កីឡា
កម្ពុជា សម្រិតសម្រាំងកីឡាករជម្រើសជាតិ ជិត ១ ពាន់នាក់ ដើម្បីត្រៀមស៊ីហ្គេម-អាស៊ានប៉ារ៉ាហ្គេម ឆ្នាំ ២០២៣
កាលពីល្ងាចថ្ងៃទី ២២ ខែកុម្ភៈ ឆ្នាំ ២០២៣ ក្រសួងអប់រំ យុវជន និងកីឡា បានរៀបចំពិធីសំណេះសំណាល និងសួរសុខទុក្ខក្រុមជម្រើសជាតិកម្ពុជា នៅពហុកីឡដ្ឋានជាតិមរតកតេជោ ដែលបង្ហាញការយកចិត្តទុកដាក់ និងលើកទឹកចិត្តដល់ក្រុមជម្រើសជាតិ ដើម្បីត្រៀមប្រជែងមេដាយ ក្នុងការប្រកួតកីឡាស៊ីហ្គេម-អាស៊ានប៉ារ៉ាហ្គេម នាខែឧសភា និងខែមិថុនា ឆ្នាំ ២០២៣ នៅកម្ពុជា។
លោក អ៊ុក សិទ្ធិជាតិ អគ្គនាយកកីឡាតំណាងដ៏ខ្ពង់ខ្ពស់លោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានបង្ហាញការវាយតម្លៃខ្ពស់ចំពោះកិច្ចសហការរបស់ក្រសួងអប់រំ គណៈកម្មាធិការជាតិអូឡាំពិកកម្ពុជា និងសហព័ន្ធកីឡាជាតិ ដែលកំពុងយកចិត្តទុកដាក់ដល់ការបោះជំរំហ្វឹកហាត់របស់ក្រុមជម្រើសជាតិកម្ពុជាទាំងក្នុងស្រុក និងក្រៅស្រុក ដើម្បីត្រៀមឆ្ពោះទៅប្រកួតប្រជែងមេដាយ ស៊ីហ្គេម-អាស៊ានប៉ារ៉ាហ្គេម ឆ្នាំ ២០២៣។
ក្នុងនាមក្រសួងអប់រំ យុវជន និងកីឡា លោកអគ្គនាយក បានកោតសរសើរចំពោះការលះបង់ពុះពារការលំបាក យកអស់ស្មារតីខិតខំហ្វឹកហាត់ ក្នុងការបង្កើនគុណផលរបស់កីឡាករ កីឡាការិនី គ្រូបង្វឹក អនុរក្ស ដើម្បីត្រៀមប្រកួតដណ្ដើមមេដាយជូនជាតិ ក្នុងព្រឹត្តិការណ៍កីឡាជាប្រវត្តិសាស្ត្រដំបូងរបស់កម្ពុជា ក្នុងពេលដ៏ខ្លីខាងមុខនេះ។ ជាមួយគ្នានេះ លោក អ៊ុក សិទ្ធិជាតិ ក៏ថ្លែងអំណរគុណ ចំពោះថ្នាក់ដឹកនាំ គណៈកម្មាធិការជាតិ CAMSOC ដែលមានសម្តេចពិជ័យសេនា ទៀ បាញ់ ជាប្រធាន និងលោកបណ្ឌិត ថោង ខុន ជាអនុប្រធានអចិន្ត្រៃយ៍ ដែលតែងតែឧបត្ថម្ភគាំទ្រ និងផ្តល់ការលើកទឹកចិត្តគ្រប់បែបយ៉ាងដល់ការហ្វឹកហាត់របស់ក្រុមជម្រើសជាតិ ដើម្បីឆ្ពោះទៅសម្រេចភាពជោគជ័យ ក្នុងព្រឹត្តិការណ៍ស៊ីហ្គេម-អាស៊ានប៉ារ៉ាហ្គេម ឆ្នាំ ២០២៣ ក្រោយកម្ពុជារង់ចាំ ៦៤ ឆ្នាំ។
