កីឡា
លោក Conor និយាយពីការត្រៀមខ្លួនរបស់ព្រះខ័នរាជស្វាយរៀង ក្នុងពានរង្វាន់លីគខាប់ ២០២៣
ពានរង្វាន់ខេមបូឌានលីគខាប់ (Cambodian League) ឆ្នាំ២០២៣ ដែលជាពានរង្វាន់កម្រិតទី៣ ប្រចាំប្រទេសបន្ទាប់ពីពានរង្វាន់លីគកំពូលកម្ពុជា និងពានសម្តេចតេជោ ហ៊ុន សែន នឹងឈានចូលមកដល់នាសប្ដាហ៍ក្រោយនេះហើយ។
ជាមួយគ្នានេះ ក្លិបបាល់ទាត់ព្រះខ័នរាជស្វាយរៀង ក៏កំពុងត្រៀមខ្លួនសម្រាប់ពានដដែលនេះ ក្នុងរជ្ជកាលនៃការផ្លាស់ប្ដូរបរិបទបាល់ទាត់ថ្មីនៃបាល់ទាត់កម្ពុជា ដែលបានផ្លាស់ប្ដូររបៀបនៃការចាប់ផ្ដើមរដូវកាលថ្មីខុសពីសព្វដង។
បរិបទថ្មីនោះគឺ ការចាប់ផ្ដើមលីគកំពូលកម្ពុជា ឬហៅថា ខេមបូឌានព្រីមៀរលីគ នឹងចាប់ផ្ដើមនៅពាក់កណ្ដាលឆ្នាំ២០២៣ ពោលគឺនៅខែសីហា ហើយទៅបញ្ចប់នៅខែឧសភា ឆ្នាំ២០២៤។ ខណៈពានខេមបូឌានលីគខាប់ ដែលលេងក្នុងរដូវកាលប្រកួតលីគ ត្រូវមកលេងនៅដើមខែកុម្ភៈ ឆ្នាំ២០២៣នេះវិញ។
និយាយពីពានរង្វាន់ខេមបូឌានលីគខាប់ រដូវកាល២០២៣ ព្រះខ័នរាជស្វាយរៀង ត្រូវបានចាប់ឆ្នោតចូលពូល B ដោយរួមពូលជាមួយក្រុមការពារតំណែងជើងឯក ភ្នំពេញក្រោន, អង្គរថាយហ្គឺរ, ណាហ្គាវើលដ៍, នគរបាលជាតិ, អាយអេសអាយដង្កោរសែនជ័យ និងសូលទីឡូអង្គរ។
លោក Conor Nestor បានឱ្យ ‘កម្ពុជាថ្មី’ ដឹងដូច្នេះថា «សម្រាប់ពួកយើង យើងកំពុងរំពឹងថា នឹងចាប់ផ្តើមការប្រកួតយឺត។ កាលពីឆ្នាំមុនគឺជារដូវកាលដ៏វែងឆ្ងាយ ហើយឆ្នាំនេះរដូវកាលចាប់ផ្តើមឆាប់ៗនេះ ប៉ុន្តែមិនបញ្ចប់រហូតដល់ខែឧសភា ឆ្នាំ២០២៤។ ដូច្នេះហើយ យើងបានផ្ដល់ពេលសម្រាកដល់កីឡាកររបស់យើងច្រើន។ កីឡាករបរទេសរបស់យើងខ្លះមិនទាន់បានប្រកួតមិត្តភាពទេ ហើយកីឡាករជម្រើសជាតិយើងទើបតែលេងបាន ៤៥នាទីប៉ុណ្ណោះ»។
លោកក៏បាននិយាយបន្ថែមផងដែរថា «យើងស្វាគមន៍ឱកាសក្នុងការប្រកួតប្រជែង ខណៈពេលដែលកំពុងរង់ចាំលីគចាប់ផ្តើម ប៉ុន្តែសម្រាប់ពួកយើង អ្វីដែលសំខាន់បំផុតនោះគឺការរក្សាខ្លួន និងត្រៀមខ្លួនសម្រាប់លីគ និងពានរង្វាន់សម្តេចតេជោ»។
ព្រះខ័នរាជស្វាយរៀង ក៏បានធ្វើការនាំចូលកីឡាករច្រើនផងដែរនារដូវកាលនេះ ទាំងកីឡាករខ្មែរ និងកីឡាករបរទេស ដែលមានដូចជា កីឡាករ សេត រ៉ូស៊ីប មកពី បឹងកេត, គួច ដានី ខ្សែបម្រើមកពីក្លិបណាហ្គាវើល, ណារ៉ុង កក្កដា ខ្សែប្រយុទ្ធមកពីក្រសួងការពារជាតិ, វីរៈ ដារ៉ា (ខ្ចីជើង) អ្នកចាំទីមកក្លិបវិសាខា, ធារី ចន្ថាប៊ីន ខ្សែការពារមកពីក្លិប វិសាខា និងខ្សែប្រយុទ្ធប្រេស៊ីលមកពីក្លិបអង្គរថាយហ្គឺរ ២រូប Gabriel Silva Costa និង Iago Bento Fernandes។
លោក Conor Nestor ក៏បាននិយាយពីកីឡាករចំណូលថ្មីផងដែរថា «ពួកគេនឹងត្រូវការពេលវេលាច្រើន ដើម្បីស៊ាំនឹងរបៀបដែលយើងចង់លេង និងស្វែងរកភាពស៊ីសង្វាក់គ្នាជាមួយមិត្តរួមក្រុមថ្មីរបស់ពួកគេ។ នេះជារឿងធម្មតា ហើយនោះហើយជាមូលហេតុដែលខ្ញុំដឹងគុណចំពោះប្រធានក្លិបរបស់យើង (ឯកឧត្តម ឌី វិជ្ជា) ដែលលោកបានអនុញ្ញាតឱ្យធ្វើការចុះហត្ថលេខាទាំងនេះនៅពេលនេះ នៅពេលដែលយើងអាចប្រើប្រាស់ League Cup ដើម្បីបង្កើនការយល់ដឹងអំពីគ្នាទៅវិញទៅមក»។
គួរបញ្ជាក់ថា ព្រះខ័នរាជស្វាយរៀង នឹងចាប់ផ្ដើមយុទ្ធនាការ ខេមបូឌានលីគខាប់ នៅថ្ងៃទី១៨ ខែកុម្ភៈ ដោយត្រូវជួបក្រុមការពារតំណែងជើងឯក ភ្នំពេញក្រោន នៅកីឡដ្ឋានស្តាតចាស់៕
អត្ថបទ ៖ មន្នីរ័ត្ន
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៥ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?