និងលើសពីនេះ)
- ៥០ពិន្ទុ- ការប្រកួត FIFA World Cup (មុនវគ្គ ១/៤ ផ្តាច់ព្រ័ត្រ)
- ៦០ពិន្ទុ- ការប្រកួត FIFA World Cup (វគ្គ ១/៤ ផ្តាច់ព្រ័ត្រ វគ្គពាក់កណ្តាលផ្តាច់ព្រ័ត្រ ចំណាត់ថ្នាក់លេខ៣ និងផ្តាច់ព្រ័ត្រ)
ក្រុម៣ ដែលគេឃើញថា ឡើង Ranking ខ្ពស់ មានដូចជា ម៉ារ៉ុក ជប៉ុន និងអូស្រ្តាលី។
ម៉ារ៉ុក ឡើងមកចំណាត់ថ្នាក់ទី១១ ដោយសារពួកគេបានឈានដល់វគ្គពាក់កណ្តាលផ្តាច់ព្រ័ត្រ World Cup ខណៈជប៉ុនក៏ធ្វើបានល្អដែរ ជាពិសេសពួកគេបានយកឈ្នះ អាល្លឺម៉ង់ និងអេស្ប៉ាញ ក្នុងវគ្គចែកពូល។ រីឯអូស្ត្រាលីឯណោះវិញ បានឈានដល់វគ្គ១៦ក្រុមចុងក្រោយ៕
![](https://www.kampucheathmey.com/wp-content/uploads/2022/12/image-1849.png)
![](https://www.kampucheathmey.com/wp-content/uploads/2022/12/image-1850.png)
ប្រែសម្រួល៖ Vann Vann
ប្រភព៖ Goal
ចុចអាន៖ អាហ្សង់ទីន ចេញវីដេអូបុណ្យណូអែលពិសេសបំផុត អរគុណ Messi
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១៨ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១៨ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច