កីឡា
នេះកីឡាករបរទេសទាំង៥រូបរបស់ព្រះខ័នរាជស្វាយរៀងត្រៀមរដូវកាលថ្មី
ព្រះខ័នរាជស្វាយរៀងបានត្រៀមកីឡាករបរទេសដែលមានកូតា៥រូបក្នុងលីគបាល់ទាត់កំពូលកម្ពុជាសម្រាប់រដូវកាលថ្មីដែលនឹងចាប់ផ្តើមនាពេលដ៏ខ្លីខាងមុខនេះ។
បន្ទាប់ពីនាំចូលសមាជិកបរទេសថ្មី២រូបកាលពីពេលថ្មីៗនេះ ព្រះខ័នរាជស្វាយរៀងមានកីឡាករបរទេស៥រូបហើយ ដោយសារ៣រូបផ្សេងទៀតនៅតាំងពីរដូវកាលមុនដែលត្រូវបានបន្តកុងត្រាថ្មី។ ប្រសិនបើមានការប្រែប្រួលក្នុងការនាំចូលកីឡាករបរទេសថ្មី គឺទាល់តែកីឡាករណាម្នាក់ក្នុងចំណោមទាំង៥នាក់ចាកចេញ។

មកស្គាល់សមាជិកបរទេសទាំង៥រូបនេះរបស់ព្រះខ័នរាជស្វាយរៀងគឺ
- Hikaru Mizuno ជាកីឡាករជប៉ុនលេងក្នុងតំណែងបម្រើការពារកណ្តាលដែលនៅជាមួយព្រះខ័នរាជស្វាយរៀង៣រដូវកាលហើយគិតទាំងឆ្នាំ២០២៣-២៤នេះ បន្ទាប់ពីចូលរួមលើកទី១រដូវកាល២០១៥-២០១៦ ហើយបានផ្ទេរទៅកាន់បឹងកេតជាច្រើនរដូវកាលគឺ២០១៧-២០២១ មុនពេលវិលត្រឡប់មកព្រះខ័នរាជស្វាយរៀងរដូវកាល២០២២ និងបន្តចូលរដូវកាល២០២៣-២៤។

- Takashi Odawara ជាកីឡាករជប៉ុនលេងក្នុងតំណេងបម្រើការពារដែលបានចូលរួមជាមួយព្រះខ័នរាជស្វាយរៀងកាលពីរដូវកាល២០២២ ដែលមានស្ថិតិល្អត្រូវបានក្លឹបមានមូលដ្ឋាននៅខេត្តស្វាយរៀងបន្តកុងត្រាចូលរដូវកាល២០២៣-២៤។

- Marcus Haber ជាកីឡាករកាណាដាវ័យ៣៤ឆ្នាំដែលលេងក្នុងតំណែងខ្សែប្រយុទ្ធនៅព្រះខ័នរាជស្វាយរៀងជាក្លឹបទី២នៅកម្ពុជា បន្ទាប់ពីរូបគេចូលរួមជាមួយវិសាខារដូវកាល២០២១។ ការបន្តកុងត្រាជាមួយព្រះខ័នរាជស្វាយរៀងរដូវកាល២០២៣-២៤មានន័យថា រូបគេលេងនៅលីគកម្ពុជា៣រដូវកាលជាប់គ្នា។ កីឡាករដែលមានបទពិសោធច្រើនរូបនេះ កាលលេងឲ្យវិសាខារកបាន១៧គ្រាប់ និងរដូវកាល២០២២នៅព្រះខ័នរាជស្វាយរៀងរកបាន២៥គ្រាប់ ក្លាយជាម្ចាស់ស្បែកជើងមាស (Top Scorer) និងជាកីឡាករល្អប្រចាំរដូវកាល។

- Gabriel Silva Costa ជាកីឡាករប្រេស៊ីលលេងក្នុងតំណែងប្រយុទ្ធទើបចូលព្រះខ័នរាជស្វាយរៀងក្នុងរដូវកាលថ្មីនេះទេ ប៉ុន្តែនេះជារដូវកាលទី២នៅក្នុងលីគកំពូលកម្ពុជា បន្ទាប់ពីរដូវកាល២០២២លេងឲ្យក្លឹបអង្គរថាយហ្គឺររកបាន១៣គ្រាប់។

- Iago Fernandes ក៏ជាកីឡាករប្រេស៊ីលលេងក្នុងតំណែងបម្រើប្រយុទ្ធទើបចូលព្រះខ័នរាជស្វាយរៀងក្នុងរដូវកាលថ្មីនេះដែរ ខណៈឆ្នាំ២០២២កន្លងទៅជារដូវកាលដំបូងនៅលីគកំពូលកម្ពុជា រូបគេរកបាន៦គ្រាប់ឲ្យអង្គរថាយហ្គឺរ៕

អត្ថបទ៖ វីរបុត្រ

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៤ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