ក្នុងសន្និសីទកាសែតជាមួយក្លិប Al-Nassr, Ronaldo សាងកំហុសមួយ មិនសូវមានអ្នកចាប់ភ្លឹក

ក្នុងសន្និសីទកាសែតជាមួយក្លិប Al-Nassr កាលពីថ្ងៃអង្គារទី០៣ខែមករា កីឡាករ Cristiano Ronaldo បាន​សាង​កំហុសមួយ មិនសូវមានអ្នកចាប់អារម្មណ៍ ខណៈ​គាត់​ព្យាយាមបង្ហាញការពេញចិត្ត​ចំពោះប្រទេស​អារ៉ាប៊ីសាអូឌីត។

ក្នុងឃ្លីបខាងក្រោមនៅវិនាទីទី៤៥, Ronaldo បាននិយាយថា “សម្រាប់ខ្ញុំ ការមកប្រទេសអាហ្វ្រិកខាងត្បូង វាមិនមែនជាចុងបញ្ចប់នៃអាជីពរបស់ខ្ញុំទេ”។

កំហុសមួយនោះគឺថា គាត់និយាយឈ្មោះប្រទេស អារ៉ាប៊ីសាអ៊ូឌីត ទៅជាប្រទេស អាហ្វ្រិកខាងត្បូង ទៅវិញ។

ការសម្រេចចិត្តរបស់ Ronaldo ទៅលេងនៅលីគដែលមិនសូវល្បីនេះ ក្រោយចាកចេញពី Manchester United ត្រូវបានមនុស្សមួយចំនួនរិះគន់ថា ដោយសារតែទឹកលុយ។

ទោះបីជាយ៉ាងណាក៏ដោយ គាត់បានបដិសេធ ហើយអះអាងថា គាត់ឈ្នះអស់ហើយនៅអឺរ៉ុប ដូច្នេះគាត់គ្រាន់តែចង់មានការប្រកួតប្រជែងថ្មីប៉ុណ្ណោះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Goal

ចុចអាន៖ ទស្សនាវីដេអូ Ronaldo បង្ហាញខ្លួនជាផ្លូវការនៅក្លិប Al Nassr កក្រើកឋានទាំង៣