កីឡា
ទស្សនៈ! ក្រុមលេខ ១ Arsenal ប៉ះលេខ ២ Man City ក្របខណ្ឌ Premier League យប់នេះ
Pep Guardiola និយាយថា Manchester City នឹងជួបជាមួយក្រុម Arsenal ល្អបំផុតចាប់តាំងពីលោកបានមកលេង Premier League នៅកីឡដ្ឋាន Emirates ថ្ងៃពុធយប់នេះ។
ក្រុម Arsenal ដែលគ្រប់គ្រងដោយអតីតជំនួយការរបស់លោក Guardiola គឺលោក Mikel Arteta កំពុងស្វែងរកការឈ្នះពានរង្វាន់កំពូលជាលើកដំបូងចាប់តាំងពីឆ្នាំ ២០០៤។ ប៉ុន្តែ City អាចនឹងឡើងឈរពីលើក្រុមកំពូលតារាង Arsenal បច្ចុប្បន្នប្រសិនបើទទួលបានជ័យជម្នះ។
នៅពេលសួរថា តើនេះជាក្រុមកាំភ្លើងធំល្អបំផុតដែលលោកបានជួប ឬអត់នោះ លោក Guardiola បាននិយាយនៅក្នុងសន្និសីទសារព័ត៌មានកាលពីថ្ងៃអង្គារថា «ចាប់តាំងពីខ្ញុំនៅទីនេះ បាទ! ប្រាកដណាស់»។
លោក Guardiola មិនដែលចាញ់ក្រុម Arsenal ក្នុងការប្រកួត Premier League ដោយឈ្នះ ១១ លើក ក្នុងចំណោម ១២ ប្រកួត រួមទាំងការធ្វើដំណើរចុងក្រោយបំផុតចំនួន ៥ ដង ទៅកាន់កីឡដ្ឋាន Emirates។
ការប្រកួតថ្ងៃពុធគឺជាជំនួបលីគលើកដំបូងរវាងក្រុមទាំងពីរក្នុងរដូវកាលនេះ បើទោះបីជាពួកគេបានជួបគ្នាក្នុងពានរង្វាន់ FA Cup កាលពីខែមុនក៏ដោយ ដោយ Man City បានឈ្នះ ១-០ ដោយសារគ្រាប់បាល់នៅតង់ទី ២ ពីខ្សែការពារ Nathan Ake។
ទោះជាយ៉ាងណាក៏ដោយនៅក្នុងលីគ Arsenal បានចាញ់តែ ២ ប្រកួតប៉ុណ្ណោះ ក្នុងចំណោម ២១ ប្រកួតដំបូងរបស់ពួកគេរហូតមកដល់ពេលនេះ និងរកបាន ៥១ ពិន្ទុ។ វាបានធ្វើឲ្យ Man City ជួបបញ្ហាប្រឈមដ៏ធំមួយក្នុងការរក្សាមកុដរបស់ពួកគេ ប៉ុន្តែលោក Guardiola បានសន្យាថា ពួកគេនឹងមិនបោះបង់វាចោលដោយគ្មានការប្រកួតឡើយ។
លោកបានបន្ថែមទៀតថា «ការលើកទឹកចិត្តដ៏ធំបំផុតគឺខ្ញុំមិនចង់បោះបង់ Premier League ដោយសារតែយើងមិនមែនជាយើងនោះទេ។ ប្រសិនបើពួកគេ (Arsenal) ផ្ដួលពួកយើងដោយសារតែពួកគេប្រសើរជាងនោះនេះគឺជាកីឡា។ ខ្ញុំនឹងអបអរសាទរពួកគេមុនគេ ដូចដែលខ្ញុំតែងតែធ្វើ។ ប៉ុន្តែមិនមែនដោយសារតែយើងមិននៅទីនោះទេ។ អ្នកចង់បានវាទេ? OK ប្រឹងប្រែងប្រយុទ្ធ យកវាទៅ វាស្ថិតនៅក្នុងដៃរបស់យើង»។
«យើងនឹងការពារពាននេះរហូតដល់ថ្ងៃចុងក្រោយ នេះជាអ្វីដែលខ្ញុំចង់បាន។ ដើម្បីតស៊ូឲ្យដល់កម្រិតអតិបរមា ព្យាយាមរក្សាតំណែងជើងឯក។ បើយើងមិនព្រមទទួលយកវា ប៉ុន្តែយើងត្រូវផ្ដល់ឲ្យអស់ពីសមត្ថភាព។ កីឡាកររបស់ខ្ញុំត្រូវមានអារម្មណ៍បែបនេះជារៀងរាល់ថ្ងៃ”។
Man City បានឈ្នះពានរង្វាន់ Premier League ចំនួនពីរក្នុងរយៈពេល ៣ រដូវកាល នៅពេលដែល Arteta ជាជំនួយការរបស់លោក Guardiola នៅ Etihad ហើយអតីតដៃគូការងារបានសម្ដែងការកោតសរសើរចំពោះការងារដែលក្រុមការងារចាស់របស់លោកបានធ្វើចាប់តាំងពីត្រូវបានតែងតាំងដោយ Arsenal ក្នុងឆ្នាំ ២០១៩។
