កីឡា
CAMSOC ចុះត្រួតពិនិត្យទីលាន និងពន្លឿនការតុបតែងត្រៀមស៊ីហ្គេម-អាស៊ានប៉ារ៉ាហ្គេម ២០២៣
នៅដើមខែកុម្ភៈ ឆ្នាំ ២០២៣ នេះ គណៈកម្មាធិការជាតិរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេម ឆ្នាំ ២០២៣ (CAMSOC-CAMAPGOC) ដឹកនាំដោយ លោកបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងជាអនុប្រធានអចិន្ត្រៃយ៍ បានចុះពិនិត្យទីតាំង និងទីលានប្រកួតកីឡាមួយចំនួន ដើម្បីស្វែងយល់ និងជំរុញការរៀបចំឲ្យបានរួចរាល់ មុនការប្រកួតមកដល់។
លោក វ៉ាត់ ចំរើន អគ្គលេខាធិការ គណៈកម្មាធិការ CAMSOC-CAMAPGOC បានបញ្ជាក់ថា ការចុះត្រួតពិនិត្យនេះ បន្ទាប់ពីទទួលបានអនុសាសន៍ណែនាំដ៏ខ្ពង់ខ្ពស់របស់សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងប្រធាន CAMSOC-CAMAPGOC ដោយចុះពិនិត្យទីលានកីឡាជាច្រើន ក្នុងពហុកីឡដ្ឋានជាតិ និងកីឡដ្ឋានកងយោធពលខេមរភូមិន្ទ (ស្ដាតចាស់)។
រដ្ឋលេខាធិការក្រសួងទេសចរណ៍ខាងលើ បន្ដថា «គោលបំណង នៃការចុះត្រួតពិនិត្យនេះ គឺយើងចង់ពិនិត្យមើលវឌ្ឍនភាព នៃការជួសជុល និងការតុបតែងលម្អទីលាន ដែលមិនទាន់រួចរាល់ ១០០% និងពិនិត្យកន្លែងរួចរាល់ ១០០%។ បានន័យថា មានកន្លែងខ្លះហើយ មានកន្លែងខ្លះមិនទាន់ហើយ និងនៅខ្វះខាតបន្តិចបន្តួច ហើយលោកបណ្ឌិតរដ្ឋមន្ត្រី បានសម្រេចឲ្យធ្វើបន្ថែមនៅទីនោះតែម្ដង»។
ដូច្នេះការចុះត្រួតពិនិត្យនេះ ត្រូវបានយកចិត្តទុកដាក់ខ្ពស់ទៅលើភាពខ្វះខាតមួយចំនួន និងសំណូមពរមួយចំនួនរបស់ម្ចាស់ផ្ទះទីតាំង ឬទីលាន។ «យើងពិនិត្យមើលនៅពហុកីឡដ្ឋានជាតិ ហើយឃើញមានកន្លែងខ្លះ ត្រូវពន្លឿនការរៀបចំ មានកន្លែងខ្លះ ត្រូវបន្ថែមនូវអ្វីដែលមិនទាន់មាន និងកន្លែងខ្លះ ត្រូវជួសជុលបន្ថែម ដូចជា សាល និងបន្ទប់មួយចំនួនជាដើម»។ លោក វ៉ាត់ ចំរើន បន្ថែម។
រីឯកីឡដ្ឋានស្ដាតចាស់ ដែលជាកន្លែងរៀបចំការប្រកួតបាល់ទាត់នារី ត្រូវបានលោកបណ្ឌិត ថោង ខុន ចង្អុលបង្ហាញច្បាស់ៗ ឲ្យមានការកែលម្អ លាបពណ៌ ជួសជុល ទាំងបន្ទប់ផ្លាស់សម្លៀកបំពាក់ កន្លែងប្រតិបត្តិការអាជ្ញាកណ្ដាល-ចៅក្រម និងបន្ទប់ទឹកជាដើម តើភាគីម្ចាស់ផ្ទះ ត្រូវធ្វើអ្វីខ្លះ? ហើយភាគីក្រុមហ៊ុនធ្វើអ្វីខ្លះ? ដូច្នេះត្រូវសហការគ្នា និងពន្លឿនការរៀបចំនេះ ឲ្យបានរួចរាល់មុនការប្រកួតបាល់ទាត់នារីចាប់ផ្ដើម។
