កីឡា
ទ្រង់ទ្រាយធំ ព្រះខ័នរាជស្វាយរៀងនាំចូលសមាជិកថ្មី៨រូប
ក្លឹបបាល់ទាត់ព្រះខ័នរាជស្វាយរៀងបាននិងកំពុងផ្លាស់ប្តូរកីឡាករថ្មីចូលច្រើនគួរឲ្យកត់សំគាល់ដើម្បីត្រៀមរដូវកាលថ្មី។ រហូតដល់ពេលនេះ ក្លឹបដែលមានមូលដ្ឋាននៅខេត្តស្វាយរៀងបាននាំចូលចំណូលថ្មីចំនួន៨រូបគឺកីឡាករខ្មែរ៦រូប និងបរទេស២រូប។
សម្រាប់សមាជិកថ្មីទាំង៨រូបនោះគឺខ្សែប្រយុទ្ធ៣រូប បម្រើ៣រូប ការពារ១រូប និងអ្នកចាំទី១រូបដែលមើលទៅសុទ្ធតែកីឡាករល្អគួរឲ្យចាប់អារម្មណ៍។
កីឡាករ សេត រ៉ូស៊ីប ជាខ្សែបម្រើការពារផ្ទេរមកពីក្លឹប បឹងកេត។ រូបគេមានបទពិសោធច្រើនក្នងលីគកំពូលកម្ពុជាដែលធ្លាប់លេងនៅ ណាហ្គាវើលដ៍ពីឆ្នាំ ២០១៤-២០១៦ និងបឹងកេតពីឆ្នាំ២០១៦-២០២២ មុនពេលផ្លាស់ចូលព្រះខ័នរាជស្វាយរៀងនៅរដូវកាល២០២៣-២៤។
កីឡាករ គួច ដានី អាយុ៣២ឆ្នាំជាខ្សែបម្រើផ្ទេរមកពីក្លឹបណាហ្គាវើល។ កីឡាករខ្មែរ-បារាំងរូបនេះមានពិសោធច្រើនណាស់នៅក្នុងលីគកំពូលកម្ពុជាពីឆ្នាំ២០១៣ដល់២០២២ ក្នុងនោះធ្លាប់លេងឲ្យភ្នំពេញក្រោនពីរលើក បៀបប្រាយយូណាយធីត ត្រាយអាស៊ី ស៊ីម៉ាក់ អង្គរថាយហ្គឺរ និងណាហ្គាវើល មុនពេលផ្លាស់ចូលព្រះខ័នរាជស្វាយរៀង។
កីឡាករ ណារ៉ុង កក្កដា ខ្សែប្រយុទ្ធវ័យក្មេងអាយុ២៣ឆ្នាំដែលបានផ្ទេរមកពីក្លឹបក្រសួងការពារជាតិ។ ព្រះខ័នរាជស្វាយរៀងជាក្លឹបអាជីពទី២របស់ខ្សែប្រយុទ្ធរូបនេះ បន្ទាប់ពីក្លឹបទី១ក្រសួងការពារជាតិពីឆ្នាំ២០១៨-២០២៣។
កីឡាករ វីរៈ ដារ៉ា ជាអ្នកចាំទីដែលព្រះខ័នរាជស្វាយរៀងខ្ចីជើងមកក្លឹបវិសាខាសម្រាប់រដូវកាលនេះ។ រូបគេថ្វីបើនៅវ័យក្មេង ប៉ុន្តែក៏មានបទពិសោធច្រើនក្នុងការបង្ហាញខ្លួនក្នុងលីគ និងអន្តរជាតិ ដោយរូបគេធ្លាប់ជាអតីតយុវជនជម្រើសជាតិកម្ពុជាសាលាបាល់ទាត់ជាតិបាទី ក្រុមខេត្តព្រៃវែង មុនពេលផ្លាស់មកក្លឹបវិសាខា នៅឆ្នាំ២០២១ ហើយឆ្នាំ២០២៣នេះត្រូវបានខ្ចីជើងចូលព្រះខ័នរាជស្វាយរៀង។
កីឡាករ ធារី ចន្ថាប៊ីន អាយុ៣១ឆ្នាំជាខ្សែការពារដែលមានបទពិសោធច្រើនទាំងក្នុងលីគកំពូលកម្ពុជា និងក្រៅប្រទេស។ រូបគេធ្លាប់លេងនៅភ្នំពេញក្រោនពីឆ្នាំ២០១២-២០១៦, ក្លឹបម៉ាឡេស៊ី Terrangganu និង Perak ពីឆ្នាំ២០១៨-២០២០ និងវិលចូលកម្ពុជាវិញគឺ វិសាខា ពឆ្នាំ២០២១-២២ មុនពេលផ្លាស់ទៅព្រះខ័នរាជស្វាយរៀង ២០២៣-២៤។
Gabriel Silva Costa ជាកីឡាករប្រេស៊ីលលេងក្នុងតំណែងប្រយុទ្ធទើបចូលព្រះខ័នរាជស្វាយរៀងក្នុងរដូវកាលថ្មីនេះទេ ប៉ុន្តែនេះជារដូវកាលទី២នៅក្នុងលីគកំពូលកម្ពុជា បន្ទាប់ពីរដូវកាល២០២២លេងឲ្យក្លឹបអង្គរថាយហ្គឺររកបាន១៣គ្រាប់។
