កីឡា
Ronaldo អាចនឹងលេងតទល់ជាមួយ Messi ជាថ្មីនៅថ្ងៃទី១៩ ខែមករា ខាងមុខនេះ
ការប្រកួតដំបូងរបស់ Cristiano Ronaldo ចាប់តាំងពីការផ្លាស់ទៅលីគនៃប្រទេសអារ៉ាប៊ីសាអូឌីត អាចមើលឃើញពេលគេលេងទល់នឹងដៃគូប្រជែងចាស់ Lionel Messi បន្ទាប់ពីគ្រូបង្វឹករបស់ក្លិបបាននិយាយថាកីឡាករអន្តរជាតិព័រទុយហ្គាល់ នឹងលេងជាមួយ Paris Saint-Germain ក្នុងការប្រកួតមិត្តភាពក្នុងខែនេះ។
Ronaldo ត្រូវជាប់ពិន័យព្យួរមុនពេលបង្ហាញខ្លួនក្នុងលីកដំបូងរបស់គេសម្រាប់ ក្លិប Al Nassr ប៉ុន្តែត្រូវបានគេរំពឹងថានឹងជួបជាមួយ ក្លិប PSG ពេលប្រកួតមិត្តភាពទល់នឹងក្រុមដែលរៀបចំឡើងបញ្ចូលគ្នាដោយកីឡាករមកពីក្លិប Al Nassr និងក្លិប Al Hilal ក្នុងទីក្រុង Riyadh នៅថ្ងៃទី១៩ ខែមករា ខាងមុខនេះ។
Ronaldo បានខកខានការប្រកួតក្នុងស្រុកលើកដំបូងក្នុងចំណោមការប្រកួតក្នុងស្រុកចំនួន២ សម្រាប់ក្លិប Al Nassr កាលពីថ្ងៃសុក្រ បន្ទាប់ពីត្រូវបានសហព័ន្ធបាល់ទាត់អង់គ្លេសផ្អាកដោយសារការវាយឱ្យជ្រុះទូរស័ព្ទពីដៃអ្នកគាំទ្រ ក្រោយពីការបរាជ័យរបស់ Manchester United នៅលើទឹកដីក្រុម Everton កាលពីខែមេសា ឆ្នាំ២០២២។
Rudi Garcia អ្នកចាត់ការទូទៅរបស់ Al Nassr បានបញ្ជាក់ថា ខ្សែប្រយុទ្ធវ័យ ៣៧ឆ្នាំរូបនេះក៏នឹងខកខានការប្រកួតលីកជាមួយនឹងក្រុម Al Shabab ហើយនឹងត្រៀមបង្ហាញខ្លួនជាលើកដំបូងជាមួយ Ettifaq នៅថ្ងៃទី២២ ខែមករា ប៉ុន្តែលោករំពឹងថា Ronaldo នឹងលេងពេលប៉ះជាមួយ PSG។ ការប្រកួតនេះក៏គួរឱ្យកត់សម្គាល់ផងដែរពីទស្សនវិស័យភូមិសាស្ត្រនយោបាយ ដោយក្លិបអារ៉ាប៊ីសាអូឌីត ត្រូវប្រឈមមុខនឹងក្រុមដែលគ្រប់គ្រងដោយ កាតា។
Garcia ត្រូវបានដកស្រង់សម្តីដោយ L’Équipe ថា “វា [ការបង្ហាញខ្លួនលើកដំបូងរបស់គាត់] មិនមែនជាមួយអាវរបស់ក្លិប Al Nassr នោះទេ។ វានឹងក្លាយជាការលាយកីឡាករបញ្ចូលគ្នារវាងក្លិប Al Hilal និងក្លិប Al Nassr»៕
ប្រភព ៖ theguardian.com
អត្ថបទ ៖ មន្នីរ័ត្ន


-
ព័ត៌មានអន្ដរជាតិ១៦ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?