លោក Guardiola បាននិយាយថា «រហូតមកដល់ពេលនេះ ពួកគេគឺជាក្រុមល្អបំផុតនៅក្នុងក្របខ័ណ្ឌ Premier League ពួកគេបានលេងការប្រកួតជុំទី ១ ដែលមិនគួរឲ្យជឿ។ យើងមានអារម្មណ៍ថា ពេលយើងលេងពួកគេកាលពីប៉ុន្មានសប្ដាហ៍មុន តើពួកគេមានការតាំងចិត្ត និងមុតស្រួចប៉ុណ្ណា។ យើងត្រូវតែព្យាយាមស្វែងយល់ពីការប្រកួត ហើយវានឹងក្លាយជាសមរភូមិដ៏ធំមួយ។ នៅគ្រប់ផ្នែក អ្នកត្រូវតែត្រៀមខ្លួន”។
Man City បានកាត់បន្ថយការនាំមុខរបស់ក្រុមកាំភ្លើងធំ ដោយរកបាន ៣ ពិន្ទុ ជាមួយនឹងជ័យជម្នះ ៣-១ លើក្រុម Aston Villa កាលពីថ្ងៃអាទិត្យ មួយថ្ងៃបន្ទាប់ពីក្រុម Arsenal ត្រូវបានបញ្ចប់ក្នុងលទ្ធផលស្មើ ១-១ នៅផ្ទះ ជាមួយ Brentford។ សម្រាប់ Man City វាតំណាងឲ្យការឆ្លើយតបដ៏រឹងមាំមួយក្នុងការចាញ់ក្រុម Tottenham កាលពីសប្ដាហ៍មុន ហើយឥឡូវនេះលោក Guardiola សង្ឃឹមថា នឹងបង្កើតសន្ទុះ។
លោកបាននិយាយថា «ខ្ញុំមិនជឿលើពាក្យទាំងនេះទេដែលថាមួយសប្ដាហ៍អ្នកអាចឈ្នះ ហើយអ្វីគ្រប់យ៉ាងគឺល្អឥតខ្ចោះ ថ្ងៃស្អែកអ្នកអាចចាញ់ ហើយអ្វីគ្រប់យ៉ាងគឺមិនល្អ។ មានហ្គេមជាច្រើនដែលត្រូវលេង ពិន្ទុច្រើន។ ថ្ងៃស្អែកជាការប្រកួតមួយទៀត វាជារឿងសំខាន់ យើងដឹងវា គ្រប់គ្នាដឹងហើយ យើងត្រូវព្យាយាមធ្វើបានល្អ”។
លោក Guardiola បានផ្ដួល Arteta នៅក្នុងការប្រកួតចំនួន ៦ ដង ក្នុងចំណោម ៧ ដងរបស់ពួកគេ ក្នុងនាមជាអ្នកចាត់ការទូទៅ ជាមួយនឹងការឈ្នះតែមួយគត់របស់ Arsenal លើក្រុម Man City ក្នុងការប្រកួតវគ្គពាក់កណ្ដាលផ្ដាច់ព្រ័ត្រ FA Cup ឆ្នាំ ២០១៩-២០ ប៉ុន្តែគ្រូបង្វឹករបស់ក្រុមកាំភ្លើងធំបានទទូចថា វាគឺមកពីកីឡាករជាជាងមោទកភាពផ្ទាល់ខ្លួនដែលកំពុងជាប់ពាក់ព័ន្ធ។
លោកបាននិយាយថា «សម្រាប់ខ្ញុំវាគឺជាក្រុម។ ក្រុម ក្លិប និងកន្លែងដែលយើងនៅ។ សម្រាប់ខ្ញុំការយកឈ្នះអ្នកចាត់ការម្នាក់ ឬអ្នកផ្សេងទៀត វាមិនមែនជារឿងដែលខ្ញុំគិតនោះទេ។ វានិយាយអំពីការផ្ដួលគូប្រកួតបន្ទាប់ ហើយក្នុងករណីនេះវាគឺជា Manchester City”។
Arsenal នៅសល់ការប្រកួត ១ ប្រកួតក្នុងដៃលើគូប្រជែងដណ្ដើមពានរបស់ពួកគេ ខណៈពួកគេបន្តស្វែងរកជើងឯកលីគដំបូងក្នុងរយៈពេល ១៩ ឆ្នាំ។
Arteta បានបន្ថែមថា «អ្វីដែលពួកគេបានធ្វើក្នុងរយៈពេល ៦ ឆ្នាំចុងក្រោយនេះ ពួកគេពិតជាស័ក្តិសមនឹងវា។ របៀបដែលពួកគេលេង របៀបដែលពួកគេបានប្រកួត របៀបដែលពួកគេបានឆ្លងកាត់ការលំបាក។ សម្រាប់យើងការប្រជែងគឺដើម្បីឈានដល់កម្រិតនោះ»។
-ព័ត៌មានអំពីកីឡាកររបួស ៖
Arsenal នៅតែមិនមានអវត្តមានកីឡាករ Gabriel Jesus និង Mohamed Elneny ដែលសុទ្ធតែរបួសរយៈពេលវែង ខណៈ Reiss Nelson និង Emile Smith Rowe មិនទាន់រួចរាល់សម្រាប់ការប្រកួតដូចគ្នា។
