កីឡា

លេងដំបូង Taylor ស៊ុត១គ្រាប់ ខណៈ ព្រះ.ស្វាយរៀងឈ្នះអង្គរថាយហ្គឺរ ៥-០

បានផុស

២ years មុន

នៅ

ថ្ងៃអាទិត្យ ២៦ កុម្ភៈ ២០២៣

ដោយ

ព្រះខ័នរាជស្វាយរៀងទទួលបានជ័យជម្នះដោយលទ្ធផល ៥-០ លើក្រុមម្ចាស់ផ្ទះអង្គរថាយហ្គឺរ សម្រាប់ការប្រកួតខេមបូឌានលីគខាប់ ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតវគ្គទី១ គ្មានគ្រាប់បាល់កើតឡើងទេ បើទោះជាក្រុមភ្ញៀវបានព្យាយាមសម្រុកខ្លាំង និងមានឱកាសជាញឹកញាប់ ខណៈម្ចាស់ផ្ទះអង្គរថាយហ្គឺរបានត្រឹមព្យាយាមការពារដើម្បីវាយបក។

យ៉ាងណា នៅវគ្គទី២ ព្រះខ័នរាជស្វាយរៀងស៊ុតចូល៥គ្រាប់ដោយកីឡាករ៣នាក់ផ្សេងគ្នា ក្នុងនោះខ្សែប្រយុទ្ធកម្ពស់ខ្ពស់ Marcus Haber ធ្វើបានសម្រេច៣គ្រាប់ម្នាក់ឯងនៅនាទី ៥២, ៦២, និង ៧២ ហើយ ប្រាក់ មុន្នីឧត្តម ទាត់បាល់ហ្វ្រីកឃីត ចូលនាទីទី៥៦ មុនពេលប្តូរចេញ ជំនួសដោយ Nick Taylor។

កីឡាករខ្មែរ-អាមេរិក Nick Taylor ដែលប្តូរចូលជំនួស ប្រាក់ មុន្នីឧត្តម ស៊ុតចូលបាន១គ្រាប់នៅនាទី ៦៩។ នេះជាការបង្ហាញខ្លួនលើកដំបូងឲ្យព្រះខ័នរាជស្វាយរៀង និងខេមបូឌានលីគខាប់ ហើយរកបានគ្រាប់បាល់តែម្តង។

សម្រាប់ការបង្ហាញខ្លួនជាលើកដំបូងនេះ Nick Taylor ត្រូវបានអ្នកគាំទ្រកោតសរសើរពីបច្ចេកទេសលេងដ៏គួរឲ្យចាប់អារម្មណ៍តាមចង្វាក់មួយប៉ះ និងល្បឿនៗ។ រូបគេអាចនឹងកាន់តែធ្វើបានល្អសម្រាប់ការប្រកួតបន្ទាប់៕

អត្ថបទ៖ វីរបុត្រ

Related Topics:ក្លឹបបាល់ទាត់ព្រះខ័នរាជស្វាយរៀង