កីឡា

គ្រូ Al-Nassr អះអាងថា មិត្តរួមក្រុមរបស់ Ronaldo កំពុងត្រលប់មកយកចិត្តខុសពីមុន

បានផុស

២ years មុន

នៅ

ថ្ងៃអង្គារ ១៤ កុម្ភៈ ២០២៣

ដោយ

អ្នកចាត់ការក្រុម Al-Nassr លោក Rudi Garcia ជឿជាក់ថា សមាជិកក្រុមឥឡូវនេះចាប់ផ្ដើមយល់ពីរបៀបដើម្បីរៀនសូត្រពី Cristiano Ronaldo បន្ទាប់ពីខ្សែប្រយុទ្ធដ៏គួរឲ្យចាប់អារម្មណ៍រកបាន ៤ គ្រាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Ronaldo វ័យ ៣៨ ឆ្នាំ បានស៊ូទ្រាំនឹងការចាប់ផ្ដើមដ៏លំបាកក្នុងអាជីពរបស់គេនៅមជ្ឈិមបូព៌ា បន្ទាប់ពីបានចូលរួមជាមួយក្រុម Saudi Pro League កាលពីខែធ្នូ ប៉ុន្តែប្រើពេលយូរទម្រាំរកគ្រាប់បាល់បាន ខណៈកាលពីសប្ដាហ៍មុនរកបាន ៤ គ្រាប់ ឲ្យ Al-Nassr ក្នុងការយកឈ្នះលើក្រុម Al-Wehda។

ឥទ្ធិពលរបស់គេនៅក្នុងការប្រកួតកាលពីយប់ថ្ងៃព្រហស្បតិ៍ បានកើតឡើងត្រឹមតែមួយសប្ដាហ៍ប៉ុណ្ណោះ បន្ទាប់ពី Garcia បានជំរុញឲ្យក្រុមរបស់លោក “លេងជាធម្មតា” ជាមួយខ្សែប្រយុទ្ធថ្មីរបស់ពួកគេ ដែលបានស៊ុតបញ្ចូលទីបានតែម្ដងគត់ក្នុងការបង្ហាញខ្លួនប្រកួត ៣ លើកដំបូងរបស់គេសម្រាប់ក្លិប។

ឥឡូវនេះ Garcia មានការប្ដេជ្ញាចិត្តថា Ronaldo និងក្រុម Al-Nassr ផ្សេងទៀត កំពុងធ្វើការឆ្ពោះទៅរកភាពសប្បាយរីករាយ បន្ទាប់ពីតារាថ្មីរបស់គេបានកត់ត្រាគ្រាប់បាល់ដ៏គួរឲ្យភ្ញាក់ផ្អើលចំនួន ៤ គ្រាប់។

ថ្លែងបន្ទាប់ពីការឈ្នះកាលពីថ្ងៃព្រហស្បតិ៍ ប្រធានក្រុម Al-Nassr បាននិយាយថា “Ronaldo បានឈានដល់ដំណាក់កាលដ៏អស្ចារ្យ នៃភាពដូចគ្នា និងភាពសុខដុមជាមួយមិត្តរួមក្រុម។ យូរៗទៅ មិត្តរួមក្រុមរបស់គាត់បានដឹងពីអ្វីដែលគាត់ចង់បាន ហើយនៅពេលដែលគាត់នឹងស៊ុតបញ្ចូលទី ខ្ញុំគិតថាវាល្អ យប់មិញសម្រាប់ Cristiano Ronaldo ព្រោះគាត់រកបានបួនគ្រាប់»។

ការបង្ហាញដ៏គួរឲ្យចាប់អារម្មណ៍របស់ Ronaldo ទល់នឹង Al-Wehda មានន័យថា កំពូលតារាព័រទុយហ្គាល់ ពេលនេះបានវ៉ាដាច់កំណត់ត្រាចុងក្រោយរបស់គេ បន្ទាប់ពីស៊ុតបញ្ចូលទីបានចំនួន ៥០៣ គ្រាប់ ដ៏អស្ចារ្យ។

ការឈ្នះដ៏សន្ធឹកសន្ធាប់របស់ Al-Nassr លើក្រុម Al-Wehda មានន័យថា ក្រុមរបស់លោក Garcia បច្ចុប្បន្នកំពុងឈរនៅលើកំពូលតារាង Saudi Pro League មុនក្រុម Al-Ittihad លើគ្រាប់បាល់ស៊ុតបញ្ចូលទី។ Al-Nassr មានបំណងចង់ឈ្នះពានក្នុងស្រុកជាលើកដំបូងរបស់ពួកគេចាប់តាំងពីឆ្នាំ ២០១៩ ជាមួយ Ronaldo បន្ទាប់ពីអតីតកីឡាករសំណព្វចិត្ត Manchester United រូបនេះ ត្រូវបានទាក់ទាញទៅតំបន់មជ្ឈិមបូព៌ាជាមួយនឹងកិច្ចសន្យាដ៏មានតម្លៃនៅក្នុងតំបន់ ១៧២ លានផោន ក្នុងមួយឆ្នាំ។

ក្រុមរបស់ Garcia នឹងបន្តការប្រជែងដណ្ដើមពាននៅចុងសប្ដាហ៍នេះ ពេលពួកគេប៉ះជាមួយ Al-Taawoun នៅល្ងាចថ្ងៃសុក្រ។ Al-Taawoun បច្ចុប្បន្នស្ថិតនៅលេខ ៥ ក្នុងតារាងចំណាត់ថ្នាក់ Saudi Pro League៕

ប្រភព ៖ mirror.co.uk

អត្ថបទ ៖ មន្នីរ័ត្ន