លោក ប៉ុន សុខ ប្រធានមជ្ឈមណ្ឌលជាតិហ្វឹកហ្វឺនកីឡាបានបញ្ជាក់ថា ការរៀបចំប្រមូលផ្ដុំក្រុមកីឡាជម្រើសជាតិ ត្រៀមចូលរួមការប្រកួតកីឡាស៊ីហ្គេម លើកទី ៣២ និងអាស៊ានប៉ារ៉ាហ្គេម លើកទី ១២ ឆ្នាំ ២០២៣ ដោយសារឆ្នាំ ២០២១-២០២៣ នេះ ក្រសួងបានច្របាច់បញ្ចូលគ្នារវាងក្រុមកីឡាថ្នាល និងក្រុមកីឡាជម្រើសជាតិឈានទៅសម្រិតសម្រាំងជ្រើសរើសកីឡាករជម្រើសជាតិសរុប ៩៣៨ នាក់ (កីឡាការិនី ៣៤៦ នាក់) និងគ្រូបង្វឹក ១៧៦ នាក់ ដែលមានគុណផលខ្ពស់ និងសីលធម៌ល្អ ព្រមទាំងអនុរក្សចំនួន ៥២ នាក់។
លោកបញ្ជាក់ថា ក្រុមជម្រើសជាតិ ត្រូវបានរៀបចំឲ្យមានការហាត់ហ្វឹកហ្វឺន ក្នុងប្រទេសដូចជា នៅក្នុងពហុកីឡដ្ឋានជាតិមរតកតេជោ មាន ៩ ប្រភេទកីឡា ស្មើនឹង ១៦២ វិញ្ញាសា និងមានកីឡាករ កីឡាការិនីសរុប ១៦១ នាក់ គ្រូបង្វឹក ៣១ នាក់ និងអនុរក្ស ០៨ នាក់ ចំណែកនៅក្នុងពហុកីឡដ្ឋានជាតិអូឡាំពិក មាន ១៧ ប្រភេទកីឡា ស្មើនឹង ២៣០ វិញ្ញាសា ហើយមានកីឡាករ កីឡាការិនីសរុប ៣០៩ នាក់ គ្រូបង្វឹក ៦២ នាក់ និងអនុរក្ស ១៧ នាក់។ ចំពោះនៅតាមសហព័ន្ធកីឡាជាតិវិញ មាន១៤ ប្រភេទកីឡា ស្មើនឹង ១៨៦ វិញ្ញាសា និងមានកីឡាករ-កីឡាការិនី សរុប ២៨៣ នាក់ គ្រូបង្វឹក ៦២ នាក់ និងអនុរក្ស ១៤ នាក់។
ដោយឡែក សម្រាប់ការហាត់ហ្វឹកហ្វឺន នៅក្រៅប្រទេស មានកីឡាករ កីឡាការិនីសរុប ២២៦ នាក់ ត្រូវបានបញ្ជូនឲ្យធ្វើការហាត់ហ្វឹកហ្វឺននៅក្រៅប្រទេស ដូចជា នៅសាធារណរដ្ឋប្រជាមានិតចិន មាន ១២ ប្រភេទកីឡា ស្មើនឹង ៧៨ វិញ្ញាសា ដោយមានកីឡាករ-កីឡាការិនីសរុប ១៤១ នាក់ និងគ្រូបង្វឹកចំនួន ១៣ នាក់ គឺហាត់ហ្វឹកហ្វឺនរយៈពេល ០៤ ខែ។ រីឯនៅសហរដ្ឋអាមេរិក មាន ៦ ប្រភេទកីឡា ដូចជា ជីជីតស៊ូ, តេក្វាន់ដូ WT, បាល់បោះ, ហែលទឹក, វាយកូនបាល់ និងវាយកូនឃ្លីលើតុ មាន ១៣ វិញ្ញាសា កីឡាករ-កីឡាការិនីសរុប ២៦ នាក់ និងគ្រូបង្វឹក ០៤ នាក់ ហាត់ហ្វឹកហ្វឺនរយៈពេល ៤ ខែ។
ចំពោះនៅប្រទេសបារាំងវិញ មាន ២ ប្រភេទ គឺកីឡាតេក្វាន់ដូ WT និងទ្រីយ៉ាត្លុង មាន ៣ វិញ្ញាសា កីឡាករ សរុប ៣ នាក់ ហាត់ហ្វឹកហ្វឺនរយៈពេល ០៤ ខែ និងនៅបណ្ដាប្រទេសអាស៊ី រួមមាន ប្រទេសវៀតណាម ប្រទេសថៃ មីយ៉ាន់ម៉ា ប្រទេសអ៊ូបេគីស្ថាន ប្រទេសកាណាដា និងប្រទេសកូរ៉េខាងត្បូងជាដើម ដោយមាន ៦៤ វិញ្ញាសា កីឡាករកីឡាការិនីសរុប ៨៧ នាក់ និងគ្រូបង្វឹក ១៤ នាក់ ហាត់ហ្វឹកហ្វឺនរយៈពេល ០៤ ខែ។
