កីឡា
លោក Park សុំទោសអ្នកគាំទ្រវៀតណាម ដែលមិនអាចយកពានធ្វើជាកាដូលាចុងក្រោយ
ការប្រកួតវគ្គផ្តាច់ព្រ័ត្រ ជើងទី២ នៃពានរង្វាន់ AFF Cup ឆ្នាំ២០២២ កាលពីយប់មិញទល់នឹងថៃ គឺជាការប្រកួតចុងក្រោយរបស់ជម្រើសជាតិវៀតណាមដែលដឹកនាំដោយលោកគ្រូបង្វឹកសញ្ជាតិកូរ៉េខាងត្បូង Park Hang-Seo ហើយលោកបានសុំទោសចំពោះអ្នកគាំទ្រវៀតណាមដែលលោកមិនអាចយកពានរង្វាន់សម្រាប់ជាកាដូលាចុងក្រោយ។
ថ្លែងក្នុងសន្និសីទសារព័ត៌មានក្រោយពេលចាញ់ម្ចាស់ផ្ទះថៃ ១-០ លោក Park Hang-Seo បាននិយាយថា ៖«ខ្ញុំចង់ឈ្នះជើងឯកដើម្បីជាកាដូលាគ្នាចុងក្រោយជាមួយប្រជាជនវៀតណាម ប៉ុន្តែខ្ញុំមិនអាចធ្វើបាន។ ខ្ញុំសុំទោសដែលមិនអាចធ្វើវាបាន»។
លោកបន្ទោសខ្លួនឯងដែលមិនអាចសម្រេចបាន ហើយលោកបានស្នើឲ្យអ្នកគាំទ្រវៀតណាមកុំរិះគន់កីឡាករ ពីព្រោះពួកគេបានខំប្រឹងអស់ពីលទ្ធភាពហើយរហូតឡើងដល់វគ្គផ្តាច់ព្រ័ត្រ។
រម្លឹកដល់ពេលវេលា៥ឆ្នាំក្នុងនាមជាគ្រូបង្វឹកវៀតណាម លោក Park បានលើកឡើងថា លោកសប្បាយចិត្តណាស់ដែលទទួលបានគាំទ្រយ៉ាងធំធេងពីអ្នកគាំទ្រ និងកីឡាករវៀតណាម។ «វាជាការឈឺចាប់មួយសម្រាប់ខ្ញុំដែលមិនអាចនៅជាមួយកីឡាករវៀតណាមបន្តទៀត ជាពិសេស បន្ទាប់ពីពួកយើងនៅក្នុងគ្រាលំបាកជាមួយគ្នា តែយើងបានឆ្លងកាត់ជាមួយគ្នាបាន»។
គ្រូបង្វឹកសញ្ជាតិកូរ៉េខាងត្បូងវ័យ៦៥ឆ្នាំបានចំណាយពេលវេលា៥ឆ្នាំគិតចាប់តាំងពីឆ្នាំ២០១៧ជាមួយក្រុមបាល់ទាត់ជម្រើសជាតិវៀតណាម។ លោកបានជួយវៀតណាមឈ្នះពានរង្វាន់ជាច្រើន ក្នុងនោះឈ្នះជើងឯក AFF Cup ឆ្នាំ២០១៧, ឈ្នះមេដាយមាសស៊ីហ្គេម២ដង ឆ្នាំ២០១៩ និង២០២១, ទទួលបានចំណាត់ថ្នាក់លេខ២ជើងឯកយុវជនអាស៊ី Asian U23 និងចំណាត់ថ្នាក់លេខ៤ ASIAD ឆ្នាំ២០១៨។ អ្វីដែលគួរឲ្យកត់សំគាល់ទៀតនោះ លោកបានជួយឲ្យ វៀតណាមឡើងដល់វគ្គ៨ក្រុមចុងក្រោយជើងឯក Asian Cup ឆ្នាំ២០១៩ និងឡើងដល់ជុំទី៣វគ្គជម្រុះជើងឯកពិភពលោក World Cup ឆ្នាំ២០២២៕
ប្រែសម្រួល៖ វីរបុត្រ
មីយ៉ាន់ម៉ាសុខចិត្តដោះលែងអ្នកទោសនេសាទថៃ៤នាក់ ក្រោយសម្របសម្រួលជិតកន្លះឆ្នាំ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៦ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?