លោកសង្កត់ធ្ងន់ថា «យើងបានបែងចែកភារកិច្ច និងចង្អុលបង្ហាញរួចហើយ គឺត្រូវចាប់ផ្ដើមធ្វើភ្លាមៗ និងបន្ទាន់ ក្នុងដំណាក់កាល នៃការដើរសម្អាតទីលាន។ មានន័យថា យើងត្រូវមើលទីលានរាល់ពេលរាល់វេលា តាមប្រសាសន៍សម្ដេចពិជ័យសេនា ក៏ដូចជាលោកបណ្ឌិត ថោង ខុន គឺពិនិត្យគ្រប់ទីលានទាំងអស់ ទាំង ៣៧ ប្រភេទកីឡា យើងត្រូវពិនិត្យឲ្យអស់។ ការពិនិត្យនេះ ឆ្លុះបញ្ចាំងឲ្យឃើញការយកចិត្តទុកដាក់ និងយន្តការរបស់ថ្នាក់ដឹកនាំ CAMSOC ថា ប្រាកដ និងធានាសុវត្ថិភាព សោភ័ណភាព និងគុណភាព នៃទីតាំងនីមួយៗ ឲ្យបានរួចរាល់មុនការប្រកួតមកដល់»។
គិតត្រឹមថ្ងៃទី ០៣ ខែមករានេះ កម្ពុជា នៅសល់ ៩១ ថ្ងៃទៀតប៉ុណ្ណោះ នៃដំណើរឆ្ពោះទៅការប្រកួតកីឡាស៊ីហ្គេម លើកទី ៣២ ដែលនឹងប្រព្រឹត្តទៅពីថ្ងៃទី ០៥ ដល់ថ្ងៃទី ១៧ ខែឧសភា និងការប្រកួតកីឡាអាស៊ានប៉ារ៉ាហ្គេម លើកទី ១២ ចាប់ពីថ្ងៃទី ០៣ ដល់ថ្ងៃទី ០៩ ខែមិថុនា ឆ្នាំ ២០២៣ ខាងមុខ៕
អត្ថបទ ៖ មន្នីរ័ត្ន
លោក ឃួង ស្រេង ៖ សិទ្ធិមនុស្ស ត្រូវបានសម្តេចតេជោ ហ៊ុន សែន ផ្តល់ជូនប្រជាជនកម្ពុជាតាំងពីឆ្នាំ១៩៧៩មកម្ល៉េះ
តុលាការដោះលែង បុគ្គល ពេជ ពិសិដ្ឋ ឱ្យមានសេរីភាពឡើងវិញ បន្ទាប់ពីទទួលស្គាល់កំហុសថាបានប្រមាថថ្នាក់ដឹកនាំរដ្ឋាភិបាល
មីនតោន ដែលអ្នកកាសែតដោះដឹកតាមម៉ូតូឱ្យប៉ូលិស ត្រូវបានស៊ីម៉ាក់ចុះទៅយក÷ មេស៊ីម៉ាក់ ប្រាប់ឱ្យរាយការណ៍ពីបញ្ហាគ្រាប់មិនទាន់ផ្ទុះជាជាងដោះដោយខ្លួនឯង
សម្តេចធិបតី ឱ្យអង្គការចាត់តាំងយុវជនគណបក្សប្រជាជនកម្ពុជានៅក្រៅប្រទេស ជួយស្រាយបញ្ហាដែលខ្មែរនៅក្រៅប្រទេសជួបប្រទះ
លើកទី១ក្នុងឆ្នាំថ្មី សម្ដេចធិបតី បំពេញទស្សនកិច្ចនៅហ្វីលីពីន ដើម្បីផ្ដល់សន្ទុះទំនាក់ទំនងប្រទេសទាំងពីរ
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
នគរបាលបញ្ជាក់់ពីមូលហេតុនៃការឃាត់ខ្លួនអ្នកកាសែតមួយរូបក្រោយដោះមីនតោនដឹកតាមម៉ូតូយកទៅឲ្យសមត្ថកិច្ច
សមត្ថកិច្ចខេត្តសៀមរាប ឃុំខ្លួនបុរស់ម្នាក់ ពីបទឡាយលក់កាំភ្លើងតាមបណ្តាញសង្គម
អ្នកសិល្បៈនិងសាធារណជន សម្តែងក្តីបារម្ភ ក្រោយដឹងដំណឹង នាយ កុយ មានបញ្ហាសុខភាពត្រូវវះកាត់ជាបន្ទាន់
យន្តហោះមួយគ្រឿង ធ្លាក់លើផ្លូវ រួចបុកជាមួយរថយន្តក្រុង នៅ ប្រេស៊ីល
-
សន្តិសុខសង្គម១ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម១ សប្តាហ៍ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ១ ថ្ងៃ agoអតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ១២ ម៉ោង agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១ សប្តាហ៍ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច