កីឡា

ឯកឧត្តម ឌី វិជ្ជា និងលោកជំទាវឧបត្ថម្ភ២លានរៀលដល់កីឡាករ ថៃសាន់ ឡើងប្រកួតបាក់ជើង

បានផុស

២ years មុន

នៅ

ថ្ងៃចន្ទ ៣០ មករា ២០២៣

ដោយ

ឯកឧត្តម ឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ និងលោកជំទាវ ហ៊ុន ម៉ាណា បានសួរសុខទុក្ខ និងឧបត្ថម្ភថវិកាចំនួន២លានរៀល ផ្លែឈើ ព្រមទាំងជួយរ៉ាប់រងក្នុងការព្យាបាលដល់កីឡាករប្រដាល់គុនខ្មែរ សឿន ថៃសាន់ ដែលបានឡើងប្រកួតរបួសបាក់ជើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករប្រដាល់គុនខ្មែរ សឿន ថៃសាន់ បានប្រកួតជាមួយកីឡាករមិត្តរួមជាតិ ទូច ប្រុសណុច កាលពីថ្ងៃទី២៨ ខែមករា កន្លងទៅនេះ ហើយក៏បានរបួសបាក់ជើង។ នេះជាការវិលមកកាន់សង្វៀនជាថ្មី បន្ទាប់ពីខានឡើងប្រកួតយូរហើយ។

សម្រាប់ការឡើងប្រកួតនេះ សឿន ថៃសាន់ ទទួលបានប្រាក់តម្លៃខ្លួនត្រឹមតែ៤០ម៉ឺនរៀលប៉ុណ្ណោះដែលមិនអាចគ្រប់សម្រាប់ការចំណាយលើការព្យាបាលបានឡើយ ស្របពេលខ្លួនមានជីវភាពខ្វះខាតស្រាប់។

ដោយមើលឃើញពីទុក្ខលំបាក និងជួយសម្រាលដល់ការចំណាយរបស់កីឡាករ ឯកឧត្តម ឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ និងលោកជំទាវ ហ៊ុន ម៉ាណា បានផ្តាំសួរសុខទុក្ខ និងឧបត្ថម្ភថវិកា២លានរៀល ផ្លែឈើ ព្រមទាំងទទួលរ៉ាប់រងដល់ការព្យាបាលកីឡាករប្រដាល់គុនខ្មែរ សឿន ថៃសាន់៕

អត្ថបទ៖ វីរបុត្រ

Related Topics:កីឡាប្រដាល់គុនខ្មែរ