កីឡា

ស្ថានទូតឥណ្ឌូនេស៊ីប្រចាំកម្ពុជា រៀបចំការប្រកួតវាយកូនហ្គោលអបអរសាទរ ឯកអគ្គរដ្ឋទូតឥណ្ឌូនេស៊ី ចប់អាណត្តិបេសកកម្មការទូតនៅកម្ពុជា

បានផុស

២ years មុន

នៅ

ថ្ងៃអាទិត្យ ១៥ មករា ២០២៣

ដោយ

ព្រឹកថ្ងៃទី១៥ ខែមករា ឆ្នាំ២០២៣លោកទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានចូលរួមក្នុងការប្រកួតវាយកូនហ្គោលអបអរសាទរ ឯកឧត្ដម Sudirman Haseng ឯកអគ្គរដ្ឋទូតទូតឥណ្ឌូនេស៊ីប្រចាំកម្ពុជា ដែលបានចប់អាណត្តិបេសកកម្មការទូតរយៈពេល ៥ឆ្នាំនៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនាមរាជរដ្ឋាភិបាល និងប្រជាជនកម្ពុជា លោកទេសរដ្ឋមន្រ្តី បានថ្លែងអំណរគុណយ៉ាងជ្រាលជ្រៅជូនចំពោះឯកអគ្គរដ្ឋទូត Sudirman Haseng សម្រាប់បេសកកម្មដ៏ជោគជ័យនៅកម្ពុជាក្នុងឋានៈជាទូតកំពូលរបស់ឥណ្ឌូនេស៊ីអស់រយៈពេលជិត ៥ ឆ្នាំ ។

លោកបន្តទៀតថា ក្រោមការដឹកនាំប្រកបដោយសមត្ថភាព និងការខិតខំប្រឹងប្រែងមិនចេះនឿយហត់ ឯកអគ្គរដ្ឋទូត Haseng បានពង្រឹងចំណងមិត្តភាព និងកិច្ចសហប្រតិបត្តិការយ៉ាងល្អរវាងប្រទេស និងប្រជាជនយើងទាំងពីរ។ យើងនឹងនឹកឯកអគ្គរដ្ឋទូត Haseng និងលោកជំទាវ ហើយសូមជូនពរឯកអគ្គរដ្ឋទូត និងលោកជំទាវ មានសុខភាពល្អ សុភមង្គល និងវិបុលភាព។

ការប្រកួតវាយកូនហ្គោលលាគ្នាថ្ងៃនេះ ប្រព្រឹត្តិទៅនៅ Garden City Golf Club រៀបចំដោយ INDOCHAM ដើម្បីជាកិត្តិយសដល់ឯកអគ្គរដ្ឋទូត Haseng និងជាសក្ខីភាពនៃមិត្តភាព និងភាពជាដៃគូរបស់យើង។ យើងខ្ញុំក៏សូមគោរពជូនពរដល់សហគមន៍ឥណ្ឌូនេស៊ីជាទីគោរពរបស់យើងនៅកម្ពុជាក្នុងឆ្នាំថ្មី ឆ្នាំសកល ២០២៣ ប្រកបដោយសុខភាពល្អ ជោគជ័យ និងរុងរឿង។