យ៉ាងណាមិញ សម្រាប់ការហាត់ហ្វឹកហ្វឺនក្រុមកីឡាជម្រើសជនពិការជាតិ សម្រាប់ចូលរួមប្រកួតកីឡាអាស៊ានប៉ារ៉ាហ្គេមលើកទី ១២ ឆ្នាំ ២០២៣ គឺក្រសួងអប់រំ យុវជន និងកីឡា បានសហការជាមួយគណៈកម្មាធិការជាតិប៉ារ៉ាឡាំពិកកម្ពុជា ក្នុងការជ្រើសរើសកីឡាករ កីឡាការិនីជនពិការ និងប្រមូលផ្ដុំហាត់ហ្វឹកហ្វឺនរយៈពេល ៥ ខែ ចាប់ពីខែមករា រហូតដល់ខែឧសភា មានចំនួន ១៣ ប្រភេទកីឡា ស្មើនឹង ១០១ វិញ្ញាសា និងមានកីឡាករកីឡាការិនីសរុប ១៦៥ នាក់ គ្រូបង្វឹក ៣១ នាក់ និងអនុរក្ស ១៦ នាក់ ហើយត្រូវបានរៀបចំឲ្យហាត់ហ្វឹកហ្វឺននៅមជ្ឈមណ្ឌលជាតិជនពិការតេជោសែន៕
អត្ថបទ ៖ មន្នីរ័ត្ន
មន្ត្រីជលផលកំពង់ចាម បន្តចុះបង្ក្រាបឧបករណ៍នេសាទខុសច្បាប់នៅភូមិសាស្ត្រស្រុកកងមាសនិងស្រុកព្រៃឈរ
សម្តេចប៉ាប ហ្វ្រង់ស៊ីស សរសើរកម្ពុជាដែលចូលរួមលុបបំបាត់គ្រោះថ្នាក់ដោយសារគ្រាប់មីននៅលើពិភពលោក
ការបណ្តុះបណ្តាចំណេះទូទៅហើយ សិស្សានុសិស្ស ត្រូវបន្តបណ្តុះបណ្តាលបន្ថែម លើផ្នែកបច្ចេកវិទ្យា ទើបដើរឱ្យទាន់ការវិវត្តនៃវិស័យបច្ចេកវិទ្យាឌីជីថល
អេហ្ស៊ីបផ្តល់អាវុធបន្ថែមដល់សូម៉ាលី ដែលបង្កអរិភាពជាមួយអេត្យូពី
ម្ចាស់ Telegram ថាខ្លួននឹងផ្តល់ទិន្នន័យអ្នកប្រើប្រាស់ដល់អាជ្ញាធរតាមដីកា
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ
រលកយក្សស៊ូណាមិតូចមួយវាយប្រហារប្រជុំកោះ Izu របស់ជប៉ុន
កម្ពស់ទឹកទន្លេមេគង្គខេត្តក្រចេះខ្វះតែ ០,៦០ ម៉ែត្រទៀត ដល់កម្រិតប្រកាសឲ្យប្រុងប្រយ័ត្ន
ឡើងកម្តៅ! អ៊ីស្រាអែល សម្លាប់មនុស្សជិត ៥០០នាក់នៅលីបង់ ខណៈអាមេរិក បញ្ជូនទ័ពបន្ថែមទៅ មជ្ឈិមបូព៌ា
-
ព័ត៌មានជាតិ៦ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានជាតិ៤ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ១២ ម៉ោង agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានអន្ដរជាតិ៧ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ១ សប្តាហ៍ agoរដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ១ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