កីឡា

លោក ប្រាយុទ្ធ អំពាវឲ្យឈប់ឈ្លោះគ្នាអត់ប្រយោជន៍រឿង«គុនខ្មែរ»និង«មួយថៃ»

បានផុស

២ years មុន

នៅ

ថ្ងៃអង្គារ ៣១ មករា ២០២៣

ដោយ

លោក ប្រាយុទ្ធ ចាន់អ៊ូចា នាយករដ្ឋមន្ត្រីថៃបានអំពាវនាវឲ្យឈប់ឈ្លោះគ្នាប្រកែកគ្នាទៀតទៅរឿងកីឡា«គុនខ្មែរ» និង«មួយថៃ» បន្ទាប់ពីម្ចាស់ផ្ទះកម្ពុជាបានសម្រេចដាក់«គុនខ្មែរ»ក្នុងព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ជាផ្លូវការដែលបណ្តាលឲ្យពលរដ្ឋថៃមានការខឹងសម្បារយ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងដំណើរទស្សនកិច្ចទៅកាន់កម្មវិធីមួយរៀបចំឡើងដោយក្រសួងវប្បធម៌ថៃនៅអគារ Santi Maitree ជាកន្លែងត្រៀមរៀបចំ«មហោស្រពមួយថៃ»នាខែកុម្ភៈខាងមុខនេះ លោក ប្រយុទ្ធ បាននិយាយថា ៖«មួយថៃជាផ្នែកនៃវប្បធម៌ថៃជាយូរមកហើយ។ យើងមានមោទនភាពអំពីមួយថៃ ប៉ុន្តែវាមិនចាំបាច់អ្វីដែលយើងទៅឈ្លោះជាមួយនរណាម្នាក់នោះ។ គ្មាននរណាម្នាក់យកអ្វីដែលជារបស់យើងទេ។ មិនថា នរណានិយាយអ្វីនោះទេ វាគួរតែមិនវិវឌ្ឍទៅជាជម្លោះឡើយ។ សូមយើងទាំងអស់គ្នាបញ្ឈប់ឈ្លោះគ្នាដោយអត់ប្រយោជ៍ទៀតទៅ»។

សូមបញ្ជាក់ថា កម្ពុជាក្នុងនាមជាម្ចាស់ផ្ទះបានសម្រេចដាក់គុនខ្មែរជាកីឡាអត្តសញ្ញាណជាតិក្នុងព្រឹត្តិការណ៍កីឡាស៊ីហ្គេម ឆ្នាំ២០២៣នេះ ដោយទទួលបានការគាំទ្រពីប្រទេសក្នុងតំបន់អាស៊ានចំនួន៧។ ការដាក់នេះក្នុងនាមជាកីឡាអត្តសញ្ញាណជាតិខ្មែរដោយប្រើប្រាស់អត្តសញ្ញាណខ្មែរសុទ្ធសាធ និងមិនប៉ះពាល់ដល់ក្បាច់គុនរបស់ប្រទេសណាមួយឡើយ៕