កីឡា

មកស្គាល់កូនប្រុសអភិបាលរាជធានីភ្នំពេញកំពុងហ្វឹកហាត់បាល់ទាត់នៅភ្នំពេញក្រោន

បានផុស

២ years មុន

នៅ

ថ្ងៃព្រហស្បតិ៍ ២ កុម្ភៈ ២០២៣

ដោយ

កូនប្រុសរបស់លោក ឃួង ស្រេង អភិបាលក្រុងរាជធានីភ្នំពេញបានកំពុងហ្វឹកហាត់នៅសាលាបាល់ទាត់របស់ក្លឹបបាល់ទាត់ភ្នំពេញក្រោនដែលបានធ្វើឲ្យមានការចាប់អារម្មណ៍ជុំវិញការហ្វឹកហាត់កីឡាបាល់ទាត់។

លោក ឃួង ស្រេង និងភរិយា ព្រមទាំងកូនប្រុសពៅ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីម្សិលមិញនេះ លោក ឃួង ស្រេង និងភរិយាលោកស្រី ជា ស៊ីណា បានទៅលើកទឹកចិត្តផ្ទាល់ដល់ទីលានហ្វឹកហាត់ និងថតរូបជាមួយកូនដោយមានសរសេរសារ«ឆ្លៀងពេលមកលើកទឹកចិត្តកូនប្រុសពៅ»។ លោកអភិបាលក្រុងរូបនេះ និងភរិយាមានកូនចំនួន៤នាក់ គឺស្រី៣នាក់ និងប្រុស០១នាក់។

ក្នុងនាមជាកូនប្រុសតែម្នាក់គត់ និងជាកូនពៅ ក្នុងចំណោមកូន៤នាក់ លោក ឃួង ស្រេង និងភរិយាបានលើកទឹកចិត្តឲ្យកូនហ្វឹកហាត់បាល់ទាត់តាមចំណង់ចំណូលចិត្តរបស់កូន ហើយលោកតែងតែលើកទឹកចិត្ត។

តាមការឲ្យដឹងពីសាលាបាល់ទាត់របស់ក្លឹបភ្នំពេញក្រោនថា កូនប្រុសពៅរបស់លោក ឃួង ស្រេង ឈ្មោះ ឃួង ស៊ីណាមង្គល កំពុងហ្វឹកហាត់ក្នុងថ្នាលយុវជនភ្នំពេញក្រោនអាយុក្រោម១១ឆ្នាំដែលទើបតែបានចូលហ្វឹកហាត់កាលពីពេលថ្មីៗនេះ៕

អត្ថបទ៖ វីរបុត្រ