អ្នកចាត់ការ Mikel Arteta អាចដាក់កីឡាករ ១១ នាក់ដំបូងដូចគ្នា ក្នុងការប្រកួតជាលីគទី ៧ ជាប់ៗគ្នា។
ដោយឡែកគ្រូបង្វឹក Pep Guardiola បាននិយាយថា Manchester City នឹងបន្តវាយតម្លៃការសង្ស័យរបួស Erling Haaland។ ខ្សែប្រយុទ្ធត្រូវបានដកចេញនៅតង់ទី ១ កាលពីថ្ងៃអាទិត្យ បន្ទាប់ពីប៉ះទង្គិចជាមួយអ្នកចាំទី Emi Martinez របស់ Aston Villa។ ចំពោះខ្សែការពារ John Stones នៅតែមានបញ្ហាភ្លៅ។
-ប្រវត្តិជួបគ្នា ៖
Arsenal បានចាញ់ ១០ ប្រកួតជាប់គ្នាក្នុង Premier League ទល់នឹង Manchester City ដែលជាការចាញ់យូរបំផុតទល់នឹងគូប្រកួតមួយក្នុងប្រវត្តិសាស្ត្រលីគរបស់ពួកគេ។
Manchester City បានឈ្នះការប្រកួតក្រៅដីចំនួន ៦ លើកចុងក្រោយរបស់ពួកគេទល់នឹង Arsenal ក្នុងគ្រប់ការប្រកួតទាំងអស់។
យ៉ាងណាមិញ គ្មានក្រុមណា បានយកឈ្នះការប្រកួតក្រៅដី ៧ ដងជាប់ៗគ្នាទល់នឹងក្រុមកាំភ្លើងធំ Arsenal នោះទេ៕
អត្ថបទ ៖ មន្នីរ័ត្ន
ជប៉ុន ក្លាយជាគូប្រជែងសម្រាប់ថៃ លើទិសដៅទេសចរណ៍កំពូលប្រចាំអាស៊ី
ក្រុមហ៊ុនអាកាសចរណ៍អាមេរិក ប្រទះឃើញសាកសពក្នុងកន្លែងដាក់កង់យន្តហោះដ៏កម្របំផុត
រដ្ឋមន្ត្រីដាក់ចេញទិសដៅសំខាន់ៗដើម្បីលើកកម្ពស់វិស័យសុខាភិបាលឲ្យកាន់តែប្រសើរ
ខ្សែប្រយុទ្ធចូលសញ្ជាតិវៀតណាមថ្មី Rafaelson លេង២ប្រកួត ស៊ុតបាន៣គ្រាប់
ខេត្តរតនគិរី៖ ដំឡូងមីធ្លាក់ថ្លៃ អ្នកដាំស្នើអ្នកទិញកុំទម្លាក់តម្លៃខ្លាំងពេក តែអ្នកទិញថា តម្លៃទិញ វាអាស្រ័យលើតម្លៃលក់ចេញ
ស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
ឆេះផ្ទះលក់ទូរស័ព្ទដៃ២ទីតាំងទាំងស្រុង ផ្អើលពលរដ្ឋជិតវត្តសន្សំកុសល
អាមេរិក រកឃើញ ថ្នាំបន្តក់ភ្នែកមួយប្រភេទ មានមេរោគផ្សិត អាចបណ្តាលឲ្យខ្វាក់ ឬស្លាប់
រុស្ស៊ី បាញ់ទម្លាក់ F-16 ដែលលោកខាងលិច ជួយដល់អ៊ុយក្រែន
ខ្មាន់កាំភ្លើងបាញ់ប្រហារជាច្រើនគ្រាប់លើជនបរទេសម្នាក់ស្លាប់ពេលបញ្ជូនដល់មន្ទីរពេទ្យ
-
ជីវិតកម្សាន្ដ១ សប្តាហ៍ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ព័ត៌មានជាតិ៧ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម២ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៣ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៦ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៦ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
សន្តិសុខសង្គម២២ ម៉ោង agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានជាតិ១ សប្តាហ៍ agoក្រសួងសុខាភិបាលណែនាំឲ្យពលរដ្ឋប្រុងប្រយ័ត្នចំពោះការបរិភោគអាហារសមុទ្រដើម្បីបង្ការការឆ្លងវីរុសណូរ៉ូ