កីឡា

ឪពុករបស់ Neymar ឲ្យតម្រុយកូនប្រុសរបស់លោកចង់ចាកចេញពី PSG

បានផុស

២ years មុន

នៅ

ថ្ងៃសុក្រ ១៣ មករា ២០២៣

ដោយ

ប៉ុន្មានថ្ងៃថ្មីៗនេះមានការរំពឹងទុកអំពីការចាកចេញរបស់ Neymar ពីក្លិប Paris Saint-Germain។ ទោះបីជាការពិតដែលថា កីឡាករប្រេស៊ីលមានកិច្ចសន្យាជាមួយ PSG រហូតដល់ឆ្នាំ ២០២៧ ប៉ុន្តែពាក្យចចាមអារ៉ាមអំពីការផ្លាស់ប្ដូរទៅ Flamengo គឺហាក់កត់សម្គាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឪពុករបស់ Neymar បាននិយាយនៅលើកម្មវិធីសម្ភាសន៍មួយជាមួយ Marcao ដែលត្រូវជាឪពុករបស់ កីឡាករ Gerson ដែលថ្មីៗនេះបានចុះហត្ថលេខាជាមួយ Flamengo។

ភ្នាក់ងារទាំងពីរបានពិភាក្សាគ្នាអំពីលទ្ធភាពដែលកីឡាករទាំងពីរលេងជាមួយគ្នានៅប្រទេសប្រេស៊ីល។ ឪពុករបស់ Neymar មិនបានលាក់អំពីអនាគតរបស់កូនប្រុសរបស់លោក ដែលធ្វើឲ្យអ្នកគាំទ្រក្លិប Rio de Janeiro សុបិនមុនពេលកែតម្រូវស្ថានភាពរបស់ក្រុម។

លោកបាននិយាយនៅលើកម្មវិធី GV World Podcast ថា “គាត់នឹងលេងជាមួយ Gerson នៅ Flamengo? វាអាចទៅរួច។ វាអាចទៅរួច (ហើយលោកស្ងៀមស្ងាត់) ប៉ុន្តែវាអាចធ្វើទៅបានតែនៅក្នុងក្រុមជម្រើសជាតិប្រេស៊ីលប៉ុណ្ណោះ”។

“នៅក្នុងបាល់ទាត់ អ្វីគ្រប់យ៉ាងគឺអាចធ្វើទៅបាន ប៉ុន្តែ Neymar មានកិច្ចសន្យារយៈពេលវែងជាមួយ PSG។ វានៅសល់រហូតដល់ឆ្នាំ ២០២៧។ គាត់ទើបតែបន្ត វាពិតជាលំបាកខ្លាំងណាស់”។

Flamengo ទើបតែឈ្នះពាន Copa Libertadores ហើយបានធ្វើឲ្យគេក្លាយជាក្រុមល្អបំផុតមួយនៅអាមេរិកខាងត្បូង។

Neymar នៅសល់កុងត្រា ៤ ឆ្នាំទៀតជាមួយ PSG មុនពេលគាត់គិតចង់ត្រឡប់មកផ្ទះវិញ។ នៅឆ្នាំ ២០២៧ គេនឹងមានអាយុ ៣៤ ឆ្នាំ ហើយនឹងមានសេរីភាពក្នុងការត្រលប់ទៅប្រេស៊ីលវិញ ជាទីដែលគេបានចាប់ផ្ដើម៕

ប្រភព ៖ Marca

អត្ថបទ ៖ មន្នីរ័ត្ន

Related Topics:Neymar