ខឹងមិនឲ្យបាល់ប៉េណាល់ទី កីឡាការិនីនៅអាហ្វ្រិក ដេញវាយអាជ្ញាកណ្តាលរត់ប្រាសអាយុ

វីដេអូ​កីឡាការិនី​បាល់ទាត់​ដេញ​វាយ​អាជ្ញាកណ្តាល​ ក្នុងការ​ប្រកួត​នៅ​ប្រទេស​កុងហ្គោ កំពុងត្រូវបានគេចែកចាយពាសពេញបណ្តាញសង្គម។

ហេតុការណ៍ដ៏គួរឲ្យភ្ញាក់ផ្អើលនេះ បានកើតឡើងក្នុងអំឡុងការប្រកួតរវាងក្រុមបាល់ទាត់នារី Motema Pembe ជាមួយ Mazembe។

ក្រុម Motema Pembe កំពុងចាញ់ ១ ទល់នឹង ៥ នៅពេលអាជ្ញាកណ្តាលបដិសេធផ្តល់បាល់ប៉េណាល់ទីឲ្យពួកគេ។ ស្រាប់តែពេលនោះ​ កីឡាការិនីដែលមានកំហឹងបាន ដេញតាមពីក្រោយអាជ្ញាកណ្តាល ដែលរត់ពេញទីលានដើម្បីរកគេជួយ។

ទីបំផុត កីឡាការិនីក្រុម Motema Pembe ក៏ចាប់បានអាជ្ញាកណ្តាល ហើយចាប់ផ្តើមវាយទាត់ធាក់យ៉ាងចាស់ដៃតែម្តង។

យោងតាមសារព័ត៌មានកុងហ្គោ, សមាគមបាល់ទាត់ក្នុងស្រុក បានផ្អាកកីឡាការិនីដែលពាក់ព័ន្ធក្នុងហេតុការណ៍នេះរួចហើយ។ ពួកគេក៏បើកការស៊ើបអង្កេតលើបញ្ហានេះផងដែរ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Aroged

ចុចអាន៖ លើកដំបូង! World Cup 2026 មានរហូតដល់ទៅ៣ប្រទេស បានលេងដោយស្វ័យប្រវត្តិ