កីឡា
អតីតអាជ្ញាកណ្ដាល FIFA បកស្រាយរឿងចម្រូងចម្រាស់ផ្ដល់បាល់ប៉េណាល់ទីឲ្យ វៀតណាម ប៉ះម៉ាឡេស៊ី យប់មិញ
អតីតអាជ្ញាកណ្តាលម៉ាឡេស៊ីបាននិយាយថា លោកអាជ្ញាកណ្ដាល Ryuji Sato ជនជាតិជប៉ុន មិនគួរផ្ដល់បាល់ប៉េណាល់ទីឲ្យវៀតណាមនោះទេក្នុងជ័យជម្នះ ៣-០ លើម៉ាឡេស៊ីនៃពានរង្វាន់ AFF Mitsubishi Electric Cup កាលពីថ្ងៃអង្គារ ប៉ុន្តែចំពោះកាតក្រហមសម្រាប់ខ្សែការពារម៉ាឡេស៊ីគឺសមនឹងទទួលបាន ។
លោក Subkhiddin Mohd Salleh ដែលជាអាជ្ញាកណ្តាលរបស់ FIFA ចន្លោះឆ្នាំ ២០០០ រហូតដល់ចូលនិវត្តន៍ក្នុងឆ្នាំ ២០១១ បាននិយាយថា គាត់បានមើលវីដេអូនៃការប៉ះទង្គិចគ្នារវាងខ្សែការពារម៉ាឡេស៊ី Azam Azmi និងខ្សែការពារវៀតណាម Doan Van Hau នៅនាទីទី ៥៩ ក្នុងការប្រកួតនៅទីក្រុងហាណូយ ។
ការអត្ថាធិប្បាយលើប៉ុស្តិ៍ទូរទស្សន៍ម៉ាឡេស៊ី Astro Arena លោកបានបែងចែកស្ថានភាពពេលនោះជា ២ ដំណាក់កាល ទី១ គឺការរុញរបស់កីឡាករវៀតណាម Van Hau ដែលបណ្តាលឲ្យកីឡាករ Azmi ដួល ហើយបន្ទាប់មកការប៉ះទង្គិចគ្នាបានកើតឡើង ។
លោក Salleh បញ្ជាក់ថា “ពិតណាស់ នៅពេលដែលខ្សែការពារ Azmi ធាក់មុខកីឡាករវៀតណាមវិញ ពេលនោះបាល់នៅតែវិល ដូច្នេះហើយ អាជ្ញាកណ្តាលអាចពិន័យបាល់ប៉េណាល់ទីទៅវៀតណាម ។ ប៉ុន្តែតាមគំនិតខ្ញុំ រឿងដំបូងដែលត្រូវពិចារណាគឺកំហុសរបស់ Van Hau ហើយកំហុសរបស់ Azmi គឺជាកំហុសបន្ទាប់ប៉ុណ្ណោះ” ។
អតីតអាជ្ញាកណ្ដាល FIFA រូបនេះបាននិយាយទៀតថា “ប្រសិនបើអាជ្ញាកណ្តាលគិតថា កីឡាករ Azmi បានសងសឹកកីឡាករវៀតណាម Van Hau នោះ ខ្សែការពារម៉ាឡេស៊ីពិតជាសមនឹងទទួលបានកាតក្រហមមែន ។ ប៉ុន្តែអាជ្ញាកណ្ដាលគួរតែផ្ដល់បាល់ហ្វ្រីឃីកឲ្យម៉ាឡេស៊ី មិនមែនជាបាល់ប៉េណាល់ទីសម្រាប់វៀតណាមនោះទេ ព្រោះថា Van Hau បានរុញ Azmi មុន” ។
គួរបញ្ជាក់ថា លោក Salleh អាយុ ៥៦ ឆ្នាំបានក្លាយជាអាជ្ញាកណ្តាលកំពូលមួយរូបរបស់អាស៊ីក្នុងឆ្នាំ ២០០៨ ។ លោកបានជាប់កាតព្វកិច្ចនៅ World Cup ឆ្នាំ ២០១០ ជាមន្ត្រីអាជ្ញាកណ្តាលទី ៤ និងជាប្រធានអាជ្ញាកណ្តាលក្នុងការប្រកួតជាច្រើននៃពាន Asian Cup ឆ្នាំ ២០១១ ហើយបន្ទាប់ពីចូលនិវត្តន៍ គាត់បានធ្វើការជាគ្រូអាជ្ញាកណ្តាលរបស់ FIFA ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ VN Express
រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ
តំណាងដ៏ខ្ពង់ខ្ពស់ សម្តេចមហាបវរធិបតីនាយករដ្ឋមន្ត្រី និងលោកជំទាវបណ្ឌិត ប្រគេនបច្ច័យសាងសង់ខ្លោងទ្វារវត្តឥន្ទរិទ្ធី (ហៅវត្តបារាយណ៍)
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
សហជីពធំៗពីរបន្ថែមទៀត ប្រកាសគាំទ្រយ៉ាងពេញទំហឹងចំពោះការបង្កើតច្បាប់ដាក់ក្រុមប្រឆាំងជ្រុលនិយម ទៅជាក្រុមភេរវករ
ករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
សមត្ថកិច្ចកម្ពុជា បញ្ជូនបុរសជនសង្ស័យបាញ់សម្លាប់ លោក លិម គិមយ៉ាទៅឱ្យភាគីថៃ
កំពុងភ្លើងឆេះព្រៃធ្ងន់ធ្ងរផង, រដ្ឋកាលីហ្វ័រញ៉ា ស្រាប់តែកើតរញ្ជួយដីផ្ទួនៗទៀត
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
-
ព័ត៌មានជាតិ២ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៣ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍២៤ ម៉ោង agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ១ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៣ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ១ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ចរាចរណ៍៦ ថ្ងៃ agoសមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី