កីឡា
CAMSOC បានដៃគូឧបត្ថម្ភធំ២មានទឹកប្រាក់១,៥ទៅ២លានដុល្លារ
រហូតដល់ពេលនេះ គណៈកម្មាធិការធិការជាតិរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ (CAMSOC-CAMAPGOC) ទទួលបានដៃគូធំពីរហើយសម្រាប់ការចូលរួមឧបត្ថម្ភគាំទ្រដល់ការរៀបចំការប្រកួតឲ្យទទួលបានជោគជ័យ។
តាមការឲ្យដឹងពីលោក វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC-CAMAPGOC ថា គណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ និងកីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ ទទួលបានធនាគារ ABA ជាដៃគូចលនូបត្ថម្ភផ្ដាច់មុខ លើវិស័យធនាគារ សម្រាប់ព្រឹត្តិការណ៍ប្រកួតធំទាំងពីរនៅកម្ពុជា។ កិច្ចព្រមព្រៀងគ្នានេះបានធ្វើឡើងកាលពីថ្ងៃទី១០ ខែមករា ឆ្នាំ២០២៣ នៅទីស្នាក់ការគណៈកម្មាធិការជាតិអូឡាំពិកកម្ពុជា។
លោកបានបញ្ជាក់ថា គណៈកម្មាធិការជាតិ CAMSOC-CAMAPGOC បានកំណត់គោលការណ៍ «សន្សំសំចៃ និងធ្វើឲ្យមានភាពអស្ចារ្យ នៃព្រឹត្តិការណ៍ស៊ីហ្គេម-អាស៊ានប៉ារ៉ាហ្គេម ឆ្នាំ២០២៣»។ ជាក់ស្ដែង គណៈកម្មាធិការជាតិទទួលបានដៃគូឧបត្ថម្ភគាំទ្រលំដាប់ Premium គឺ ជាចំណាត់ថ្នាក់ទី១។ សម្រាប់ចំណាត់ថ្នាក់នេះបានកំណត់លើការឧបត្ថម្ភកម្រិតទី១ ចន្លោះ ១.៥លានដុល្លារ ទៅ ២លានដុល្លារ។
លោកបានបន្ថែមថា នេះគឺជាសក្ខីកម្មមួយ មិនមែនតែការទទួលបានចំណូលជាសាច់ប្រាក់ប៉ុណ្ណោះទេ ប៉ុន្តែទទួលបាននូវការរួមគ្នាធ្វើឲ្យគុណតម្លៃនៃព្រឹត្តិការណ៍កីឡា កាន់តែខ្ពស់ថែមទៀតតាមរយៈការសម្រួលដល់ការរៀបចំឲ្យមានដំណើរការនៃការចាយវាយថវិការបស់ប្រតិភូទាំងអស់ ដែលអញ្ជើញមក ក្នុងប្រតិបត្តិការមួយដ៏ល្អ ហើយទៅដល់ដៃអ្នកចូលរួមទាំងអស់។
កាលពីថ្ងៃទី២៨ ខែធ្នូ កន្លងទៅថ្មីៗនេះ គណៈកម្មាធិការជាតិ CAMSOC-CAMAPGOC ក៏បានចុះហត្ថលេខាជាមួយក្រុមហ៊ុន AIA ដើម្បីក្លាយជាដៃគូចលនូបត្ថម្ភជាផ្លូវការសម្រាប់ការធារ៉ាប់រងអាយុជីវិតរបស់អត្តពលិកជម្រើសជាតិកម្ពុជា ដើម្បីបំប៉នចិត្តសាស្ត្រកីឡារបស់ពួកគេឲ្យកាន់តែមានឆន្ទៈមោះមុត ហ៊ានលះបង់បន្ថែមទៀត ក្នុងការឆ្ពោះទៅស្វែងរកមេដាយជូនជាតិ។
តាមការឲ្យដឹងពីលោកអគ្គលេខាធិការរូបនេះថា បច្ចុប្បន្នមានក្រុមហ៊ុនពី៤ទៅ៥ដែលកំពុងដំណើរការនិតិវិធី ដើម្បីក្លាយជាដៃគូផ្លូវការ ឧបត្ថម្ភដល់ព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជា៕
អត្ថបទ៖ វីរបុត្រ
អង្គរសង្ក្រាន្តឆ្នាំនេះ នឹងរៀបចំទ្រង់ទ្រាយធំជាងឆ្នាំមុនៗ ដើម្បីទាក់ទាញទេសចរជាតិ-អន្តរជាតិ
សមត្ថកិច្ចឃាត់បុរសម្នាក់ពាក់ព័ន្ធមុខសញ្ញាជួញដូរគ្រឿងញៀន នៅស្រុកកោះញែក
កុំឱ្យកកស្ទះចរាចរណ៍ពលរដ្ឋ នាយករដ្ឋមន្ត្រីឱ្យពិនិត្យឡើងវិញការបិទផ្លូវ ពេលក្បួនឆ្លងកាត់
ឃាត់ជនបរទេស២៥៨នាក់នៅខេត្តមណ្ឌលគិរី ពាក់ព័ន្ធទីតាំងអនឡាញខុសច្បាប់
ព្រឹត្តិការណ៍អង្គរសង្ក្រាន្ត ឆ្នាំនេះ នឹងរៀបចំឡើងវិញក្រោមប្រធានបទ«ញញឹមសាទរសង្ក្រាន្តឆ្នាំថ្មី»
កុំឱ្យកកស្ទះចរាចរណ៍ពលរដ្ឋ នាយករដ្ឋមន្ត្រីឱ្យពិនិត្យឡើងវិញការបិទផ្លូវ ពេលក្បួនឆ្លងកាត់
កម្ពុជាអាចមានភ្លៀងធ្លាក់គ្របដណ្តប់លើផ្ទៃដី១០-២០% រយៈពេល៣ថ្ងៃ
កម្លាំងវិស្វកម្ម កំពុងពន្លឿនការស្ថាបនាផ្លូវក្រវាត់ព្រំដែនក្នុងភូមិសាស្រ្តស្រុកអណ្តូងមាស
សមត្ថកិច្ចឃាត់បុរសម្នាក់ពាក់ព័ន្ធមុខសញ្ញាជួញដូរគ្រឿងញៀន នៅស្រុកកោះញែក
ព្រះវិហារថ្មី និងសមិទ្ធផលនានា ក្នុងវត្តសុវណ្ណគិរីកេសរធ្លក ខេត្តសៀមរាប ត្រូវបានសម្ពោធដាក់ឱ្យប្រើប្រាស់ជាផ្លូវការ
-
សន្តិសុខសង្គម៦ ថ្ងៃ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ៦ ថ្ងៃ agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
សន្តិសុខសង្គម១ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ជីវិតកម្សាន្ដ៦ ថ្ងៃ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានអន្ដរជាតិ៣ ថ្ងៃ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៥ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៤ ថ្ងៃ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
ចរាចរណ៍៦ ថ្ងៃ agoបុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង