កីឡា
នេះជាការចំណាយ និងចំណូលរបស់កម្ពុជារៀបចំស៊ីហ្គេម-អាស៊ានប៉ារ៉ាហ្គេម
ការរៀបចំធ្វើម្ចាស់ផ្ទះការប្រកួតកីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ អាចនឹងចំណាយតិចជាងប្រទេសមួយចំនួនដែលបានរៀបចំធ្វើព្រឹត្តិការណ៍កីឡាធំប្រចាំតំបន់អាស៊ានទាំងពីរកន្លងមក។
លោក វ៉ាត់ ចំរើន អគ្គលេខាធិការនៃគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមបានឲ្យដឹងក្នុងសន្និសីទសារព័ត៌មានស្តីពីវឌ្ឍនភាពការងារត្រៀមខ្លួនរៀបចំព្រឹត្តិការណ៍កីឡាទាំងពីរកាលពីព្រឹកថ្ងៃទី២៣ ខែកុម្ភៈ ឆ្នាំ២០២៣ នៅទីស្នាក់ការនៃគណៈកម្មាធិការជាតិអូឡាំពិកកម្ពុជាថា កន្លងមកមានការផ្សព្វផ្សាយពីការចំណាយរបស់កម្ពុជាចំនួននេះ ចំនួននោះ ខុសៗគ្នា ហើយចេញពីប្រភពផ្សេងគ្នាក៏មាន ប៉ុន្តែការផ្សាយទាំងអស់នោះមិនខុសទេ។
លោកបានបញ្ជាក់ថា សម្រាប់ការចំណាយរបស់កម្ពុជាក្នុងការត្រៀមខ្លួនរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេមនេះមិនមែនផ្តោតលើតែការរៀបចំតែម្យ៉ាងនោះទេ។ កម្ពុជាបានចំណាយលើផ្នែកផ្សេងៗជាច្រើនរាប់ទាំងការចំណាយលើបណ្តុះបណ្តាលធនធានមនុស្ស ការចំណាយលើការបណ្តុះបណ្តាលអត្តពលិក ហេដ្ឋារចនាសម្ព័ន្ធផ្លូវថ្នលជាដើម។ ប្រទេសខ្លះគេមានកញ្ចប់ថវិកាចំណាយលើការបណ្តុះបណ្តាល កីឡាករ កីឡាការិនី ឬផ្លូវថ្នលជាដើមគឺដាច់ដោយឡែក ហើយចំណាយលើរៀបចំព្រឹត្តិការណ៍កីឡាផ្សេង ប៉ុន្តែកម្ពុជាបានចំណាយរួមចូលគ្នា។
«យើងចំណាយប្រមាណ១២៤លានដុល្លារអាមេរិកសម្រាប់រៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេម»។ លោក វ៉ាត់ ចំរើន បានបញ្ជាក់ពីចំនួនទឹកប្រាក់លើការចំណាយ និងបន្ថែមថា «យើងបានសន្សំសំចៃបំផុត ឬហៅថា Saving Games ប៉ុន្តែធ្វើឲ្យព្រឹត្តិការណ៍អស្ចារ្យបំផុត។ ប្រទេសខ្លះ គេចំណាយកញ្ចប់ថវិកាមួយសម្រាប់ព្រឹត្តិការណ៍តែមួយទេ ប៉ុន្តែកម្ពុជាយើងចំណាយកញ្ចប់ថវិកាប៉ុណ្ណឹងគឺរៀបចំទាំងស៊ីហ្គេម និងអាស៊ានប៉ារ៉ាហ្គេម ដល់ទៅ២ព្រឹត្តិការណ៍»។
លោកបានបញ្ជាក់បន្ថែមថា ៖«សម្រាប់ថវិកាចំណាយទាំងនេះ យើងចំណាយប្រមាណ៣០លានដុល្លារអាមេរិកលើកីឡាអាស៊ានប៉ារ៉ាហ្គេម» ហើយការចំណាយគិតចាប់តាំងពីឆ្នាំ២០១៩មកម្ល៉េះ។
លោកអគ្គលេខាធិការក៏បានបន្តឲ្យដឹងថា ទន្ទឹមជាមួយនឹងការចំណាយ គណៈកម្មាធិការជាតិរៀបចំការប្រកួតក៏បានប្រឹងប្រែងស្វែងរកប្រាក់ចំណូលពីការរៀបចំផងដែរ។ ក្នុងនោះក៏ទទួលបានក្រុមហ៊ុនមួយចំនួនដែលបានចុះកុងត្រាក្លាយជាដៃគូឧបត្ថម្ភរួចហើយ។
លោកបានបញ្ជាក់ថា ៖«យើងរកចំណូលបានប្រហែលជា១០ទៅ២០លានដុល្លារ ឬប្រហែលជា២០ភាគរយនៃការចំណាយសរុប»៕
អត្ថបទ៖ វីរបុត្រ
ឆ្នេរប្រណិតដំបូងគេនៅខេត្តកែប ប្រកាសបើកការដ្ឋានសាងសង់ គ្រោងប្រើប្រាស់ពេលពីរឆ្នាំបញ្ចប់គម្រោងអភិវឌ្ឍ
រដ្ឋមន្ត្រីក្រសួងមហាផ្ទៃណែនាំឱ្យអាជ្ញាធររាជធានី ទប់ស្កាត់គ្រោះថ្នាក់ចរាចរណ៍ និងរៀបចំសណ្តាប់ធ្នាប់សាធារណៈ
សហជីពគាំទ្រវិធានការរបស់ក្រសួងការងារ ក្នុងការពង្រឹងការធ្វើអធិការកិច្ចតាមរោងចក្រ សហគ្រាស ដើម្បីធានាការផ្តល់អត្ថប្រយោជន៍ពេញលេញដល់កម្មករនិយោជិត
រដ្ឋមន្ត្រីបរិស្ថាន៖ គុណភាពខ្យល់នៅកម្ពុជាល្អ មិនប៉ះពាល់សុខភាព ខណៈប្រទេសជិតខាងមានជាតិពុលខ្លាំង
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៧ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