អាជ្ញាកណ្ដាលកម្ពុជា ១១ រូបមានឈ្មោះជាអាជ្ញាកណ្ដាល​អន្តរជាតិ​ទទួលស្គាល់ដោយ FIFA

អាជ្ញាកណ្ដាលកម្ពុជាចំនួន ១១ រូប ជាប់ឈ្មោះជាអាជ្ញាកណ្ដាលអន្តរជាតិ ដែលទទួលស្គាល់ដោយសហព័ន្ធកីឡាបាល់ទាត់អន្តរជាតិ (FIFA) សម្រាប់ដឹកនាំការប្រកួតនៅក្នុងឆ្នាំ២០២៣ នេះទាំងក្នុងនិងក្រៅប្រទេសប្រចាំទ្វីបអាស៊ី សម្រាប់ការប្រកួតពានរង្វាន់អន្តរជាតិនានា។

យោងតាមវិបសាយរបស់ FIFA អាជ្ញាកណ្ដាលទាំង ១១រូប មាន ៤រូបជាអាជ្ញាកណ្ដាលលើទីលាន និង ៦រូប ជាអាជ្ញាកណ្ដាលខ្សែបន្ទាត់ ឬជំនួយការអាជ្ញាកណ្ដាល ខណៈ ១ រូបជាអាជ្ញាកណ្ដាលកីឡាបាល់ទាត់ក្នុងសាល។

អាជ្ញាកណ្ដាលលើទីលានទាំង ៤រូបមាន៖

-លោក ជី សាមឌី (ជាប់លើកដំបូងតាំងពីឆ្នាំ២០០៧)

-លោក ឃួន វីរៈ (ជាប់លើកដំបូងពីឆ្នាំ២០១០)

-លោក ឃិន ឧសីហា (ជាប់លើកដំបូងពីឆ្នាំ២០២៣)

-កញ្ញា ប្លុង ពេជ្រអក្ខរ៉ា (ជាប់លើកដំបូងពីឆ្នាំ២០១៤)។

ចំណែកក្រុមជំនួយការអាជ្ញាកណ្ដាល ៦រូបរួមមាន៖

-លោក គឹម ស៊ីពិសាល (ជាប់ដំបូងពីឆ្នាំ២០១០)

-លោក ផៃ វិសាល (ជាប់ដំបូងពីឆ្នាំ២០២២)

-លោក ស៊ុន ចាន់ភារិទ្ធិ (ជាប់ដំបូងពីឆ្នាំ២០០៧)

-លោក ស៊ុន ដារ៉ាវុធ(ជាប់ដំបូងពីឆ្នាំ២០១៨)

-លោក ទិន សំរេច (ជាប់ដំបូងពីឆ្នាំ២០២២)

-កញ្ញា ថន ដាវី (ជាប់ដំបូងពីឆ្នាំ២០២២)

ចំណែកអាជ្ញាកណ្ដាលសម្រាប់កីឡាបាល់ទាត់ក្នុងសាល គឺលោក សន វិហ្សែល។

អាជ្ញាកណ្ដាលកម្រិតអន្តរជាតិ ដែលទទួលស្គាល់ដោយ FIFA នឹងមានឱកាសចេញទៅដឹកនាំការប្រកួតនៅក្រៅប្រទេស ក្នុងដែនសមត្ថកិច្ចរបស់សហព័ន្ធកីឡាបាល់ទាត់ទ្វីបអាស៊ី (AFC)៕

អត្ថបទ៖ មន្នីរ័ត្ន