កីឡា
លោក ថោង ខុន ៖«កម្ពុជានឹងចារមរតកស៊ីហ្គេមលើកដំបូង ក្រោយសុបិន៦៤ឆ្នាំ»
គិតត្រឹមថ្ងៃទី២៦ ខែមករា ឆ្នាំ២០២៣នេះ នៅសល់ត្រឹមតែ៩៩ថ្ងៃទៀតប៉ុណ្ណោះព្រឹត្តិការណ៍កីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ នឹងឈានចូលមកដល់លើទឹកដីនៃព្រះរាជាណាចក្រកម្ពុជាជាលើកដំបូង។
ចាប់តាំងពីកីឡាអាស៊ីអាគ្នេយ៍ចាប់បដិសន្ធិនៅឆ្នាំ១៩៥៩មក កម្ពុជាតែងតែសុបិនក្នុងការទទួលរៀបចំធ្វើជាម្ចាស់ផ្ទះ ប៉ុន្តែដោយសារសង្គ្រាមបំផ្លិចបំផ្លាញជាបន្តបន្ទាប់បានធ្វើឲ្យកម្ពុជាមិនអាចទទួលរៀបចំបាន។ បើទោះជាក្រោយពេលសង្គ្រាមចប់ហើយក្តី កម្ពុជាត្រូវប្រឹងប្រែងដើម្បីស្តារ និងអភិវឌ្ឍប្រទេសជាតិមុនឈានដល់ការទទួលសិទ្ធិធ្វើជាម្ចាស់ផ្ទះ បន្ទាប់ពីប្រទេសជាតិរីកចម្រើន និងសុខសន្តិភាពពេញបរិបូណ៍។
ក្នុងពិធីរាប់ថយក្រោយ១០០ថ្ងៃនៃដំណើរឆ្ពោះទៅស៊ីហ្គេម លើកទី៣២ កាលពីល្ងាចថ្ងៃទី២៥ ខែមករា កន្លងទៅនេះ លោក ថោង ខុន រដ្ឋមន្ត្រីក្រសួងទេសចរណ៍ និងជាអនុប្រធានអចិន្ត្រៃយ៍នៃគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេម មានប្រសាសន៍ថា ៖«ដោយនៅសល់ពេលតែ១០០ថ្ងៃទៀត (គិតត្រឹមថ្ងៃទី២៥ ខែមករា) កម្ពុជានឹងចារប្រវត្តិសាស្ត្រនៃមរតកកីឡា និងបំពេញក្តីស្រមៃឲ្យក្លាយជាការពិត ក្នុងការទទួលធ្វើម្ចាស់ផ្ទះកីឡាស៊ីហ្គេម លើកទី៣២ ដែលជាព្រឹត្តិការណ៍ពហុកីឡាលើកដំបូងក្នុងព្រះរាជាណាចក្រកម្ពុជារយៈពេល៦៤ឆ្នាំកន្លងទៅនេះ»។
លោកបន្តថា ៖«កីឡារស់ក្នុងសន្តិភាពត្រូវបានជ្រើសរើសជាពាក្យស្លោកក្នុងព្រឹត្តិការណ៍នេះដើម្បីបង្ហាញឲ្យឃើញថា សន្តិភាពបានផ្តល់ឲ្យកីឡារីកចម្រើននៅកម្ពុជា។ តាមរយៈសន្តិភាព ប្រទេសជាតិកំពុងរីករាយនឹងការអភិវឌ្ឍយ៉ាងឆាប់រហ័ស និងស្ថេរភាពគ្រប់ផ្នែកទូទាំងប្រទេស។ គណៈកម្មាធិការអូឡាំពិកអន្តរជាតិ និងក្រុមប្រឹក្សាអូឡាំពិកអាស៊ីបានទទួលស្គាល់ការប្តេជ្ញាចិត្តឥតឈប់ឈររបស់រាជរដ្ឋាភិបាលកម្ពុជាក្នុងការរួមចំណែកជំរុញ លើកកម្ពស់ និងអភិវឌ្ឍចលនាលកីឡាអូឡាំពិកក្នុងប្រទេស និងតំបន់»។
សូមបញ្ជាក់ថា កីឡាស៊ីហ្គេម លើកទី៣២ នឹងបើកទំព័រជាប្រវត្តិសាស្ត្រនៅថ្ងៃទី៥ ខែឧសភា និងបិទបញ្ចប់នៅថ្ងៃទី១៧ ខែឧសភា ខណៈកីឡាអាស៊ានប៉ារ៉ាហ្គេម លើកទី១២ នឹងបើកជាផ្លូវការថ្ងៃទី៣ ខែមិថុនា និងបិទបញ្ចប់នៅថ្ងៃទី៩ ខែមិថុនា ដែលព្រឹត្តិការណ៍កីឡាទាំងពីរនឹងប្រារព្ធនៅពហុកីឡដ្ឋានជាតិមរតកតេជោ៕
អត្ថបទ៖ វីរបុត្រ
៧មករាជាជីវិតទី២ ដែលជួយគ្រួសារខ្មែរ និងប្រទេសជាតិទាំងមូលឱ្យតាំងនៅដល់សព្វថ្ងៃ
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
ស្ពានឆ្លងទន្លេភ្ជាប់ទៅផ្លូវល្បឿនលឿន ដីឥដ្ឋ-ថ្មគរ ឈានទៅខួងគ្រឹះ ខណៈមានការសង់ស្ពានដែកបណ្តោះអាសន្នសម្រួលការងារសាងសង់
គោលការណ៍ការងារ, អ្នកនាំពាក្យ ប្រាប់លោក ហេង សិទ្ធី ឱ្យដាក់បណ្ដឹងមកក្រសួងយុត្តិធម៌ផ្ទាល់
-
ព័ត៌មានជាតិ៥ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍១ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៥ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