Iago Fernandes ក៏ជាកីឡាករប្រេស៊ីលលេងក្នុងតំណែងបម្រើប្រយុទ្ធទើបចូលព្រះខ័នរាជស្វាយរៀងក្នុងរដូវកាលថ្មីនេះដែរ ខណៈឆ្នាំ២០២២កន្លងទៅជារដូវកាលដំបូងនៅលីគកំពូលកម្ពុជា រូបគេរកបាន៦គ្រាប់ឲ្យអង្គរថាយហ្គឺរ។
កីឡាករ Nick Taylor ជាខ្សែប្រយុទ្ធថ្មីបំផុតដែលព្រះខ័នរាជស្វាយរៀងទើបប្រកាសជាផ្លូវការកាលពីល្ងាចថ្ងៃទី៣ ខែកុម្ភៈ។ ព្រះខ័នរាជស្វាយរៀងជាក្លឹបលីគកំពូលដំបូងសម្រាប់កីឡាករខ្មែរ-អាមេរិករូបនេះ បន្ទាប់ពីរូបគេបានលេងឲ្យក្លឹប Orlando City B រដូវកាល២០២២ ស្ថិតក្នុងក្របខណ្ឌលីគ MLS Next Pro របស់សហរដ្ឋអាមេរិក។ រូបគេត្រូវបានកោះហៅចូលជម្រើសជាតិកម្ពុជា និងទទួលបានឱកាសលេងកម្រិតអាជីពក្នុងលីគកំពូលកម្ពុជាតែម្តង៕
អត្ថបទ៖ វីរបុត្រ
លោក ស្វាយ ស៊ីថា៖ នៅដើមឆ្នាំថ្មីនេះ ព័ត៌មានក្លែងក្លាយបានរីករាលដាលកាន់តែខ្លាំង និងកាន់តែស្មុគស្មាញ ចេញពីក្រុមMMO
ពលរដ្ឋនៅស្រុកកែវសីមា ត្អូញត្អែរថា អស់លទ្ធភាពបង់ថ្លៃទឹកស្អាតប្រើហើយ ស្នើអាជ្ញាធរស្រុកជួយឱ្យម្ចាស់អាជីវកម្មទម្លាក់ថ្លៃ
នៅមណ្ឌលគិរី អាជ្ញាធរលែងកូនត្រីចម្រុះ២ម៉ឺន៧ពាន់ក្បាលក្នុងទំនប់អូរតេធិបតី ដើម្បីបង្កើនការផ្គត់ផ្គង់ និងស្ទួចលេងកម្សាន្ត
លោកស្រី ភឿង សកុណា ប្រាប់អាជ្ញាធរខេត្តស្វាយរៀងទប់ស្កាត់ឱ្យបានការប៉ុនប៉ងធ្វើឱ្យវឹកវរក្នុងសង្គមដោយក្រុមប្រឆាំងខុសច្បាប់
រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
សមត្ថកិច្ចកម្ពុជា បញ្ជូនបុរសជនសង្ស័យបាញ់សម្លាប់ លោក លិម គិមយ៉ាទៅឱ្យភាគីថៃ
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
ត្រឹម ៥ ថ្ងៃ ផ្លូវ ៦០ ម៉ែត្រ ឆក់យកជីវិតមនុស្ស ៤ នាក់ ក្នុងហេតុការណ៍ គ្រោះថ្នាក់ចរាចរណ៍ ២ ករណី ផ្សេងគ្នា
ណុប បាយ៉ារិទ្ធ រន្ធត់ចិត្តរហូតហូរទឹកភ្នែកចំពោះសោកនាដកម្មលើ ក្រុមគ្រួសារមួយ នៅផ្លូវ ៦០ ម៉ែត្រ
-
ព័ត៌មានជាតិ៣ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៤ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍១ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ២ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៤ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ២ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ចរាចរណ៍៦ ថ្ងៃ agoសមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី