កីឡា
លោក Conor Nestor ប្រតិកម្មបែបណាជុំវិញការអភិវឌ្ឍន៍កីឡដ្ឋានខេត្តស្វាយរៀង?
ក្លិបបាល់ទាត់ព្រះខ័នរាជស្វាយរៀង បច្ចុប្បន្នបាននិងកំពុងធ្វើការជួសជុល ក៏ដូចជាអភិវឌ្ឍន៍កីឡដ្ឋានខេត្តស្វាយរៀងរបស់ខ្លួន ដើម្បីត្រៀមសម្រាប់រដូវកាលថ្មីនៃលីគកំពូលកម្ពុជា។
គម្រោងអភិវឌ្ឍកីឡដ្ឋានខេត្តស្វាយរៀង វិញ ថ្មីៗនេះក្លិបទើបតែបញ្ជាក់ពីគម្រោងជាផ្លូវការ អំពីការដំណើរការជួសជុល និងសាងសង់បន្ថែម ពោលគឺបន្ថែមកន្លែងអង្គុយថ្មីនៅផ្នែកខាងស្ដាំទីលាន ដែលតភ្ជាប់ពីកន្លែងអង្គុយដែលមានស្រាប់ ជាមួយទំហំកាន់តែធំជាងមុន។ គម្រោងនេះត្រូវបានត្រៀមសម្រាប់រដូវកាល២០២៣/២០២៤ នៃលីគកំពូលកម្ពុជា ដែលគ្រោងនឹងចាប់ផ្ដើមនៅខែសីហា ឆ្នាំ២០២៣ ខាងមុខ។
ភ្ជាប់ជាមួយគ្នានេះ លោក Conor Nestor ដែលជាគ្រូបង្វឹករបស់ក្លិបមានមូលដ្ឋាននៅខេត្តស្វាយរៀង បានចាត់ទុកថា នេះគឺពិតជាមិនអាចភ្លេចបាន និងអរគុណមិនអស់ឡើយចំពោះការដឹកនាំរបស់ថ្នាក់ដឹកនាំក្លិប ដែលមានឯកឧត្តម ឌី វិជ្ជា ជាប្រធាន ហើយគ្រប់គ្នាគួរតែធ្វើឱ្យអស់ពីលទ្ធភាពដើម្បីជាការតបស្នង។
លោក Conor បាននិយាយប្រាប់ ‘កម្ពុជាថ្មី’ ដូច្នេះថា៖ «ប្រសិនបើមិនមាន ឯកឧត្តម ឌី វិជ្ជា គ្រូបង្វឹកដូចខ្ញុំ និងកីឡាកររបស់យើងទាំងអស់ មិនអាចរស់នៅតាមក្តីស្រមៃរបស់យើងក្នុងអាជីពបាល់ទាត់បាននោះទេ។ យើងត្រូវតែបង្ហាញការដឹងគុណរបស់យើងនៅលើទីលាន និងផ្តល់កិត្តិយសដល់ប្រវត្តិសាស្ត្រ និងអនាគតរបស់ក្លិបជាមួយគ្នា។»
«កីឡដ្ឋានគឺសម្រាប់អ្នកគាំទ្ររបស់យើង ខ្ញុំសង្ឃឹមថានឹងឃើញអ្នកគាំទ្រទាំងចាស់ទាំងក្មេង រួមជាមួយនឹងក្រុមគ្រួសារ ធ្វើឱ្យផ្ទះរបស់យើងក្លាយជាកន្លែងបង្កើតអនុស្សាវរីយ៍មួយជីវិត។ ប្រធានក្លិបរបស់យើងបានផ្តល់អ្វីគ្រប់យ៉ាង ដែលទាំងនេះអាស្រ័យលើបុគ្គលិក កីឡាករ និងអ្នកគាំទ្រ ដើម្បីមកជាមួយគ្នា និងធ្វើការឆ្ពោះទៅរកគោលដៅរួម។ ពេលគេគិតដល់បាល់ទាត់ខ្មែរ យើងចង់ឲ្យគេគិតដល់ស្វាយរៀង។ យើងទាំងអស់គ្នាត្រូវតែធ្វើការឆ្ពោះទៅរកក្តីសុបិននេះ។» គ្រូបង្វឹកសញ្ជាតិអៀរឡង់ខាងជើងរូបនេះបានសង្កត់ធ្ងន់។
