កីឡា

លេងពាន AFF Cup ៥ ដងហើយ តែកីឡាករថៃរូបនេះ មិនប្រាកដថានឹងចូលម្ដងទៀតឬយ៉ាងណា

បានផុស

២ years មុន

នៅ

ថ្ងៃពុធ ១៨ មករា ២០២៣

ដោយ

កីឡាករ Teerasil Dangda ដែលជាម្ចាស់ពានរង្វាន់ស្បែកជើងមាសរួមគ្នា នៃពានរង្វាន់ AFF Mitsubishi Electric Cup 2022 ស៊ុតបញ្ចូលទីបានចំនួន ៦ គ្រាប់ ក្នុងការប្រកួតនេះ ដើម្បីជួយក្រុមថៃលើកពាន ASEAN Cup ជាលើកទី ៧ របស់ពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករវ័យ ៣៤ ឆ្នាំរូបនេះ បានចូលក្នុងការប្រកួតក្នុងនាមជាកីឡាករដែលបានប្រកួត AFF Cup ច្រើនជាងគេឲ្យ ថៃ ដោយបានចូលរួមប្រកួតចំនួន ៥ ដង មុនឆ្នាំ ២០២២ (២០០៨, ២០១០, ២០១២, ២០១៦ និង ២០២០)។

បន្ទាប់ពីការប្រកួតចុងក្រោយនេះ Teerasil បានចែករំលែកនៅក្នុងបទសម្ភាសន៍ថា គេនៅតែមិនទាន់កំណត់ថា តើអាចនឹងមានវត្តមានម្តងទៀតនៅក្នុងពាន AFF Cup ដែរឬទេ។

Teerasil បាននិយាយថា “ខ្ញុំមិនដឹងថាតើនេះជាការប្រកួត AFF Cup ចុងក្រោយរបស់ខ្ញុំឬអត់នោះទេ។ ខ្ញុំមិនដឹងថា រាងកាយរបស់ខ្ញុំ នឹងល្អប៉ុណ្ណាទេ ខ្ញុំនឹងប្រឹងប្រែងឲ្យបានល្អ ឬទោះបីខ្ញុំនៅតែលេងបាល់ទាត់នៅពេលប្រកួតបន្ទាប់មក។ វាពិបាកក្នុងការប្រាប់ ប៉ុន្តែខ្ញុំសប្បាយចិត្តនឹងអ្វីដែលយើងសម្រេចបានក្នុងការប្រកួតនេះ ហើយមានមោទនភាពចំពោះមិត្តរួមក្រុមទាំងអស់ដែលបានក្លាយជាម្ចាស់ជើងឯក»។

បន្ទាប់ពីរងរបួសសាច់ដុំក្នុងការប្រកួតពាក់កណ្ដាលផ្ដាច់ព្រ័ត្រជាមួយម៉ាឡេស៊ី Teerasil មិនបានបង្ហាញខ្លួនក្នុងការប្រកួតទាំងពីរជើង នៃ AFF Cup 2022 វគ្គផ្ដាច់ព្រ័ត្រទល់នឹងវៀតណាម។ ប៉ុន្តែ ថៃ នៅតែយកឈ្នះក្នុងលទ្ធផល ៣-២ ដើម្បីលើកពានទៅវិញ។

ឆ្លងកាត់ការប្រកួត ៥ ដង Teerasil Dangda អាចរកគ្រាប់បាល់បានសរុប ២៥ គ្រាប់ ក្នុងនោះឈ្នះស្បែកជើងមាសទាំង ៥ ដង ទាំងឈ្នះម្នាក់ឯង ២ ដង និងឈ្នះរួមគ្នា ៣ ដង៕

ប្រភព ៖ Main Stand – International

អត្ថបទ ៖ មន្នីរ័ត្ន

Related Topics:ប្រទេសថៃ