កីឡា

ក្រុមរន្ទះជើងពិឃាដ ប៉ះគ្នាលើទីលានប្រជែងជើងឯក នៃការប្រកួតកីឡាសីដក់ ជើងឯកថ្នាក់ជាតិប្រចាំឆ្នាំ២០២០

បានផុស

៤ years មុន

នៅ

ថ្ងៃសុក្រ ៨ មករា ២០២១

ដោយ

ការប្រកួតកីឡាសីដក់ ជ្រើសរើសជើងឯកថ្នាក់ជាតិ ប្រចាំឆ្នាំ២០២០ បានចាប់ផ្តើមដំណើរការការប្រកួតជាផ្លូវការហើយនៅព្រឹកថ្ងៃទី៨ ខែមករា ឆ្នាំ២០២១ នៅវិមានពហុកីឡដ្ឋានជាតិអូឡាំពិក ដែលរៀបចំដោយសហព័ន្ធកីឡាសីដក់ និងឈិនឡូនកម្ពុជា ក្រោមការគាំទ្រថវិកាដោយក្រសួងអប់រំយុវជន និង កីឡា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតកីឡាសីដក់ជើងឯកថ្នាក់ជាតិនេះ សហព័ន្ធបានដាក់៣វិញ្ញាសា គឺវិញ្ញាសា ៣នាក់ ទល់ ៣នាក់បុរស, ២នាក់ ទល់ ២នាក់បុរស និងវិញ្ញាសានារី ២នាក់ ទល់ ២នាក់ ដែលមានក្លិប និងសមាគមកីឡាសីដក់ចំនួន៥ចូលរួម គឺសមាគមកីឡាសីដក់ក្រសួងមហាផ្ទៃ សមាគមកីឡាសីដក់ក្រសួងការពារជាតិ សមាគមកីឡាសីដក់មជ្ឈមណ្ឌលហ្វឹកហ្វឺនកីឡាខ.ភ.ម សមាគមកីឡាសីដក់យុវខេមរា និងសមាគមកីឡាសីដក់ដេអិន។ សម្រាប់វិញ្ញាសា ៣នាក់ ទល់ ៣នាក់បុរសមាន៥ក្រុម វិញ្ញាសា២នាក់ ទល់ ២ នាក់បុរស ក៏មាន៥ក្រុមដែរ។ ចំណែកវិញ្ញាសានារី ២នាក់ ទល់ ២នាក់វិញ មានចំនួន ៦ក្រុម ដូច្នេះគណៈកម្មការប្រកួតបានចែក ចេញជា២ពូល គឺពូល “ក”មានចំនួន៣ ក្រុម និងពូល “ខ”មានចំនួន៣ក្រុមដូចគ្នា៕