ព្រះខ័នរាជស្វាយរៀង ត្រូវបានចាប់ឆ្នោតចូលពូល B នៃពានរង្វាន់ខេមបូឌានលីគខាប់ រដូវកាល២០២៣ ដែលគ្រោងប្រកួតនៅចុងសប្ដាហ៍នេះ ដោយរួមពូលជាមួយក្រុមការពារតំណែងជើងឯក ភ្នំពេញក្រោន, អង្គរថាយហ្គឺរ, ណាហ្គាវើលដ៍, នគរបាលជាតិ, អាយអេសអាយដង្កោរសែនជ័យ និងសូលទីឡូអង្គរ។
ដូចដែលរូបមន្តប្រកួតមានក្នុងដី និងក្រៅដីខ្លះ ក្រុមមានមូលដ្ឋាននៅខេត្តស្វាយរៀង មួយនេះ ត្រូវធ្វើម្ចាស់ផ្ទះចំនួន ២ប្រកួត ក្នុងចំណោម ៦ប្រកួត ដូច្នេះក្លិបសម្រេចខ្ចីកីឡដ្ឋានស្តាតចាស់ ប្រើប្រាស់បម្រើដល់ការប្រកួតទាំង ២នេះ។ ដូច្នេះហើយ សម្រាប់ខណៈពេលដែលកីឡដ្ឋានកំពុងដំណើរការជួសជុល ក្លិបសម្រេចយកកីឡដ្ឋានកងយោធពលខេមរភូមិន្ទ (ស្ដាតចាស់) ធ្វើជាទឹកដីប្រកួតបណ្ដោះអាសន្នផងដែរ។
គួររំលឹកថា កីឡដ្ឋានខេត្តស្វាយរៀង ត្រូវបានសម្ភោធឱ្យប្រើប្រាស់ជាផ្លូវការនៅឆ្នាំ២០១៥ ដោយអាចផ្ទុកទស្សនិកជនបានប្រមាណ ២០០០នាក់៕
អត្ថបទ ៖ មន្នីរ័ត្ន
កម្ពុជា-អារ៉ាប៊ីសាអូឌីតចាប់ដៃគ្នាពង្រីកការដោះដូរពាណិជ្ជកម្ម និងវិនិយោគ
នាយករដ្ឋមន្ត្រីឡាវ ចាត់ទុកកិច្ចសហប្រតិបត្តិការថាមពលជាមួយកម្ពុជា ជាអាទិភាព និងមានសារៈសំខាន់បំផុត
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
ភ្នំពេញក្រោន ប៉ះ វិសាខា ដណ្តើមជើងឯកលីគនារី នៅស្តាតចាស់
៤ ប្រទេស ប្រើប្រាស់ថ្នាលផ្ទៀងផ្ទាត់ទិន្នន័យ Verify របស់ខ្មែរ គ្របណ្តប់ប្រជាជនជាង ១៤០ លាននាក់
ភ្លើងឆេះព្រៃលើភ្នំសំពៅ បង្ខំឲ្យព្រះសង្ឃជម្លៀសព្រះកាយចេញរកកន្លែងសុវត្ថិភាព
អ្នកនាំពាក្យ បញ្ជាក់ពីស្ថានភាពអ្នករងរបួសក្នុងហេតុការណ៍ឆេះក្លឹបកម្សាន្ដ មីតណាយព្រីមៀរ កាលពីម្សិលមិញ
អភិបាលរងរាជធានី ស្នើឱ្យសមត្ថកិច្ច និងម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ
មុនីនាគ ជាប់ឈ្មោះជាតារាចម្រៀងប្រុស មានសមត្ថភាពច្រៀងភាសាអង់គ្លេសល្អបំផុត
ផ្សារក្រមួន យូណាយ អាជីវករធ្លាប់លក់តែមួយព្រឹក ពេលនេះលក់ពេញមួយថ្ងៃ ពលរដ្ឋថា ពិបាកធ្វើដំណើរ
-
សន្តិសុខសង្គម២ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៧ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?