កីឡា
បើកការប្រកួតបាល់ទាត់មិត្តភាពក្របខណ្ឌសមាគមរាជសីហ៍សាខារាជធានី-ខេត្ត ដើម្បីអបអរសាទរខួបលើកទី៤២ នៃទិវាជ័យជម្នះ៧មករា
ភ្នំពេញ ៖ សមាគមរាជសីហ៍បានបើកការប្រកួតបាល់ទាត់មិត្តភាពក្នុងក្របខណ្ឌសមាគមរាជ សីហ៍សាខារាជធានី-ខេត្ត ដើម្បីចូលរួមអបអរសាទរ ខួបលើកទី៤២ ទិវាជ័យជម្នះ៧មករា នៅទីលានបាល់ទាត់ វិទ្យាល័យច្បារអំពៅ នាល្ងាចថ្ងៃទី០៩មករា២០២១នេះ។
ការបើកប្រកួតបាល់ទាត់នេះ បានធ្វើឡើងស្របជាមួយនឹងពិធីប្រកាសសមាគមរាជសីហ៍សាខាខេត្តកណ្តាលជាផ្លូវការផងដែរ។
ក្នុងឱកាសប្រកាសការប្រកួតជាផ្លូវការដែលមានការអញ្ជើញចូលរួមពីសំណាក់លោក ទេព យុទ្ធី ប្រធានក្រុមប្រឹក្សាយោបល់សមាគមរាជសីហ៍ លោក ស៊ុម សារឿន ប្រធានសមាគមរាជសី ហ៍ និងប្រធានសហព័ន្ធកីឡាវ៉ូវីណាមកម្ពុជា ព្រមទាំងប្រធានសាខាសមាគមរាជសីហ៍នានា លោក ទេព យុទ្ធី បានមានប្រសាសន៍ថា ការប្រកួតបាល់ទាត់នេះ ដើម្បីអបអរសាទរខួបលើកទី៤២ នៃទិវាជ័យជម្នះ៧មករា គឺជាការចូលរួមចំណែកយ៉ាងធំធេងរបស់សមាគមរាជសីហ៍ជាមួយរដ្ឋាភិបាលកម្ពុជា ក្នុងការរម្លឹកដល់ថ្ងៃជ័យជម្នះ៧ មករា ដូច្នេះសមាគមរាជសីហ៍នឹងរៀបចំការប្រកួតកីឡាបាល់ទាត់នេះជារៀងរាល់ឆ្នាំចាប់ពីឆ្នាំនេះតទៅ។
លោក ស៊ុម សារឿន ក៏បានមានប្រសាសន៍ថា ការប្រកួតកីឡាបាល់ទាត់មិត្តភាពក្នុងក្របខណ្ឌសមាគមរាជសីហ៍សាខារាជធានី-ខេត្តដោយស្ថិតលើស្មារតីចេះអធ្យាស្រ័យគ្នាទៅវិញទៅមក មិត្ត ភាព សាមគ្គីភាព បានប្រកាន់ខ្ជាប់ខ្លួននូវគោលការណ៍បញ្ញត្តិ និង គោលការណ៍បច្ចេកទេសក្នុងការប្រកួតធ្វើឲ្យការប្រកួតទទួលបានជោគជ័យ។ លោកសូមកោតសរសើរ និងវាយតម្លៃខ្ពស់សមាគមរាជសីហ៍សាខាទាំងអស់ដែលចូលរួមលេងកីឡាទាំងអស់។
សម្រាប់ការប្រកួតនេះ មានក្រុមសមាគមរាជ សីហ៍វ័យចាស់ថ្នាក់កណ្តាល សាខារាជធានីភ្នំ ពេញ និងសាខាខេត្តកណ្តាល ការប្រកួតមានលក្ខណៈប្រកួតវិលជុំដោយទាំង៣ក្រុមត្រូវប៉ះជាមួយគ្នាទាំងអស់៕
ដោយ ៖ វិសិទ្ធ
សូមចុចអាន ៖ជើងខ្លាំង៥គូនេះច្បាស់ជាទស្សនិកជនចង់ឃើញនៅឆ្នាំ២០២១
សូមចុចអាន ៖ កីឡាករ សុខ លឹមហេង គ្រងតំណែងជើងឯកអុកចត្រង្គថ្នាក់ជាតិប្រចាំឆ្នាំ២០២០
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង