កីឡា

លោក Conor ប្រាប់មូលហេតុពានរង្វាន់ League Cup ព្រះខ័នរាជស្វាយរៀង ប្រើកីឡាករក្មេងតិចតួចក្នុងក្រុម

បានផុស

២ years មុន

នៅ

ថ្ងៃអង្គារ ២១ កុម្ភៈ ២០២៣

ដោយ

ក្លិបបាល់ទាត់ព្រះខ័នរាជស្វាយរៀង បានប្រកួតចាញ់ ភ្នំពេញក្រោន ដោយលទ្ធផល ០-១ ក្នុងជំនួបដំបូងពានរង្វាន់ខេមបូឌានលីគខាប់ រដូវកាល ២០២៣ កាលពីល្ងាចថ្ងៃសៅរ៍កន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជំនួបដ៏តានតឹងនេះ ក្រុមទាំងពីរមានឱកាសដូចគ្នាទៅវិញទៅមក ប៉ុន្តែនៅទីបំផុតគ្រាប់បាល់ក៏បានកើតឡើងតាមរយៈការធ្វើឲ្យចូលទីដោយខ្លួនឯងដោយកីឡាករ សួន សុវណ្ណ នៅនាទី ៨៤ កៀកនឹងបញ្ចប់ការប្រកួតទៅហើយ។ បែបនេះក្ដីលោក Conor Nestor ដែលជាគ្រូបង្វឹករបស់ព្រះខ័នរាជស្វាយរៀង ហាក់មានសុទិដ្ឋិនិយមចំពោះការប្រកួត។

លោក Conor Nestor បានប្រាប់ ‘កម្ពុជាថ្មី’ ដូច្នេះថា ៖ «ខ្ញុំខកចិត្តនឹងលទ្ធផលនេះ ប៉ុន្តែសប្បាយចិត្តជាមួយនឹងការបង្ហាញទម្រង់លេងរបស់កូនក្រុម ចាប់តាំងពីពួកយើងបានបាត់បង់កីឡាករ ៤ នាក់ ហើយនៅឆ្ងាយពីក្រុម ២ ទៅ ៣ សប្តាហ៍»។

ក្នុងការប្រកួតនេះផងដែរ គេសង្កេតឃើញកីឡាករវ័យក្មេងជាច្រើនពុំត្រូវបានដាក់ចូលលេងនោះទេ ខណៈលោក Conor ក៏មានយោបល់អំពីរឿងនេះផងដែរ។

«កីឡាករដែលលេងស៊ីហ្គេមទាំងអស់នឹងចាកចេញក្នុងរយៈពេលមួយសប្ដាហ៍ខាងមុខ ហើយអាចខកខានការប្រកួតដែលនៅសល់។ យើងបានចាប់ផ្ដើមដារ៉ា ដោយសារតែគាត់ជាកីឡាករថ្មី ហើយយើងចង់សាកល្បងគាត់ ក្នុងជម្រើស ១១ នាក់។ អ្នកផ្សេងទៀតមិនបានចាប់ផ្ដើមទេ ដោយសារវាត្រូវបានសម្រេចរួចហើយដោយក្រុមការងារគ្រូបង្វឹកជម្រើសជាតិ សម្រាប់ត្រៀមស៊ីហ្គេម ការប្រកួតនេះមិនសំខាន់សម្រាប់កីឡាករវ័យក្មេងនោះទេ»។ សម្ដីរបស់គ្រូបង្វឹកសញ្ជាតិអៀរឡង់ខាងជើង។