កីឡា
CAMSOC សហការជាមួយក្រុមហ៊ុនឯកជនដាក់គោលដៅស្វែងរកថវិកា ១ លានដុល្លារ សម្រាប់គាំទ្រក្រុមជម្រើសជាតិកម្ពុជា
គណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេម ឆ្នាំ ២០២៣ (CAMSOC-CAMAPGOC) សហការជាមួយក្រុមហ៊ុន KhmerCare បានប្រកាសបើកដំណើរការកម្មវិធីកៀរគរមូលនិធិមហាជនដ៏ធំ ដើម្បីគាំទ្រដល់ក្រុមជម្រើសជាតិកម្ពុជា ពិសេសការត្រៀមប្រកួតកីឡាស៊ីហ្គេម-អាស៊ានប៉ារ៉ាហ្គេម នាពេលខាងមុខ។
ការសម្ពោធកម្មវិធីសប្បុរសធម៌នេះ ធ្វើឡើងនៅអគារវឌ្ឍនៈ ក្រោមវត្តមាន លោក វ៉ាត់ ចំរើន រដ្ឋលេខាធិការក្រសួងទេសចរណ៍ និងជាអគ្គលេខាធិការ CAMSOC-CAMAPGOC និងលោក Steven Path ស្ថាបនិក និងជានាយកប្រតិបត្តិ KhmerCare ព្រមទាំងថ្នាក់ដឹកនាំក្រុមហ៊ុនដៃគូជាច្រើនទៀត ដែលបានចូលរួមអបអរសាទរ និងបានចូលរួមបរិច្ចាគគាំទ្រមូលនិធិនេះផងដែរ។
លោក វ៉ាត់ ចំរើន មានប្រសាសន៍ថា នេះគឺជាដំណាក់កាលចាប់ផ្ដើមមួយ ដើម្បីកៀរគរថវិកា ១ លានដុល្លារ ជួយដល់ “ក្រុមកម្ពុជា ឬ Team Cambodia” ក្រោមកិច្ចសហការជាមួយក្រុមហ៊ុនឯកជន ដែលមានរូបមន្តច្បាស់លាស់ ក្នុងកិច្ចការសប្បុរសធម៌នេះ បន្ថែមពីលើការខិតខំ និងយកចិត្តទុកដាក់ខ្ពស់របស់រាជរដ្ឋាភិបាល ព្រោះកីឡាករ កីឡាការិនី ត្រូវការការលើកទឹកចិត្តបន្ថែម និងរៀងរាល់ពេល ពិសេសការហ្វឹកហាត់ ទាំងសម្ភារៈ និងការថែទាំសុខភាពជាដើម។
លោកបន្តថា «វិស័យឯកជន មិនអាចកាត់ផ្ដាច់ពីការរួមចំណែកជួយជ្រោមជ្រែងក្រុមជម្រើសជាតិយើងបានទេ។ ដូចយើងដឹងហើយ ក្រុមហ៊ុនភាគច្រើន គាត់មានមោទនភាព ក្នុងការជួយដល់ក្រុមកីឡាជម្រើសជាតិកម្ពុជា កំឡុងពេលត្រៀមស៊ីហ្គេមនេះ។ អ៊ីចឹងពេលត្រៀម មុនស៊ីហ្គេម និងពេលស៊ីហ្គេមមកដល់ គឺយើងបានទទួលការឧបត្ថម្ភគាំទ្របណ្ដើរៗហើយ។ នេះគឺជាមោទនភាពមួយ ដែលអាជីវករ និងប្រជាពលរដ្ឋយើង បានរួមគ្នាជួយដល់ក្រុមកីឡាករ កីឡាការិនីកម្ពុជា»។
ចំណែកលោក Steven Path បានបញ្ជាក់ថា នេះជាលើកដំបូងហើយ ដែលកម្មវិធី KhmerCare បានបើកយុទ្ធនាការធំជាងគេ ក្នុងការរៃអង្គាសមូលនិធិសប្បុរសធម៌ ១ លានដុល្លារ សម្រាប់ជួយដល់ក្រុមអត្តពលិកកម្ពុជា ខណៈកម្ពុជា ត្រៀមធ្វើម្ចាស់ផ្ទះការប្រកួតកីឡាស៊ីហ្គេម-អាស៊ានប៉ារ៉ាហ្គេម ឆ្នាំ ២០២៣ នាពេលដ៏ខ្លីខាងមុខ។ ជាមួយមូលនិធិមហាជននេះ អ្នកណាក៏ដោយ នៅគ្រប់ទីកន្លែង សុទ្ធតែអាចចូលរួមបាន ដើម្បីគាំទ្រក្រុមជម្រើសជាតិកម្ពុជា និងលើកទឹកចិត្តពួកគេ ដើម្បីដណ្ដើមជោគជ័យជូនជាតិ។
ស្ថាបនិក និងជានាយកប្រតិបត្តិ KhmerCare ដដែលនេះបន្តថា «មូលនិធិដែលកៀរគរបានពីកម្មវិធីនេះ នឹងត្រូវយកទៅប្រើប្រាស់ ដើម្បីផ្ដល់ការគាំទ្រផ្នែកបរិក្ខារ សម្លៀកបំពាក់ ស្បែកជើង និងការហ្វឹកហាត់របស់ក្រុមកីឡាករជម្រើសជាតិកម្ពុជា និងផ្ដល់ជារង្វាន់លើកទឹកចិត្តជាសាច់ប្រាក់ ដល់កីឡាករ កីឡាការិនីជយលាភីជាដើម»។
ឆ្លៀតឱកាសនោះដែរ លោក វ៉ាត់ ចំរើន បានអំពាវនាវដល់វិស័យឯកជន សហគ្រាស ប្រជាពលរដ្ឋ ទាំងក្នុង និងក្រៅស្រុក គឺអាចចូលរួមឧបត្ថម្ភគាំទ្រដល់ក្រុមកីឡាករ កីឡាការិនីជម្រើសជាតិកម្ពុជា នៅលើផ្លែតហ្វម KhmerCare តាមរយៈ https://khmercare.com៕
អត្ថបទ ៖ មន្នីរ័ត្ន
ឆ្នេរប្រណិតដំបូងគេនៅខេត្តកែប ប្រកាសបើកការដ្ឋានសាងសង់ គ្រោងប្រើប្រាស់ពេលពីរឆ្នាំបញ្ចប់គម្រោងអភិវឌ្ឍ
រដ្ឋមន្ត្រីក្រសួងមហាផ្ទៃណែនាំឱ្យអាជ្ញាធររាជធានី ទប់ស្កាត់គ្រោះថ្នាក់ចរាចរណ៍ និងរៀបចំសណ្តាប់ធ្នាប់សាធារណៈ
សហជីពគាំទ្រវិធានការរបស់ក្រសួងការងារ ក្នុងការពង្រឹងការធ្វើអធិការកិច្ចតាមរោងចក្រ សហគ្រាស ដើម្បីធានាការផ្តល់អត្ថប្រយោជន៍ពេញលេញដល់កម្មករនិយោជិត
រដ្ឋមន្ត្រីបរិស្ថាន៖ គុណភាពខ្យល់នៅកម្ពុជាល្អ មិនប៉ះពាល់សុខភាព ខណៈប្រទេសជិតខាងមានជាតិពុលខ្លាំង
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៧ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់