សហព័ន្ធបាល់ទាត់រុស្ស៊ី យល់ព្រមបន្តនៅក្រោម UEFA មិនផ្លាស់មក AFC នោះទេ

សហព័ន្ធបាល់ទាត់រុស្ស៊ី កាលពីថ្ងៃសុក្រម្សិលមិញ បានសម្រេចចិត្តបង្កើតកិច្ចព្រមព្រៀងជាមួយសមាគម​បាល់ទាត់ទ្វីបអឺរ៉ុប (UEFA) ដើម្បីឲ្យក្រុមបាល់ទាត់រុស្ស៊ី អាចវិលត្រឡប់ចូលប្រកួតវិញបាន ក្រោយត្រូវបានដាក់បម្រាមដោយសារសង្រ្គាម រុស្ស៊ី-អ៊ុយក្រែន។

ប្រធានសហព័ន្ធបាល់ទាត់រុស្ស៊ី លោក Alexander Dyukov បាននិយាយថា៖ “វាពិតជាសំខាន់ណាស់សម្រាប់យើង ដែលអាចចូលរួមប្រកួតជម្រុះ FIFA World Cup 2026។ យើងកំពុងព្យាយាមធ្វើកិច្ចការនេះឲ្យបាន”។

ជុំវិញសំណួរដែលសួរថាតើរុស្ស៊ី អាចងាកមកចូលរួមជាមួយសហព័ន្ធបាល់ទាត់ទ្វីបអាស៊ី (AFC) ឬយ៉ាងណានោះ លោក Alexander បានបញ្ជាក់ថា មិនមានការលើកយកមកពិភាក្សានោះទេ។

រុស្ស៊ី ស្ថិតក្នុងចំណោមសមាជិកទាំង ៥៥ នៃ UEFA ហើយពានចុងក្រោយដែលក្រុមជម្រើសជាតិរុស្ស៊ី បានចូលរួមគឺពានទ្វីបអារ៉ុប UEFA Euro 2022 ដែលធ្វើឡើងកាលពីឆ្នាំ២០២១ (លើកពេលដោយសារកូវីដ)។ ប៉ុន្តែក្រោយរុស្ស៊ី ចាប់ផ្ដើមសង្រ្គាមលើអ៊ុយក្រែន នាខែកុម្ភៈ ២០២២ មក រុស្ស៊ី បានទទួលរងទណ្ឌកម្មជាច្រើន ដែលក្នុងនោះ​​ក៏មានវិស័យកីឡាផងដែរ។ FIFA និង UEFA បានដករុស្ស៊ី ចេញពីពានរង្វាន់នានា ដែលរួមបញ្ចូលទាំងក្រុមជម្រើសជាតិ និងក្លឹបបាល់ទាត់នៅរស្ស៊ី៕